Cynhaliwyd gŵyl wych o gerddoriaeth y 70au dydd Sul diwethaf, ‘Enaid Haf’, yn Arena Digwyddiadau’r Rhyl. Er gwaetha’r tywydd bu mynychwyr y digwyddiad yn dawnsio ac yn canu yn y glaw, i oreuon Motown, a ‘Northern Soul’.

Wedi’i drefnu ar y cyd gan HSDdCyf a Chyngor Tref y Rhyl, gadawodd y digwyddiad rhad ac am ddim hwn argraff fawr ar galonnau’r gynulleidfa wrth iddynt fwynhau, er gwaetha’r glaw trwm.

Cafodd Arena Digwyddiadau’r Rhyl ei drawsnewid gan dîm technegol Theatr y Pafiliwn i fod yn faes gŵyl, lle tynnwyd y mynychwyr ar daith yn ôl mewn amser i adfywio un o oesau aur cerddoriaeth.

Dywedodd Jamie Groves, Rheolwr Gyfarwyddwr DLL: “Roedd yn wych gweld cynifer o bobl yn dod i’r digwyddiad er gwaethaf y tywydd. Roedd pawb yn mwynhau dawnsio a chanu yn y glaw – yn llwyr groesawu gwir ysbryd ‘Enaid Haf’. Rydym yn ddiolchgar i’r artistiaid, y gwirfoddolwyr, ein tîm digwyddiadau, a’r holl bobl a wnaeth fynychu’r digwyddiad a wnaeth hwn yn ddiwrnod cofiadwy er gwaethaf y cyflyrau tywydd heriol. Rydym yn hynod ddiolchgar i Gyngor Tref y Rhyl am eu hymrwymiad parhaus a’u cefnogaeth i raglen ddigwyddiadau’r Rhyl, heb eu cefnogaeth hwy ni fyddai’r digwyddiadau’n bosibl.”

Northern Soul Live The Signatures gyda Stefan Taylor a Lorraine Silver oedd yn dechrau’r prynhawn gyda pherfformiadau o glasuron a oedd yn taro tant gyda’r gynulleidfa. Roedd eu lleisiau llawn enaid a’u cerddoriaeth gefn dawnus, ynghyd â’r awyrgylch trydanol, gyda’r dorf yn dawnsio ac yn canu ynghyd.

Perfformiwyd teyrnged hudolus i Motown gan y talentog Jackie Marie, a chydweithiodd ysbryd artistiaid eiconig Motown ac yn ei dilyn hi oedd band poblogaidd Edwin Starr gyda Angelo Starr.

Un o uchafbwyntiau pellach ‘Enaid Haf’ oedd perfformiad swynol gan Heatwave, a pherfformiodd eu holl glasuron gan gynnwys yr hynod boblogaidd ‘Boogie Nights,’ yng nghanol glaw trwm, gan ddod â’r prynhawn i ben yn berffaith.

Dywedodd Maer y Rhyl, y Cynghorydd Ms Jacquie McAlpine, ar ran Cyngor Tref y Rhyl “Rydyn ni wrth ein bodd â’r ymateb a’r nifer o bobl a ddaeth, er gwaethaf y tywydd gwael! Roedd yr awyrgylch yn drydanol ac roedd hi’n hyfryd gweld cymaint o deuluoedd yn mwynhau eu hunain yn y digwyddiad hwn. Rydym yn falch o weithio gyda DLL ar ddigwyddiad mor wych, ac ni allwn aros am y nesaf!”

