Archebion

Ystyr ‘y Cwmni’ yw Hamdden Sir Ddinbych Cyf (Hamdden Sir Ddinbych)

Ystyr ‘Llogwr’ yw unrhyw un sy’n defnyddio’r holl gyfleusterau neu ran ohonynt, naill ai drwy dalu tâl mynediad, tâl llogi,

‘Defnyddiwr’ neu fel gwyliwr. Yn achos plentyn neu unigolyn ifanc yn defnyddio’r cyfleusterau, bydd y Llogwr hefyd yn cynnwys ei riant neu warcheidwad. Ar gyfer defnydd clybiau mae’r term Llogwr yn cynnwys aelodau’r Clwb a chorff corfforedig y Clwb.

Y ‘Rheolwr Gweithrediadau Hamdden’ yw’r uwch-reolwr sy’n gyfrifol am y cyfleusterau a logir.

1. Rhaid i’r holl archebion gael eu gwneud drwy’r Ffurflen Archebu Bloc sydd ar gael yma: https://denbighshireleisure.co.uk/block-bookings/
2. Bydd y ffioedd sy’n daladwy mewn perthynas â’r Cytundeb hwn yn unol â graddfa daliadau Hamdden Sir Ddinbych ac fe hysbysir y Llogwr ohonynt yn y Cadarnhad o’r Archeb.
3. Mae’n rhaid i bawb sy’n archebu fynd i’r Gwasanaethau Gwesteion cyn dechrau’r sesiwn archebu a mewngofnodi’n ddieithriad.
4. Mae Hamdden Sir Ddinbych yn cadw’r hawl i ganslo’r archeb am ba bynnag reswm. Ni fydd gan y Llogwr hawl i unrhyw iawndal am golled neu ddifrod (boed hynny’n uniongyrchol neu’n anuniongyrchol) o ganlyniad i ganslo archeb yn y fath fodd.
5. Rhaid i’r Llogwr gydymffurfio â Pholisi Mynediad y ganolfan. https://denbighshireleisure.co.uk/cy/admission-policy-wel/
6. Dim ond y cyfleusterau hynny a gaiff eu cynnwys yn y Cadarnhad o’r Archeb y caiff y Llogwr eu defnyddio, ac o fewn yr adegau a nodir. Ni chaniateir defnyddio’r cyfleusterau at unrhyw ddiben arall ond yr hyn a nodir yn y Cadarnhad o’r Archeb.
7. Ni ddylai’r Llogwr neilltuo na gosod budd y cytundeb llogi i neb arall o dan unrhyw amgylchiadau.
8. Bydd y Llogwr yn gyfrifol am gadw trefn a sicrhau bod yr holl gyfranogwyr yn ymddwyn yn briodol a rhaid iddynt sicrhau bod hynny’n cynnwys goruchwylio cyn y sesiwn ac wedi i’r sesiwn ddod i ben. Oni chytunir yn wahanol, bydd y Llogwr yn sicrhau bod y cyfranogwyr yn cyrraedd y safle ddim mwy na 15 munud cyn dechrau’r sesiwn a sicrhau eu bod wedi ymadael â’r safle’n drefnus ddim mwy na 15 munud ar ôl diwedd y sesiwn.
9. Cyfyngir pob sesiwn yn y Neuaddau Chwaraeon i 55 munud yn unig fel bod modd gosod a datgymalu offer cyn y sesiwn nesaf.
10. Os yw Hamdden Sir Ddinbych yn gofyn am hynny bydd y Llogwr, cyn dyddiad yr archeb, yn trefnu yswiriant ar y cyd yn enwau Hamdden Sir Ddinbych a’r Llogwr rhag atebolrwydd y Llogwr i dalu unrhyw swm y mae Hamdden Sir Ddinbych yn ei bennu, a darparu tystiolaeth o’r yswiriant hwnnw.
11. Mae Hamdden Sir Ddinbych yn cadw’r hawl i wrthod mynediad i’r safle, yr hawl i anfon unrhyw unigolyn neu unigolion afreolus allan neu gael gwared ag unrhyw eitem a all achosi difrod neu berygl.
12. Mae’n rhaid i unrhyw gŵyn gan y Llogwr ynglŷn â defnyddio’r safle neu’r trefniadau ar gyfer hynny gael ei gwneud yn ysgrifenedig i’r Rheolwr Gweithrediadau Hamdden cyn pen 24 awr ar ôl y digwyddiad gan roi sail dros y gŵyn.
13. Mae Hamdden Sir Ddinbych yn cadw’r hawl i wrthod unrhyw gais am logi heb roi rheswm, pennu amodau ychwanegol ar unrhyw archeb benodol ac amrywio graddfa’r ffioedd ar gyfer unrhyw archeb benodol.
14. Mae Swyddog Cymorth Cyntaf cymwys yn bresennol ar ein safle bob amser. Wrth archebu ar gyfer digwyddiad wedi’i drefnu (er enghraifft Twrnamaint Chwaraeon), mae’n rhaid i’r Llogwr ddarparu Swyddog Cymorth Cyntaf cymwys ei hun ar gyfer y digwyddiad. Mae’n rhaid hysbysu aelod o staff am unrhyw ddigwyddiad Cymorth Cyntaf a dylid ei gofnodi yn y llyfr damweiniau a gedwir gan Wasanaethau Gwesteion y Ganolfan Hamdden.
