Mae Hamdden Sir Ddinbych (DLL) yn falch o gyhoeddi dychweliad  Anton Benson Productions i Theatr Pafiliwn y Rhyl y Pasg hwn yn dilyn tymor pantomeim Nadolig llwyddiannus iawn.
 
Bydd y cwmni cynhyrchu yn dod â’u Pantomeim Pasg anhygoel Mother Goose i’r Rhyl ddydd Sadwrn, 4 Ebrill am 2pm a 6pm, a dydd Sul, 5 Ebrill am 2pm, gan addo penwythnos llawn o chwerthin, cerddoriaeth a hwyl i’r teulu cyfan.
 
Mae’r sioe yn croesawu dychweliad un o’r ffefrynnau, seren Casualty Amanda Henderson, a fydd yn ymuno â’r cast fel ‘Fairy Virtue’. Perfformiwr cyfarwydd a hoffus iawn yn y Rhyl, mae Amanda yn wyneb rheolaidd ym mhantomeimiau Nadolig Cynyrchiadau Anton Benson. Enillodd Amanda Wobr Panto’r DU am ‘Cymeriad Chwedlonol Gorau’ am ei rôl fel ‘Fairy’ yn Jack and the Beanstalk yn 2023 yn Theatr Pafiliwn y Rhyl, ac fe rannodd rôl ‘Fairy’ ar daith Panto’r Pasg llynedd hefyd.
 
Mae Amanda yn ymuno â chast anhygoel, sy’n cynnwys Darren Day, Basil Brush, Helen Flanagan o Coronation Street a’r ffefryn Ryan Greaves, gan sicrhau y bydd cynulleidfaoedd yn cael adloniant o’r radd flaenaf, a digon o fomentau llawn hud.
 
Meddai Jamie Groves, Rheolwr Gyfarwyddwr Hamdden Sir Ddinbych Cyf: “Rydym yn falch iawn o groesawu Cynyrchiadau Anton Benson yn ôl i Theatr Pafiliwn y Rhyl y Pasg hwn, ar ôl tymor panto gwych dros y Nadolig. Mae eu cynyrchiadau bob amser yn uchafbwynt yn ein rhaglen, gan ddod ag adloniant rhagorol i’r teulu cyfan i galon ein cymuned. Rydym yn arbennig o falch o weld Amanda Henderson yn dychwelyd i’r Rhyl, mae hi’n un o ffefrynnau’r gynulleidfa – ac rydym yn edrych ymlaen at groesawu teuluoedd o’r rhanbarth cyfan am beth sy’n addo i fod yn benwythnos gwych o adloniant.”
 

Disgwylir i docynnau werthu’n gyflym yn dilyn llwyddiant ymweliadau blaenorol. Archebwch eich tocynnau ar-lein ar: https://rhylpavilion.co.uk/events_list/mother-goose/  neu ffoniwch dîm y swyddfa docynnau ar 01824 774893.