Am fwy o wybodaeth a diweddariadau ar ddigwyddiadau sydd i ddod, dilynwch Hamdden Sir Ddinbych ar Facebook ac Instagram

Rydym wrth ein bodd i rhannu’r newyddion ein bod wedi cyrraedd y rhestr fer ledled Cymru ar gyfer pum Gwobr fawreddog CIPR! Mae ein categorïau ar y rhestr fer yn cynnwys Ymgyrch Cyllideb Isel, Defnydd Gorau o Gynnwys, Digwyddiad Gorau, Ymgyrch Hirdymor Orau, a Thîm Cysylltiadau Cyhoeddus Mewnol y Flwyddyn. Mae hwn yn gyflawniad rhyfeddol, ac yn un yr ydym yn hynod falch ohono. Mae’n destament i waith caled, ymroddiad, a chreadigrwydd ein tîm HSDdCyf, ac mae’n fraint fawr i ni gael ein cydnabod am ein hymdrechion ac edrychwn ymlaen at ganlyniadau’r gwobrau yng Nghaerdydd ym mis Tachwedd. Llongyfarchiadau i’r holl enwebeion!

Mae hyn yn dilyn llwyddiant tîm Cyllid HSDdCyf a gafodd hefyd wobr canmoliaeth uchel yn seremoni Gwobrau Cyllid Cymru yn gynharach eleni. Mae bob amser yn bleser gweld ein tîm yn derbyn y gydnabyddiaeth y maent yn ei haeddu am eu gwaith caled a’u hymroddiad. Mae llwyddiant parhaus ein timau yn profi bod HSDdCyf yn arwain y diwydiant ym mhob maes o’r busnes.

Daeth gwersyll bŵt camp gyntaf HSDdCyf i ben gyda chlec yr wythnos hon, ar ôl diweddglo dwys o ddau ddiwrnod o Ruthun i Brestatyn.

Daeth cefnogwyr ffitrwydd at ei gilydd i ymgymryd â her trydydd cam bŵt camp Eithafol HSDdCyf, gan ei alw’n ‘y bŵt camp gorau o gwmpas’ ac yn ‘rhagorol o’r dechrau i’r diwedd’.

Dechreuodd y bŵt camp Eithafol ar y dydd Sadwrn yn Nova, gan gychwyn gyda thaith cerdded gyda stretsier i fyny Graig Fawr Meliden, yna bŵt camp ar y traeth, pilates yng Nghlwb Nova, brecwast iach, cinio a byrbrydau yng Nghwt y Traeth  cyn tarfu’r diwrnod gyda gêm o rownderi!

Taith gerdded gyda’r stretsier i fyny Moel Famau oedd y gweithgaredd cyntaf ar y dydd Sul, gyda chinio yng Nghaffi R i ddilyn, yna i’r Rhyl am ysgytlaeth protein o 1891, a Ioga yng Nghlwb Rhyl i orffen y diwrnod gyda chlec a bŵt camp y tu allan yng Nghlwb y Rhyl.

Cynhaliwyd seremoni wobrwyo nos Lun I gyflwyno tystysgrifau i’r cyfranogwyr, hwdis personol, medalau yn ogystal â bwyd a diod ym 1891. Yn dilyn hyn, rhoddodd y maethegydd uchel ei glod, Dr Colin Robertson, seminar i’r grŵp yn trafod ffitrwydd a maeth.

Dywedodd Jamie Groves, Rheolwr Gyfarwyddwr HSDdCyf: “Rydym wedi ein syfrdanu gan yr adborth o’r bŵt camp hwn! Dyma’r ffordd berffaith i lansio ein bŵt camp Eithafol, a chydiodd y grŵp yr her yn llwyr a gwthio eu hunain i’r eithaf! Yn dilyn y bŵt camp hwn sydd wedi gwerthu allan, rydyn ni nawr yn edrych i redeg mwy yn hwyrach yn y flwyddyn ac ailgychwyn y bŵt camp tri cham y flwyddyn nesaf hefyd! Llongyfarchiadau i bawb a gymerodd ran, roedd ymrwymiad ein hyfforddwyr heb ei ail ac rydym yn falch iawn o bawb a gymerodd ran.”

Cyflwynwyd seminar maeth gan faethegydd byd-enwog a siaradwr Ted Talk, ym mwyty 1891 yn Theatr Pafiliwn y Rhyl.

Roedd HSDdCyf  yn falch o groesawu’r maethegydd uchel ei barch, Dr Colin Robertson i fwyty 1891 yr wythnos hon i chwalu chwedlau am nodau maeth a ffitrwydd.

