Mae’r cynhyrchiad cyffrous o’r ‘Blood Brothers’ eiconig yn dychwelyd i Theatr Pafiliwn y Rhyl fis Awst yma.

Wedi’i weld diwethaf ym Mhafiliwn y Rhyl yn 2018, mae DLL yn gyffrous i groesawu’r cynhyrchiad chwedlonol hwn yn nol. Ysgrifennwyd y cynhyrchiad gan yr enwog Willy Russell, a bydd y stori hudolus am efeilliaid a wahanwyd pan gawsant eu geni ar y llwyfan rhwng Awst 28ain ac Awst 31ain, 2024.

Ychydig o sioeau cerdd sydd wedi ennill cymaint o glod â’r Blood Brothers sydd wedi ennill sawl gwobr. Mae cynhyrchiad Bill Kenwright wedi rhagori ar 10,000 o berfformiadau anhygoel yn y West End yn Llundain, un o ddim ond tair sioe gerdd erioed i gyrraedd y garreg filltir honno ac mae wedi’i fedyddio’n serchog fel y ‘Standing Ovation Musical’.

Dywedodd Jamie Groves, Rheolwr Gyfarwyddwr DLL “Rydym yn gyffrous iawn i gael Blood Brothers yn ôl yn Theatr Pafiliwn y Rhyl eleni, y tro cyntaf ers dros bum mlynedd. Nid sioe yn unig yw hwn ond profiad theatrig bythgofiadwy. Bydd y sioe yn rhedeg ychydig ar ôl gŵyl banc mis Awst, ac rydym yn obeithiol y bydd trigolion lleol a phobl ar eu gwyliau fel ei gilydd yn cael y cyfle i ddod i fwynhau’r cynhyrchiad ysblennydd hwn. Peidiwch â cholli’ch cyfle i fod yn rhan o’r dychweliad eiconig hwn!”

Bydd saith dangosiad o Blood Brothers yn Theatr Pafiliwn y Rhyl rhwng Awst 28ain ac Awst 31ain, 2024. Bydd y sioe yn cynnwys sgôr gwych gan gynnwys traciau bythgofiadwy fel Bright New Day, Marilyn Monroe, a’r gan hynod emosiynol Tell Me It’s Not True .

Peidiwch â cholli’ch cyfle i brofi hud Blood Brothers wrth iddo ddychwelyd i Theatr Pafiliwn y Rhyl. Archebwch eich tocynnau nawr ar gyfer profiad theatrig bythgofiadwy: https://mpv.tickets.com/schedule/?agency=PAVV_MPV&orgid=55080#/?event=blood&view=list&includePackages=false