Roedd te prynhawn, bandiau milwrol ac ymddangosiadau brenhinol yn rhai o bleserau parti gardd fawreddog a gynhaliwyd ar ran y Brenin Siarl ym Mhalas Buckingham yr wythnos hon.

Derbyniodd Jamie Groves, Rheolwr Gyfarwyddwr DLL, wahoddiad i’r parti gardd gan yr Arglwydd Chamberlain ar ran Ei Fawrhydi, yn dilyn ei waith gyda DLL a’i ymroddiad i’r diwydiant hamdden dros y 15 mlynedd diwethaf. Enwebwyd Jamie ar gyfer yr anrhydedd hon gan ffrindiau, Mike a Jules Peters.

Cafodd y gwahoddedigion eu cyfarch gan ddau fand Milwrol Brenhinol ar dir Palas Buckingham, ac yna te prynhawn yn y gerddi.

Roedd y Tywysog William yn bresennol ac yn herian gyda’r mynychwyr ei fod yn “dywydd da ar gyfer nofio”.   Ymunodd ei gefndryd hefyd, y tywysogesau Beatrice ac Eugenie, a Zara Tindall, gyda’i gŵr Mike.

Wrth siarad am y digwyddiad, dywedodd Jamie Groves: “Roedd yn anrhydedd cael fy enwebu gan Jules a Mike, ac roedd mynychu digwyddiad mor fawreddog yn brofiad gwirioneddol anghredadwy. Roedd yn swreal cerdded trwy dir y palas ym mhresenoldeb aelodau o’r teulu brenhinol ac roedd yn ddiwrnod na fyddwn byth yn ei anghofio.   Rydw i mor falch o gynrychioli’r cwmni yn y digwyddiad hwn ac yn teimlo’n hynod ostyngedig i gael fy enwebu, mae’n arbennig iawn bod y gwaith rydw i a fy nhîm yn ei wneud yn DLL wedi cael ei gydnabod fel hyn.”

Mae DLL yn gyffrous i gyhoeddi y bydd Jason Mohammad, seren Final Score BBC 1 yn cyflwyno Gwobrau Cymunedau Bywiog DLL 2024.

Mae’r Gwobrau mawreddog yn anrhydeddu aelodau o’r gymuned sydd wedi gwneud gwahaniaeth neu wedi cyflawni rhywbeth arbennig yn y maes chwaraeon, y celfyddydau a diwylliant o fewn y blwyddyn diwethaf.

Mae’r gwobrau, (a oedd yn cael ei adnabod fel y Gwobrau Chwaraeon Sir Ddinbych gynt), bellach wedi tyfu i anrhydeddu unigolion, grwpiau, timau, ysgolion a chlybiau lleol sydd wedi gwneud gwahaniaeth neu wedi cyflawni rhywbeth mewn chwaraeon neu weithgaredd, celfyddydau a diwylliant yn eu cymuned.

Daeth dros 450 o westeion, gan gynnwys preswylwyr, partneriaid a busnesau lleol, i’r digwyddiad mawr hwn yn Theatr Pafiliwn y Rhyl, ochr yn ochr â’r holl enwebeion a’u teuluoedd, a drefnwyd gan Hamdden Sir Ddinbych Cyf (DLL) y llynnedd. Derbyniwyd 12 gwobr ar y noson, gan gynnwys Clwb Chwaraeon y Flwyddyn, Person Ifanc Rhagoriaeth a’r Prosiect Creadigol Cymunedol Gorau.

Bydd seremoni 2024 yn cael ei chynnal ar 13eg Tachwedd ac yn cael ei chynnal unwaith eto yn Theatr Pafiliwn y Rhyl a 1891.

Bydd enwebiadau ar gyfer y gwobrau yn agor ar 1af Mehefin, gyda DLL yn annog pob aelod o’r cyhoedd i gymryd rhan ac enwebu rhywun yn eu cymuned trwy’r wefan.

Dywedodd Jamie Groves, Rheolwr Gyfarwyddwr DLL: “Rydym yn edrych ymlaen at groesawu Jason Mohammad i’r Rhyl ym mis Tachwedd. Mae gwobrau Cymunedau Bywiog DLL yn ddigwyddiad gwych sy’n helpu i gydnabod a dathlu llwyddiant unigolion, timau, clybiau ac ysgolion yn Sir Ddinbych. Rydym yn gyffrous i fod yn ôl yn theatr Pafiliwn y Rhyl, a bwyty a bar 1891 ac yn edrych ymlaen at dderbyn yr holl enwebiadau, ac rwy’n siŵr y bydd hynny’n rhoi tasg anodd i’r beirniaid ddewis ohoni!”