Roedd y sgwrs ym Mwyty 1891 yn Theatr Pafiliwn y Rhyl yn canolbwyntio ar rôl maeth wrth gyflawni eich nodau iechyd a ffitrwydd, colli pwysau, cryfder a magu cyhyrau, iechyd teulu. Soniodd hefyd am fwydydd wedi’u prosesu a bwydydd wedi’u prosesu’n drwm, sut mae’r diwydiant bwyd wedi sicrhau newid mewn arferion maeth gwael ers y 1950au; y rhan y mae maeth yn ei chwarae mewn iechyd merched, yn enwedig iechyd hormonau; datgloi’r ffaith y tu ôl i’r ffuglen o ran maeth a chwalu chwedlau cyffredin am ffeithiau maeth.

Mae Dr Colin Robertson yn Ffisiolegydd Ymarfer Corff Clinigol enwog ac amlwg, Hyfforddwr Cryfder a Chyflyru, Maethegydd, Ymchwilydd Clinigol, gyda chyfoeth o wybodaeth a phrofiad o weithio gyda thimau elitaidd ac unigolion ar draws y byd. Roedd Colin yn ymddangos ar Ted Talk ei hun, ‘The Eternal Suffering of the Endurance Mind’ yn 2016.

Dywedodd Colin: “Mae maeth yn chwarae rhan fawr yn ein hiechyd a’n lles corfforol a meddyliol cyffredinol, ac mae’n siŵr y bydd y sgwrs hon yn rhoi mewnwelediad gwerthfawr i’ch helpu i fod ar eich gorau. Dydw i ddim wedi bod yn y Rhyl ers amser maith a pan wnes i barcio y tu allan i Bafiliwn y Rhyl heddiw, cefais fy syfrdanu, mae’n leoliad anhygoel, o’r safon uchaf gyda golygfa wych o Arfordir Gogledd Cymru! Rydw i mor falch o gael siarad yma gydag aelodau a chwsmeriaid HSDdCyf, mae’n wych gweld cymaint o bobl â diddordeb mewn bod y fersiwn orau ohonyn nhw eu hunain!”

Angerdd arbennig Colin yw chwaraeon eithafol, yn arbennig digwyddiadau pellter eithafol. Mae Colin wedi cefnogi a hyfforddi athletwyr o sawl disgyblaeth, o bêl-droed uwch gynghrair, rygbi, beicio proffesiynol, crefft ymladd, alldeithiau Everest a Marathon des Sables, i enwi dim ond rhai.

Dywedodd Jamie Groves: “Roeddem wrth ein bodd yn croesawu Colin i’r Rhyl, ac mae cael siaradwr byd-enwog ym Mwyty 1891, Pafiliwn y Rhyl yn anrhydedd i bob un ohonom yn HSDdCyf. Dyma un arall eto yn ein cyfres serennog o berfformwyr o’r radd flaenaf eleni ym Mhafiliwn y Rhyl. Mae HSDdCyf yn prysur ddod yn weithredwr o ddewis i nifer o arbenigwyr poblogaidd, gyda’r soffistigedigrwydd a’r awyrgylch hamddenol ym Mwyty a Bar 1891, mae’n lleoliad perffaith ar gyfer cynadleddau, digwyddiadau busnes a digwyddiadau corfforaethol.”

Fel cam olaf bŵt camp Eithafol HSDdCyf, a rhan o gyfres sgyrsiau newydd HSDdCyf, agorwyd y seminar i’r cyhoedd, gan gynnwys aelodau HSDdCyf am bris gostyngol.

Mae Hamdden y Rhyl yn barod i greu’r Clwb y Rhyl newydd, mewn cyfres arall o fuddsoddiadau gan Hamdden Sir Ddinbych (HSDd), er mwyn darparu’r cyfleusterau hamdden a ffitrwydd gorau yn y wlad i’w cwsmeriaid.

