Bydd dau gydweithiwr o DLL (Hamdden Sir Ddinbych Cyf) yn anelu at ogoniant pan fydd rowndiau cynderfynol Cwpan Cymru JD yn cael eu cynnal ddydd Sadwrn 7fed a dydd Sul 8fed Mawrth.

Bydd Morgan Murray a Josh Jones, sy’n gweithio o fewn timau ffitrwydd a thwristiaeth DLL, yn cynrychioli gwahanol glybiau yn y rowndiau cynderfynol, ond bydd y ddau yn benderfynol o sicrhau lle i’w tîm yn rownd derfynol fawreddog Cwpan Cymru JD ar 15fed Ebrill.

 Mae Morgan, goruchwyliwr i DLL sy’n chwarae i glwb Phoenix Tier 2, CPD Rhyl 1879, yn falch iawn o fod yn cynrychioli ei dref enedigol yn y cam hwn o’r gystadleuaeth. Fel clwb cymharol newydd, mae cyrraedd y rowndiau cynderfynol yn gamp enfawr i’r Rhyl, gan ddod â chyffro nid yn unig i’r Clwb, ond i’r gymuned leol. Mae Morgan, sydd wedi bod yn angerddol am bêl-droed erioed, yn rheoli ei gydbwysedd bywyd/gwaith gyda chefnogaeth ei gyflogwr DLL, ac yn dweud am y gêm sydd i ddod gyda Thref Caernarfon ‘fel tîm byddwn yn canolbwyntio’n llwyr ac yn hyderus y gallwn achosi ymyrraeth arall yn erbyn tîm Uwch Gynghrair Cymru’

 Mae Josh, cynorthwyydd hamdden ar safle Hamdden Dinbych DLL, yn chwarae i dîm Uwch Gynghrair Cymru, Tref Fflint Unedig, ac mae wedi bod yn chwarae pêl-droed yn system Cymru ers 17 oed. Mae cael y cyfle i gynrychioli ei glwb yn rowndiau cynderfynol Cwpan Cymru, ac o bosib yn y rownd derfynol, yn naturiol yn rhywbeth sy’n ei wneud yn hynod falch. Mae Josh yn edrych ymlaen at gêm Fflint gyda Bangor 1876, dywedodd: “gobeithio y bydd Y Rhyl a Fflint yn cyrraedd y rownd derfynol, a bydd Morgan a minnau’n cael rhannu’r llwyfan!”

Dywedodd Jamie Groves, Rheolwr Gyfarwyddwr DLL “Mae pawb yn DLL yn hynod falch o Morgan a Josh, ac allwn ni ddim aros am y rowndiau cynderfynol ym mis Mawrth. Rydyn ni wrth ein bodd yn gweld ein gweithwyr yn dilyn eu hangerdd ac fel cwmni byddwn ni bob amser yn gwneud ein gorau i’w cefnogi, boed hynny gyda dyhead proffesiynol neu freuddwyd bersonol. Dymunwn y gorau i’r ddau ohonyn nhw yn y rowndiau cynderfynol, a gobeithio y byddwn ni’n y ddau ohonynt yn y rownd derfynol!”