Cynhelir y beirniadu ar gyfer y gwobrau ym mis Awst a chyhoeddir yr enillwyr yn fyw ar y llwyfan ym mis Tachwedd.

Am fwy o wybodaeth ewch i https://denbighshireleisure.co.uk/cy/gwobrau-cb-2024/ 

Derbyniodd cystadleuaeth ‘falch o fod yn Gymry’ Hamdden Sir Ddinbych Cyf (DLL) gannoedd o geisiadau gan blant yn rhannu eu cariad at y diwylliant Cymreig trwy ddylunio poster a fyddai’n cael ei argraffu ar grysau-t hyfforddwr ffitrwydd DLL.

Gwahoddodd DLL artistiaid ifanc i gymryd rhan mewn cystadleuaeth dylunio crys-t ar thema ‘Beth Sy’n Eich Gwneud yn Falch o Fod yn Gymraeg’, wedi’i hanelu at blant 11 oed ac iau.

Derbyniwyd dros 150 o geisiadau ac oherwydd safon uchel y ceisiadau, dewiswyd tri enillydd i dderbyn tocynnau Ninja TAG yn SC2 Rhyl.

Daisy o Ysgol Dewi Sant luniodd y dyluniad buddugol a chafodd ei phoster wedi’w argraffu a’i wisgo gan grysau-t hyfforddwr ffitrwydd DLL ar draws pob un o’u safleoedd ffitrwydd. Cafodd Emma o Ysgol Caer Drewyn a Darcie o Ysgol Bryn Clwyd eu dewis hefyd fel enillwyr a chawsant dau docyn Ninja TAG yr un.

Dywedodd Jamie Groves, Rheolwr Gyfarwyddwr DLL: “Fel busnes Cymreig mae’n bwysig i ni ddathlu ein diwylliant Cymreig ac eleni mae hi wedi bod yn bleser gweld yr holl geisiadau anhygoel ar gyfer y gystadleuaeth hon. Hoffem ddiolch yn fawr iawn i bawb a gystadlodd yn ein cystadleuaeth dylunio poster o ‘Beth sy’n eich gwneud yn falch o fod yn Gymraeg’. Mae’r ymateb wedi bod yn anhygoel ac rydym wedi cael dros 150 o geisiadau o bob rhan o Sir Ddinbych. Roedd hi mor anodd dewis un enillydd yn unig, felly rydym wedi dyfarnu 2il wobr a 3ydd gwobr sydd hefyd wedi ennill 2 docyn Ninja TAG yr un, rydym wedi cysylltu â’r unigolion a’r ysgolion hyn yn uniongyrchol. Unwaith eto, rwyf eisiau dweud llongyfarchiadau mawr i bawb am gystadlu ac am ddylunio posteri o safon mor uchel. #DLLYdymNi, #CymraegABalch”

Mae tîm Celfyddydau Cymunedol DLL wedi cynllunio ystod o brosiectau celfyddydol i hyrwyddo a dathlu Wythnos Genedlaethol Rhwng Cenedlaethau rhwng 24 a 30 Ebrill.

2024 yw pedwaredd flwyddyn Wythnos Genedlaethol Rhwng Cenedlaethau, yr ymgyrch fyd-eang flynyddol sy’n annog pobl o bob oed i groesawu arferion a pherthnasoedd rhwng cenedlaethau. Mae’r ymgyrch yn ceisio dod â phobl at ei gilydd i ffurfio cysylltiadau a chyfeillgarwch pwysig a pharhaol, ac i fwynhau prosiectau sydd â buddion fel gwelliannau lles, tra hefyd yn addysgiadol ac yn hwyl.

Bydd y rhaglen a ddyluniwyd gan y Gwasanaeth Celfyddydau Cymunedol yn cynnwys disgyblion o Ysgol Borthyn, Rhuthun yn ymuno â’r Grŵp Ymgolli Mewn Celf ar ddydd Mawrth rhwng 1-3pm yng Nghanolfan Grefft Rhuthun i fwynhau prynhawn o chelf a chrefft. Mae Ymgolli Mewn Celf yn brosiect sydd wedi’i anelu at bobl sy’n byw gyda dementia, ynghyd ag aelodau o’u teulu a’u gofalwyr, a’i nod yw defnyddio celfyddydau gweledol i fynd i’r afael â materion fel ynysu cymdeithasol.