Unwaith eto mae HSDd yn mynd yn groes i’r duedd genedlaethol wrth greu Clwb y Rhyl, un o’r clybiau ffitrwydd mwyaf arloesol a chyffrous yn y wlad.    

Yn dilyn llwyddiant Clwb Nova, Clwb Dinbych a X20 Llanelwy, yn ystod camau cyntaf trawsnewid Hamdden y Rhyl, bydd mynedfa newydd yn cael ei chreu ar y llawr gwaelod; a ‘gorsaf Ail-lenwi’ unigryw yn y gampfa yn cynnig Costa a detholiad o ysgytlaeth a byrbrydau maethlon, fydd yn unigryw i’n haelodau ffitrwydd. 

Yn dilyn hyn, bydd y stiwdio yng Nghwb y Rhyl yn cael ei hailwampio’n llwyr, gan chwyldroi’r rhaglen ddosbarthiadau i’n haelodau. Bydd y cynnyrch sydd ar y ffordd y cyntaf o’i fath yn y DU a bydd yn codi rhaglen ddosbarthiadau HSDd i lefel wahanol, gan dorri cwys newydd yn arddull nodweddiadol HSDd.

Fel gweithredwr hamdden blaengar, mae HSDd yn buddsoddi’n barhaus yn ei gyfleusterau ffitrwydd er mwn darparu’r profiadau gorau un i’w gwsmeriaid.  Bydd y prosiect yn cael ei gynnal mewn camau gwahanol yn ystod gweddill 2023 a bydd yn cael ei gwblhau yn 2024.

Meddai Rheolwr Gyfarwyddwr HSDd, Jamie Groves: “Dyma amser cyffrous iawn i Hamdden y Rhyl, bydd y Clwb y Rhyl newydd yn codi hyfforddiant i lefel wahanol ac rydym yn edrych ymlaen at rannu’r datblygiadau newydd yn fuan iawn! Yn HSDd, rydym bob amser yn rhoi ein haelodau yn gyntaf, ac yn dilyn llwyddiant ysgubol y rhaglen Bwtcamp, mae’n gwneud synnwyr buddsoddi mewn rhaglen ymarfer i grwpiau a dod â datblygiad stiwdio newydd sbon i Sir Ddinbych – a’r cyntaf o’i fath yn y DU.  Gwnewch yn siŵr nad ydych yn methu hyn a byddwn yn cyhoeddi mwy o wybodaeth yn yr wythnosau nesaf!”

Dechreuodd dathliadau’r haf i HSDd Cyf gyda parti naws Ibiza cyntaf y tymor, lle bu cannoedd o bobl yn amsugno’r awyrgylch yng ngerddi cwrw gorau Gogledd Cymru.

Gyda dawnswyr, coctels blasus a DJ naws Ibiza, ffatri hufen iâ, llwyth o bethau da am ddim i deuluoedd eu mwynhau a hyd yn oed anadlwyr tân, Cwt y Traeth Nova a’r Teras yn 1891 y Rhyl yw’r llefydd i fod ar gyfer dathliadau gwyliau yn Sir Ddinbych.

Mae’r tîm bellach yn paratoi ar gyfer partïon nesaf y tymor, gyda syrpreisys a nwyddau ychwanegol ar y gweill, gyda nosweithiau acwstig yn dechrau o 30 Mehefin yng Nghwt y Traeth Nova, ac yna ail barti hafaidd naws Ibiza ddydd Sadwrn, 22 Gorffennaf a Parti naws Ibiza ar 29 Gorffennaf ar deras 1891.

Dywedodd Jamie Groves, Rheolwr Gyfarwyddwr HSDd  Cyf: “Mae’n wych gweld cymaint o bobl yn mwynhau’r tywydd anhygoel ar Deras 1891 a Cwt y Traeth Nova dros yr wythnosau diwethaf! Maen nhw’n leoliadau perffaith i ddathlu’r Haf, mae gennym ni lwyth o bethau am ddim i’r teulu cyfan fwynhau’r diwrnod, yn ogystal â’n bwydlen flasus a’n coctels enwog, nid oes angen i chi fynd dramor i gael y naws Ibiza pan fod gennym ni hwnnw wedi trefnu i chi yn barod! Mae Nova Prestatyn a Teras 1891 bellach wedi’u cadarnhau ar y map ar gyfer hwyl yr haf ac ni allwn aros i’ch croesawu ddiwedd y mis ar gyfer noson acwstig ac yna ein partïon enwog naws Ibiza!”