15. Bydd Hamdden Sir Ddinbych yn hysbysu’r Llogwr cyn gynted ag y bo modd os na fydd y cyfleusterau ar gael ar unrhyw ddyddiad penodol neu’n anaddas i’w defnyddio. Bydd Hamdden Sir Ddinbych yn hysbysu’r cyswllt dynodedig a ddarparwyd gan y Llogwr ar y ffurflen gais. Y Llogwr sy’n gyfrifol am sicrhau y darperir y manylion cyswllt iawn i Hamdden Sir Ddinbych ar gyfer yr archeb a’u hysbysu ynglŷn ag unrhyw newidiadau.
16. Mae Llogwr pob sesiwn yn gyfrifol am glirio unrhyw sbwriel. Mae’n rhaid rhoi sbwriel yn y biniau a ddarperir a bydd yn rhaid penodi rhywun i sicrhau nad oes unrhyw sbwriel ar y cyrtiau na’r mannau gwylio pan ddaw’r sesiwn i ben.
17. Ni all Hamdden Sir Ddinbych dderbyn unrhyw gyfrifoldeb am golled neu ddifrod i eiddo personol.
18. Ni chaniateir i wylwyr ddefnyddio’r cyfleusterau chwaraeon nac ymddwyn mewn unrhyw ffordd a allai amharu ar bobl eraill neu beryglu eu diogelwch a’u mwynhad.
19. Dim ond mewn argyfwng y dylid defnyddio’r allanfeydd tân. Os bydd tân, bydd Hamdden Sir Ddinbych yn cymryd cyfrifoldeb hyd nes bod y Gwasanaeth Tân ac Achub yn cyrraedd.
20. Mae’n rhaid i’r Llogwr fod yn ymwybodol o faint o bobl sy’n cymryd rhan a dylai fod yn gallu eu cyfrif os bydd argyfwng.
21. Telerau Talu – Taliadau Misol 
    1. 1. Gall clybiau/sefydliadau ddewis cael anfoneb yn fisol am eu harchebion. Gall anfonebau gael eu talu ar y safle neu drwy BACS (Trosglwyddiad Banc). Mae telerau talu 30 diwrnod yn berthnasol e.e. fe fyddech yn cael anfoneb am eich archebion fis Hydref ar 1 Medi a rhaid ei dalu’n llawn erbyn 30 Medi.
       2. Os yw taliad yn dod 30 diwrnod yn hwyr bydd unrhyw archebion sy’n weddill yn cael eu hatal hyd nes y gwneir y taliad.
       3. Os yw taliad yn dod 60 diwrnod yn hwyr, bydd unrhyw archebion sy’n weddill yn cael eu canslo ac fe allai’r ddyled gael ei chyfeirio at asiantaeth casglu dyledion a allai arwain at daliadau ychwanegol.
       4. Mae Hamdden Sir Ddinbych yn cadw’r hawl i godi llog ar daliadau hwyr.
       5. Bydd unrhyw glwb/sefydliad nad yw’n talu’n unol â’r telerau a bennwyd yn atebol i dalu costau cyfreithiol sy’n deillio o adennill y ddyled.
       6. Mae Hamdden Sir Ddinbych yn cadw’r hawl i wrthod archebion neu fynnu taliad o flaen llaw gan Glybiau â dyledion heb eu talu neu hanes o dalu’n hwyr.
22. Telerau Talu – Taliadau Wythnosol
    1. Os bydd Hamdden Sir Ddinbych yn fodlon, gallwch drefnu talu ar gyfer eich archeb bloc yn wythnosol.
    2. Byddai gofyn i chi dalu am bob sesiwn 7 diwrnod cyn pob sesiwn h.y. talu yr wythnos hon am sesiwn yr wythnos nesaf. Bydd methu â gwneud hynny yn arwain at roi eich sesiwn ar werth i’r cyhoedd.
    3. Mae Hamdden Sir Ddinbych yn cadw’r hawl i ganslo archebion bloc os yw’r Llogwr yn methu â chadw at yr amserlen dalu.
23. Telerau Talu – archebion unigol 
    1. Mae’n rhaid talu am archebion unigol yn llawn ymlaen llaw, cyn dyddiad y sesiwn.
24. Canslo
    1. Mae angen hysbysiad ysgrifenedig sydd o leiaf 7 diwrnod i ganslo unrhyw archeb o fewn cyfnod yr Archeb Bloc. Fel arall bydd y tâl ar gyfer yr archebion hyn dal yn berthnasol. Gellir rhoi rhybudd drwy e-bost neu drwy Ffurflen Ganslo Archebion Bloc sydd i’w gael gan Wasanaethau Gwestai’r Ganolfan Hamdden. Mae’n rhaid i’r Llogwr ddarparu enw llawn yr archeb ynghyd â’r dyddiadau a’r amseroedd i’w canslo. Nid yw’n dderbyniol canslo sesiynau ar lafar. Os na roddir rhybudd o’r fath, codir y tâl llogi llawn.
    2. Gellir canslo uchafswm o 3 archeb yn ystod cyfnod y cytundeb archeb bloc. Os eir y tu hwnt i hynny mae Hamdden Sir Ddinbych yn cadw’r hawl i ganslo’r Archeb Bloc cyfan.
25. Gostyngiad o 10% i Glybiau wrth Archebu