Mae Paned a Chân, y grŵp cymunedol canu Cymraeg er lles wythnosol ym mhentref Llanrhaeadr wedi’i wahodd i ymuno â disgyblion Ysgol Bro Cinmeirch ar ddydd Mawrth, 30 Ebrill (10.30am-11.30am) ar gyfer sesiwn ganu hwyliog rhwng cenedlaethau i ddathlu Wythnos Genedlaethol Rhwng Cenedlaethau mewn partneriaeth gyda Chanolfan Gerdd William Mathias.

Yn ogystal ag Wythnos Genedlaethol Rhwng Cenedlaethau, mae’r tîm yn parhau i weithio ar ystod o brosiectau parhaus, megis cefnogi adran Tai CSDd i ymgysylltu â’u dinasyddion ledled y sir trwy ymyriadau creadigol; cefnogi Partneriaeth Gymunedol De Sir Ddinbych i redeg grwpiau celf greadigol yng Nghanolfan Ni yng Nghorwen a Chanolfan Pengwern yn Llangollen a gweithio gyda chymdeithasau tai i gefnogi gweithgaredd creadigol mewn cyfleusterau gofal ychwanegol fel Gorwel Newydd (Clwyd Alyn), Awel y Dyffryn a Llys Awelon (Grŵp Cynefin). Mae’r tîm hefyd yn rhedeg ‘Story Pals’, prosiect cyfeillgarwch creadigol sy’n pontio’r cenedlaethau rhwng gwahanol ysgolion cynradd a chartrefi gofal ac ysbytai cymunedol yn Sir Ddinbych ac yn gweithio’n rheolaidd mewn partneriaeth â sefydliadau trydydd sector fel Kim Inspire a Mind Dyffryn Clwyd i drefnu pob math o weithdai creadigol gwahanol ar gyfer pobl sy’n byw gyda heriau iechyd meddwl ym Mhrestatyn, y Rhyl, Corwen a Llangollen.

Bydd DLL hefyd yn goleuo adeiladau yn y Rhyl mewn pinc i gefnogi Wythnos Genedlaethol Rhwng Cenedlaethau.

Meddai Jamie Groves, Rheolwr Gyfarwyddwr DLL “Mae DLL yn falch iawn o gefnogi Wythnos Genedlaethol Rhwng Cenedlaethau trwy’r mentrau celfyddydol dyfeisgar ac ysbrydoledig hyn. Mae ein Tîm Celfyddydau Cymunedol wastad wedi gweithio’n eithriadol o galed i ddod ag ystod o brosiectau ysgogol, addysgol a phleserus at ei gilydd i bobl o bob oed ar draws Sir Ddinbych eu mwynhau. Mae’n bwysig cofio nad yw gwaith Gwasanaeth Celfyddydau Cymunedol DLL wedi’i gyfyngu i Wythnos Genedlaethol Rhwng Cenedlaethau yn unig, yn ychwanegol, maent yn brysur yn cyflwyno llawer o fentrau tebyg yn rheolaidd, sy’n gweld manteision cadarnhaol i lawer o drigolion ar draws y sir.”

Os oes gennych ddiddordeb mewn cymryd rhan yn unrhyw un o’r prosiectau uchod, cysylltwch â Siân Fitzgerald ar Sian.Fitzgerald@hamddensirddinbych.co.uk.

Cafodd atyniadau DLL ar draws Sir Ddinbych eu goleuo yn las i daflu goleuni ar Ganser y Brostad fis diwethaf, gydag ystod o weithgareddau codi arian ar draws eu safleoedd hamdden a chlybiau ffitrwydd yn codi dros £1000 ar gyfer yr elusen.

Cododd y tîm arian drwy ddosbarthiadau ffitrwydd arbennig, ymgyrch cyfryngau cymdeithasol, dyddiadau Coffi a Chacen yng nghaffis ‘Refuel’ y clybiau ffitrwydd, gwisgo glas ar draws y cwmni a goleuo Theatr Pafiliwn y Rhyl, bwyty a bar 1891, y Twr Awyr, SC2 Rhyl a Chanolfan Grefft Rhuthun rhwng 5ed ac 11eg o Fawrth.