Fe’ch cynghorir i archebu bwrdd oherwydd disgwylir i gannoedd o bobl fynychu trwy gydol y nos.

I gael rhagor o wybodaeth, ewch i www.beachhutnova.co.uk

Yn dilyn llwyddiant ‘Seaside Soul’ yn 2019, mae Hamdden Sir Ddinbych Cyf yn gyffrous i gyhoeddi bod cyngerdd hafaidd gwych arall ar thema enaid yn dychwelyd i Arena Digwyddiadau’r Rhyl.

Bydd y digwyddiad rhad ac am ddim i’r gymuned, a drefnir gan HSDd Cyf mewn partneriaeth â Chyngor Tref y Rhyl, yn dathlu cerddoriaeth y 70au, motown a ‘Northern soul’.

Mae Enaid Haf, sydd yn cael ei gynnal ar ddydd Sul 30 Gorffennaf o 12yp ymlaen, yn brolio rhaglen wych gydag adloniant byw gan Northern Soul Live gyda Stefan Taylor a Lorraine Silver; band poblogaidd y 70au Heatwave; band Edwin Starr yn cynnwys Angelo Starr; DJs Northern Soul a teyrnged motown Jackie Marie.

Dywedodd Jamie Groves, Rheolwr Gyfarwyddwr HSDd Cyf: “Rydym yn gyffrous iawn at gynnal digwyddiad i drigolion, ac ymwelwyr Sir Ddinbych, sydd am ddim i’w fynychu, yn enwedig yn yr hinsawdd economaidd sydd ohoni. Fel cwmni, mae’n bwysig i ni wneud yn fawr o’r cyfleusterau gwych ar stepen ein drws, ac mae Arena Ddigwyddiadau y Rhyl yn leoliad awyr agored perffaith ar gyfer y math hwn o ddigwyddiad, gyda digonedd o lefydd parcio gerllaw, ac ond tafliad carreg oddi wrth ein Bwyty a Bar Teras blaenllaw 1891.”

Dywedodd Maer y Rhyl, y Cynghorydd Jacquie McAlpine “Bydd digwyddiad Enaid Haf eleni yn gyfle gwych i edrych ymlaen at dymor yr haf, ac mae’n un o’r digwyddiadau rhad ac am ddim sydd i ddod gyda Cyngor Tref y Rhyl yn falch o gefnogi Hamdden Sir Ddinbych i’w gynnal yr haf hwn.”

“Mae’n sicr y bydd y gerddoriaeth gyflym hon a chantorion llawn enaid gan gynnwys amrywiaeth o berfformwyr talentog a DJ’s o’r genre cerddoriaeth hwn yn brynhawn o adloniant rhythmig, dyrchafol a fydd yn ail-greu synau enaid sy’n byw hyd heddiw”.

Ymhlith y prif berfformwyr mae Northern Soul Live, sy’n cynnwys prif fand Northern Soul y DU, The Signatures, gyda prif leisydd Stefan Taylor, ynghyd â eicon wreiddiol Northern Soul Lorraine Silver a’i thrac clasurol Northern Soul ‘Lost Summer Love’.

Yn ymuno â’r criw mae’r band ffync/disgo poblogaidd, Heatwave, a ddaeth i lwyddiant rhyngwladol yng nghanol y 70au a’r 80au, sy’n adnabyddus am y caneuon poblogaidd, “Boogie Nights,” “Always and Forever” a “The Groove Line.”

