Yn Hamdden Sir Ddinbych rydym yn ymfalchïo mewn darparu cyfleoedd hygyrch o ansawdd uchel i wella lles trigolion Sir Ddinbych.
Fel rhan o’r ymrwymiad hwn rydym yn falch o fod yn rhan o Gynllun Gweithredu Pwysau Iechyd Cymru Iach (HWHW) Llywodraeth Cymru sy’n ein cefnogi i gynnig cynllun newydd yn benodol ar gyfer pobl dros 60 oed a fydd yn annog gweithgaredd corfforol a dewisiadau bywyd iach, i’r bobl hynny nad ydynt yn weithredol ar hyn o bryd.
Pam fod ymarfer corff yn bwysig?
Mae ymarfer corff ac ymarfer corff rheolaidd yn helpu i wella iechyd meddwl a chorfforol, a bydd y ddau beth yn eich helpu i gynnal eich annibyniaeth wrth i chi heneiddio. Mae ymarfer corff yn gwella cryfder, cydbwysedd, symudedd a lefelau dygnwch gan helpu i atal codymau a rhai clefydau. Gall ymarfer corff godi ein hwyliau a’n gwneud ni’n hapus.
Bod yn actif wrth i ni fynd yn hŷn
Mae parhau i wneud ymarfer corff wrth i ni fynd yn hŷn yn hanfodol bwysig.
Gall gweithgaredd rheolaidd leihau eich risg o glefyd y galon, strôc, rhai mathau o ganser, iselder a dementia.
Bod yn actif –
- yn helpu eich sgiliau meddwl – fel cofio ffeithiau a geiriau, datrys problemau a gwneud penderfyniadau.
- yn gallu lleihau poenau, eich helpu i aros yn sefydlog ar eich traed a gwneud i chi deimlo’n fwy positif.
- Gall helpu gyda’ch cydbwysedd sy’n helpu gyda chydsymud sydd yn ei dro o fudd i weithgareddau bob dydd fel cerdded, cario siopa, ymestyn i’r silffoedd uwch a gwisgo.
Gallai gweithgareddau addas gynnwys cerdded, nofio, dosbarthiadau ffitrwydd effaith isel, rhaglen gampfa bersonol, pêl-droed cerdded, yoga a Pilates.
Cwblhewch y ffurflen isod a bydd aelod o’r tîm yn cysylltu â chi