Yng Nghymru, bydd 1 o bob 8 dyn yn cael canser y brostad ar ryw adeg yn eu bywydau ac roedd tîm DLL ar dasg i ledaenu ymwybyddiaeth drwy gydol mis diwethaf a chodwyd cyfanswm o £1030.

Dywedodd Jamie Groves, Rheolwr Gyfarwyddwr DLL: “Rwy’n falch iawn o bopeth a wnaeth tîm DLL fis diwethaf i godi ymwybyddiaeth o Ganser y Brostad, mae’n bwnc hynod o bwysig y mae angen siarad amdano’n amlach. Rydym yn falch o fod wedi codi dros £1000 i elusen Canser y Brostad DU. Diolch i’n holl aelodau ffitrwydd a gymerodd ran yn ein dosbarthiadau, boreau coffi, heriau ar draws ein safleoedd a hefyd unrhyw un a brynodd gacen a choffi lle rhoddwyd 10% o’r gost i’r achos hwn. Fe wnaeth yr holl weithgareddau hyn agor y drws ar gyfer sgyrsiau arbennig a gwirioneddol ysbrydoledig ar draws ein safleoedd a helpodd i godi ymwybyddiaeth yn ogystal â chodi arian at yr achos.”

Ceir rhagor o wybodaeth am yr ymgyrch ar sianeli cyfryngau cymdeithasol DLL, Facebook a gwefan DLL.

Mae antur yn dod i Brestatyn yr Hydref hwn gydag agoriad profiad ffitrwydd digidol, wal ddringo a chwrt sboncen rhyngweithiol ‘cyntaf o’i fath yng Nghymru’.

Unwaith eto mae Hamdden Sir Ddinbych (DLL) yn mynd yn groes i’r duedd genedlaethol ac yn buddsoddi mewn canolfan antur newydd a chyfleusterau ffitrwydd iau.

Yn dilyn llwyddiant Nova, fel cyrchfan Hamdden premiwm DLL, bydd hamdden Prestatyn yn mynd â hyfforddiant i lefel newydd gyda stiwdio ffitrwydd rhyngweithiol Prama newydd, gan drawsnewid rhaglen ffitrwydd iau a darparu cwricwlwm arloesol ar gyfer myfyrwyr.

Y cyntaf o’i fath yng Nghymru, mae Prama yn gysyniad ymarfer corff grŵp rhyngweithiol lle mae sain, goleuadau, lloriau a waliau yn dod yn fyw er mwyn eich cymell a’ch arwain trwy’r profiad hyfforddi unigryw.

Bydd y dechnoleg newydd ar y safle hefyd yn cynnwys profiad trochi Sboncen, gan ddod â’r gamp i oes newydd a’i wneud yn hygyrch i bawb.

Bydd profiad dringo ‘Clip and Climb’ yn cael ei ychwanegu yn Hamdden Prestatyn, gan ychwanegu atyniad newydd i bortffolio helaeth DLL o anturiaethau i’r teulu.

Meddai Jamie Groves, Rheolwr Gyfarwyddwr DLL: “Rydym yn buddsoddi yn y genhedlaeth nesaf gyda’r brif dechnoleg ddigidol i arloesi ffitrwydd iau. Bydd y stiwdio Prama newydd yn mynd ag Addysg Gorfforol a hyfforddiant ffitrwydd i’r lefel nesaf, gan greu profiad ffitrwydd digidol gyda rhyngweithiad ac ymgysylltiad ar gyfer pob oed. Bydd y buddsoddiad newydd yn dod a Hamdden Prestatyn i’r oes newydd, gan ddangos ein hymrwymiad i fuddsoddi yn ein cymuned a lles ein haelodau a chwsmeriaid. Yn dilyn llwyddiant Nova fel atyniad, gan gynnwys Clwb Nova, Cwt y Traeth a’n chwarae antur, rydym yn falch o ddod ag antur newydd i Hamdden Prestatyn. Rydym yn addo ein cefnogaeth i’r gymuned ac addysg trwy ddarparu’r ganolfan ryngweithiol newydd ar gyfer pobl ifanc yn yr ardal.”