Rhoddir gostyngiad o 10% i Glybiau wrth Archebu yn yr achosion canlynol yn unig:

1. 1. 1. Mae’r gyfres yn cynnwys 10 o sesiynau neu fwy.
      2. Mae pob sesiwn yn ymwneud â’r un gamp neu weithgaredd.
      3. Caiff anfonebau eu talu’n fisol.
      4. Cynhelir pob sesiwn yn yr un lle, er ei bod yn dderbyniol i ddefnyddio cae, cwrt neu lôn wahanol, neu wahanol nifer o gaeau, cyrtiau neu lonydd.
      5. Mae o leiaf un diwrnod rhwng pob sesiwn ond dim mwy na 14 o ddiwrnodau. Gall hyd y sesiynau amrywio, fodd bynnag nid oes unrhyw eithriad ar gyfer cyfnodau sy’n fwy na 14 diwrnod o ganlyniad i’r ffaith fod y cyfleuster ar gau am ba bynnag reswm.
      6. Pan delir am y gyfres gyfan a bod tystiolaeth ysgrifenedig o hynny. Mae’n rhaid i hynny gynnwys tystiolaeth y gwneir y taliad yn llawn p’un ai a ddefnyddir yr hawl i ddefnyddio’r cyfleuster ar gyfer unrhyw sesiwn benodol neu beidio. Ni fyddai’r ddarpariaeth i’r darparwr roi ad-daliad os na fydd y cyfleuster ar gael am ryw reswm annisgwyl yn effeithio ar yr amod hwn.
      7. Pan osodir y cyfleusterau hyn i ysgol, clwb, cymdeithas neu sefydliad sy’n cynrychioli clybiau cysylltiedig neu gymdeithasau cyfansoddol, fel cynghrair leol.
      8. Pan fo gan y sawl y gosodwyd y cyfleusterau iddynt ddefnydd neilltuedig ohonynt yn ystod y sesiynau.
      9. Ni fydd clybiau yn gallu canslo unrhyw sesiynau yn y gyfres.

26. Diogelu

1. 1. Mae’r Llogwr yn gyfrifol am sicrhau fod yr holl hyfforddwyr yn meddu ar gymwysterau addas a bod hyfforddwyr sy’n gweithio â chyfranogwyr dan ddeunaw oed wedi cael gwiriad manylach gan y Gwasanaeth Datgelu a Gwahardd.
   2. Mae’n rhaid i’r Llogwr lenwi Ffurflen Ddiogelu Hamdden Sir Ddinbych a chadarnhau y cyflawnwyd yr holl ddyletswyddau diogelu.
   3. Bydd Hamdden Sir Ddinbych yn cynnal archwiliad llawn o gymwysterau, gwiriadau’r Gwasanaeth Datgelu a Gwahardd a dogfennau diogelu o bryd i’w gilydd. Os na ddarperir y dogfennau sy’n ofynnol ymhen pythefnos, efallai y gwrthodir caniatâd i ddefnyddio’r cyfleusterau.
   4. Mae’n rhaid i’r Llogwr feddu ar yswiriant atebolrwydd cyhoeddus a gwneud asesiadau risg ar gyfer yr holl weithgareddau y maent yn eu cynnal, a’u darparu ar gyfer archwiliad gan Hamdden Sir Ddinbych ar gais.
   5. Os bydd y Llogwr neu unrhyw un o’i weithwyr, neu asiantiaid, yn torri unrhyw un o’r amodau hyn mae Hamdden Sir Ddinbych yn cadw’r hawl i ganslo’r archeb ar unwaith drwy rybudd ysgrifenedig i’r Llogwr neu ei gynrychiolydd, ac wrth wneud hynny ni fydd y Ganolfan yn atebol i ad-dalu unrhyw gyfran o’r tâl llogi nac unrhyw iawndal i’r Llogwr nac unrhyw drydydd parti.