Mae Hamdden Sir Ddinbych Cyf (DLL) wrth eu bodd yn cyhoeddi y bydd y ddeuawd Albanaidd eiconig The Proclaimers yn dod â’u taith hir-ddisgwyliedig i Theatr Pafiliwn y Rhyl yr Haf nesaf.
 
Bydd Craig a Charlie Reid, sy’n adnabyddus am eu cymysgedd unigryw o bop, gwerin, pync, a new wave, yn dychwelyd i’r llwyfan byw yn dilyn y daith fyd-eang 14 mis rhyfeddol “Dentures Out” a ddaeth i ben ym mis Awst 2023.
 
Bydd sioe 2026, ar ddydd Iau, Mehefin 11eg am 7:30pm yn Theatr Pafiliwn y Rhyl, dim ond yr ail ddyddiad ar y daith yw hwn, felly ni fydd yn rhaid i gefnogwyr sy’n archebu ar gyfer y Rhyl aros yn hir i weld eu hoff fand! Bydd y sioe yn cynnwys eu holl ganeuon clasurol, poblogaidd, gan gynnwys yr anthemig “I’m Gonna Be (500 Miles)”, “Sunshine on Leith”, a “Letter from America”, ochr yn ochr â thraciau o’u 13eg albwm stiwdio sydd i ddod.
 
Mae perfformiadau byw’r Proclaimers yn cael eu dathlu’n fyd-eang am eu hegni anhygoel, eu hangerdd, a’u caneuon mawr eu calon, ansinigaidd, sydd wedi ysbrydoli sioe gerdd a ffilm boblogaidd, gan atgyfnerthu eu hetifeddiaeth sy’n ymestyn dros dair degawd.
 
Dywedodd Rheolwr Gyfarwyddwr DLL, Jamie Groves: “Rydym wrth ein bodd bod The Proclaimers yn dod i Theatr Pafiliwn y Rhyl yr Haf nesaf, bydd hwn yn gyngerdd i’w gofio! Edrychwn ymlaen at eu croesawu i’n lleoliad gwych ar gyfer yr ail sioe o’u taith! Dyma enghraifft arall o’r Rhyl yn dod yn gyrchfan ddewisol i berfformwyr.”
 
Mae tocynnau ar werth nawr trwy wefan Theatr Pafiliwn y Rhyl a’r Swyddfa Docynnau.