Dywedodd Neil Foley, Pennaeth Ysgol Uwchradd Prestatyn: “Rydym yn falch o fod yn rhan o fuddsoddiad nesaf DLL, bydd y prosiect hwn wir yn trawsnewid y rhaglen Addysg Gorfforol, yn moderneiddio’r cwricwlwm ac yn mynd â hyfforddiant ffitrwydd i lefel newydd. Rydym yn falch o weithio mewn partneriaeth gyda DLL i ddod yr Ysgol Uwchradd gyntaf, a’r unig un yng Ngogledd Cymru gyda stiwdio Prama, ac edrychwn ymlaen at weld y gwaith yn dechrau’n fuan. Bydd hyn, ynghyd â’r waliau dringo newydd a’r sboncen ryngweithiol yn ychwanegu dimensiwn newydd a chyffrous i Ysgol Prestatyn ar gyfer disgyblion presennol ac yn y dyfodol.”

Yn ogystal â’r dechnoleg newydd a chynlluniau antur newydd, bydd gan Hamdden Prestatyn hefyd orsaf ail-lenwi DLL newydd gyda Choffi Costa ac ardal i aelodau ymlacio.

Ar 29 Mawrth, bydd DLL yn dathlu 50 mlynedd o Ganolfan Hamdden Huw Jones, eu safle hamdden yng Nghorwen.

Wedi’i adeiladu’n wreiddiol fel pwll nofio, agorodd y cyfleuster ar 29 Mawrth 1974, yn dilyn ymgyrch gan y Cynghorydd William Roberts ar y pryd.  Roedd y Cynghorydd Roberts yn bendant bod angen rhywle yn y dref i blant lleol ddysgu nofio, yn dilyn dau ddigwyddiad boddi trasig yn yr Afon Dyfrdwy gerllaw. 

Cafodd y ganolfan hamdden, a gafodd ei rheoli am sawl blwyddyn gan fab y Cynghorydd Roberts, Adrian, ei hymestyn gan Wasanaethau Hamdden Cyngor Sir Ddinbych (DLL nawr) i gynnwys cyrtiau sboncen, ystafell ffitrwydd a chae 3G awyr agored. 

Yn 2020, daeth y cyfleuster yn rhan o Hamdden Sir Ddinbych Cyf (DLL), sydd wedi parhau i fuddsoddi yn y cyfleuster lleol poblogaidd hwn, gan adnewyddu’r cyfleuster drwyddo draw, gan gynnwys neuadd y pwll, ardaloedd cylchredeg, ardal hyfforddi ymarferol newydd gydag offer blaenllaw yn y sector o’r enw Technogym Skill Range; yn ogystal ag ychwanegu stiwdio newydd i gynnal dosbarthiadau ymarfer corff.

Yn 2021, ailenwyd Canolfan Hamdden Corwen yn Ganolfan Hamdden Huw Jones, mewn teyrnged i Gynghorydd Sir lleol arall a oedd yn boblogaidd ac yn uchel ei barch, a fu farw yn anffodus yn 2020.  Roedd Huw Jones yn ymroddedig i gymuned Corwen ac fel Aelod Arweiniol Hamdden Cyngor Sir Ddinbych, chwaraeodd ran bwysig iawn yn y gwaith o wella a datblygu hamdden ar draws y sir.

Bellach mae gan Ganolfan Hamdden Huw Jones bwll nofio 20m, ystafell ffitrwydd sy’n cynnwys amrywiaeth o offer Technogym’s Excite Cardio, a dadansoddwr corff cyfan Tanita, gofod hyfforddi ymarferol ar y llawr cyntaf, cwrt sboncen â blaen gwydr, stiwdio ymarferol, a maes chwarae awyr agored gydag arwyneb 3G. 

Dywedodd Rheolwr Gyfarwyddwr DLL, Jamie Groves “Rydym yn hynod falch o Ganolfan Hamdden Huw Jones a’r gwasanaeth mae’n ei gynnig heddiw.  Wrth edrych yn ôl dros 50 mlynedd, mae’r cyfleuster wedi gweld llawer o ddatblygiadau a gwelliannau, ac mae bellach yn cynnig darpariaeth hamdden o’r radd flaenaf i drigolion Corwen a’i hymwelwyr.  Mae gan y safle enw da am gynnig gwasanaeth cyfeillgar, proffesiynol ac adlewyrchir hyn yn y tystebau niferus a gawn gan ein haelodau.”  

Dywedodd y Cynghorydd Alan Hughes “Mae Cyngor Sir Ddinbych yn falch iawn o weld Canolfan Hamdden Huw Jones yn cyrraedd carreg filltir mor wych, ac mae’r safle’n parhau i fod yn ased hynod bwysig i dref Corwen a’r ardaloedd cyfagos.  Er eu bod bellach yn darparu amrywiaeth eang o weithgareddau hamdden, mae’r tîm ar y safle yn dal i weithio’n galed iawn i gyflwyno rhaglen gynhwysfawr iawn o wersi nofio, ac rwy’n siŵr y byddai’r Cynghorydd William Roberts yn falch iawn o’u llwyddiant.”   

Bydd cerdded ar hyd promenâd y Rhyl ychydig yn fwy blasus, pan fydd y Caban Byrbrydau yn ail-agor yn ystod gwyliau’r Pasg.

Os ydych awydd Pysgodyn a Sglodion traddodiadol neu eisiau rhannu pitsa maint teulu wrth adeiladu cestyll tywod, neu os ydych eisiau rhoi cynnig ar rywbeth newydd fel y Sglodion wedi’u Llwytho â Chyw Iâr Halen a Phupur, mae gan y Caban rhywbeth at ddant pawb y Gwanwyn hwn am brisiau fforddiadwy.

Wedi’i leoli ar y prom tu ôl i’r Arena Digwyddiadau, mae’r Caban yn cynnig seddi sy’n croesawu cŵn, gan roi’r golygfeydd gorau i gwsmeriaid o’r tywod a thraeth. Mae’n lleoliad perffaith i ymlacio.

Ar agor yn ystod hanner tymor y Pasg, ac yna pob penwythnos tan ddiwedd yr Haf, mae’r Caban yn le perffaith i gael gorffwys wrth fynd am dro ar hyd yr arfordir neu os ydych eisiau bwyd ar ôl diwrnod ar y traeth. Gan edrych dros ardal fwyaf poblogaidd traeth y Rhyl, mae lleoliad y Caban yn ganolog i draeth y Rhyl, gyda golygfeydd panoramig o’r arfordir gyda machlud haul heb ei ail.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Wrth i’r tywydd gynhesu a’r nosweithiau ddod yn oleuach, edrychwn ymlaen at ail-agor y Caban y Gwanwyn hwn i gynnig egwyl flasus i’r rhai sy’n mwynhau ein harfordir anhygoel. Mae’r traeth yn drysor cudd yn y Rhyl. Os ydych eisiau cerdded y ci, mwynhau’r diwrnod gyda theulu neu eisiau ymlacio a gwylio’r tonnau, mae’r Caban yn lleoliad perffaith i ail-lenwi!”

Mae stiwdio ffitrwydd ryngweithiol newydd sbon yn dod i Ddinbych i roi profiad digidol 180 gradd i aelodau ffitrwydd, sy’n trawsnewid y rhaglen ddosbarthiadau ac yn darparu stiwdio ymarfer unigryw o’r radd flaenaf.

Yn dilyn llwyddiant Stiwdio 360 yng Nghlwb y Rhyl, Mae DLL a Future Studios yn cydweithio eto i ddod â stiwdio 180 gradd ryngweithiol i Glwb Dinbych y mis nesaf. Unwaith eto mae DLL yn mynd yn groes i’r duedd genedlaethol wrth greu un o’r clybiau ffitrwydd mwyaf arloesol a chyffrous yn y wlad.   

Dyma feicio dan do fel na welwyd o’r blaen, yn cynnwys wal ryngweithiol a beiciau ac offer Technogym o’r radd flaenaf.

Meddai Jamie Groves, Rheolwr Gyfarwyddwr DLL: “Ein nod yw darparu un o’r profiadau ffitrwydd mwyaf arloesol a chyffrous yng Nghymru. Drwy gyflwyno Stiwdio 180 a llwyddiant Stiwdio 360 yng Nghlwb y Rhyl, rydym wedi ymrwymo i ddod â’r dechnoleg fwyaf arloesol i bobl Sir Ddinbych. Mae DLL yn parhau i arwain y ffordd yn y diwydiant ffitrwydd ac yn mynd yn groes i’r duedd genedlaethol o leihau maint – rydym yn tyfu ac yn buddsoddi, gan sicrhau bod ein haelodau’n cael y profiad gorau posibl. Os oeddech chi’n meddwl bod beicio dan do yn gyffrous, daliwch yn dynn oherwydd mae’r profiad ar fin cyrraedd lefel hollol newydd.”

Nid yn unig y bydd y buddsoddiad yn gwella’r arlwy iechyd a ffitrwydd yng Nghlwb Dinbych, ond bydd yn galluogi i DLL ddarparu profiadau sy’n apelio at bobl o bob oed a demograffeg er mwyn helpu i annog mwy o aelodau o’r gymuned i gymryd rhan mewn ymarfer corff.

Fe’i cyflwynir drwy Fframwaith Hamdden y DU, a reolir gan Hamdden Sir Ddinbych ac Alliance Leisure, bydd yr adnodd iechyd a lles arloesol yn cynnig profiadau cynhwysol, dwys i ymgysylltu ac ysbrydoli grwpiau ymarfer corff presennol a denu cynulleidfaoedd newydd.

Mae DLL wedi gweithio gyda’r asiantaeth greadigol ‘Flareform’ i ail-bwrpasu stiwdio ymarfer yng Nghlwb y Rhyl yn Sir Ddinbych. Y nod yw creu amgylchedd ymarfer corff unigryw sy’n defnyddio tafluniad 360 gradd ar holl waliau’r ystafell i greu golygfeydd animeiddiedig di-dor sy’n trawsnewid gyda phob dosbarth.

Meddai Joe Robinson, cyd-sylfaenydd Future Studios a chyfarwyddwr creadigol yn Flareform: “Rydym wedi gwirioni cael cydweithio gyda DLL wrth i ni gychwyn ar yr ail brosiect cyffrous hwn i gyflwyno profiadau newydd sbon i’r aelodau. O’r cyswllt cyntaf un, bu’n amlwg ein bod yn gweithio gyda chleient sy’n rhannu ein hangerdd dros arloesi a rhagoriaeth. Mae eu brwdfrydedd tuag at y prosiect hwn yn heintus ac ysbrydoledig, ac mae’n cyd-fynd yn berffaith â’n gweledigaeth greadigol ar gyfer y cynnyrch. Fel gweithredwr hamdden blaengar, mae DLL yn buddsoddi’n barhaus yn ei gyfleusterau ffitrwydd er mwn darparu’r profiadau gorau un i’w gwsmeriaid. Rydym wir yn teimlo’n freintiedig i fod yn rhan o’r bartneriaeth hon ac ni allwn aros i weld y canlyniadau anhygoel y byddwn yn eu cyflawni gyda’n gilydd ar ein hail brosiect.”

Mae DLL yn falch o gyhoeddi bod y digrifwr adnabyddus John Bishop yn dychwelyd i lwyfan Theatr Pafiliwn y Rhyl am y tro cyntaf ers 2012.

Cynhelir y digwyddiad ar nos Gwener 21 Chwefror 2025, lle gall cynulleidfaoedd ddisgwyl noson o chwerthin ac adloniant gyda thaith newydd Bishop, ‘SJM Concerts Present: Back At It’.

Mae John Bishop, sy’n adnabyddus am y ffordd mae’n adrodd ei straeon digri ac atyniadol, wedi’i wneud yn un o ddigrifwyr mwyaf annwyl ein hoes.

Dywedodd Jamie Groves, Rheolwr Gyfarwyddwr DLL: “Rydym yn gyffrous iawn i gyhoeddi ein bod yn croesawu John Bishop yn ôl i Theatr Pafiliwn y Rhyl. Mae hyn yn gymeradwyaeth unwaith eto i Theatr y Pafiliwn, sy’n prysur ddod yn lleoliad ffafriedig ar gyfer prif dalentau comedi’r wlad, ac mae dychweliad Bishop yn cadarnhau ymhellach ein henw da fel canolbwynt ar gyfer rhagoriaeth adloniant. Mae’r buddsoddiad parhaus ym Mhafiliwn y Rhyl yn amlwg yn talu ar ei ganfed. Rydym yn edrych ymlaen at noson llawn chwerthin a llawenydd wrth i ni groesawu John Bishop a’i daith ‘Back at It’. “

Mae tocynnau’n dechrau o £29 a bydd tocynnau cynnar ar gael i danysgrifwyr e-byst marchnata Theatr Pafiliwn y Rhyl ar ddydd Iau, Mawrth 21, 2024, am 10:00yb. Bydd gwerthiant tocynnau cyffredinol ar gael ar wefan theatr pafiliwn y Rhyl ddydd Gwener, Mawrth 22, 2024, am 10:00yb