Brawd y diweddar wych Edwin Starr o UDA, Angelo Starr, fydd yn cyflwyno parti Enaid a Motown. Mae Angelo wedi cymryd yr awenau gyda band gwreiddiol Edwin Starr, sy’n dal i berfformio gyda sacsoffon, allweddellau, offerynnau taro, gitâr arweiniol, gitâr fas, drymiau a chantorion cefnogi. Gyda rhaglen mor anhygoel, mae hwn yn ddigwyddiad na ddylid ei golli!

I gael rhagor o wybodaeth, ewch i: denbighshireleisure.co.uk/summer-soul

Mae Sioe Awyr y Rhyl yn ôl yr haf hwn gyda rhaglen ragorol, gyda’r Strikemaster yn cael ei gyhoeddi ar gyfer y ddau ddiwrnod dros y penwythnos.

Mae’r pâr G-SOAF Strikemaster yn perthyn i Strikemaster Flying Club (SFC) sydd wedi’i leoli yn Wasanaethau Hedfan Milwrol Gogledd Cymru Cyf, Penarlâg, Gogledd Cymru.

Mae’r sioe awyr arobryn yn prysur ddod yn ddigwyddiad glan y môr AM DDIM mwyaf Gogledd Cymru a bydd sioe 2023 yn cynnwys arddangosfeydd awyr ysblennydd ac atyniadau ar y tir ac adloniant ar ddydd Sadwrn 26 a dydd Sul 27 Awst 2023.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Mae Hamdden Sir Ddinbych Cyf, mewn partneriaeth â Chyngor Sir Ddinbych a Chyngor Tref y Rhyl, yn falch iawn o gyhoeddi dechrau ein rhaglen anhygoel ar gyfer Sioe Awyr y Rhyl sydd bellach yn ‘enwog yn y DU’. Mae’n mynd i fod yn sioe anhygoel eto eleni, gyda sioe Awyr y Rhyl bellach yn cael ei hystyried yn un o’r digwyddiadau mwyaf trawiadol ar hyd arfordir Gogledd Cymru. Mae Canol Tref y Rhyl a’r Arena Digwyddiadau bob amser yn fwrlwm o gyffro, ac mae cael y Saethau Cochion, taith goffa Brwydr Prydain a nawr y pâr Strikemaster dros y ddau ddiwrnod eto eleni, yn anhygoel! Ni allwn aros i groesawu ymwelwyr a phobl leol i’r Rhyl ac arfordir Sir Ddinbych i fwynhau’r sioe arobryn hon.”

Dywedodd Graham Boase, Prif Weithredwr Sir Ddinbych: “Mae’r digwyddiad mawr hwn yn rhoi hwb sylweddol i economi’r Rhyl a chymunedau o gwmpas yr ardal bob tro mae’n cymryd lle, ac mae’r rhaglen ar gyfer eleni yn wirioneddol anhygoel. Mae gan Hamdden Sir Ddinbych Cyf hanes da o gynnal digwyddiadau mawreddog ac rydym yn falch iawn o weithio mewn partneriaeth â nhw i gyflwyno’r hyn a fydd yn denu tyrfaoedd mawr ar y calendr digwyddiadau. Mae ei phoblogrwydd wedi tyfu dros y blynyddoedd ac mae’r Sioe Awyr yn gwbl enwog ar draws y DU cyfan fel un o’r digwyddiadau mwyaf blaenllaw o’i fath. Ni fydd ymwelwyr â’r Sioe Awyr yn cael eu siomi”.

Mae’r dilyniant y bydd y pâr Strikemaster yn hedfan yn ddeinamig iawn a bydd yn dangos yr awyrennau yn hyfryd, gydag erobateg egni uchel a symudiadau cysylltiedig gosgeiddig. Oherwydd bod gan yr awyren ystod cyflymder eang, bydd yn cael ei harddangos yn agos i’r dorf fel bod yr awyren yn hawdd ei gweld. Bydd cynulleidfaoedd yn gweld hwn yn hedfan dros 400mya, gyda llawer o roliau, dolenni, rholiau casgen a chyflymderau cyflym ac araf. Mae’r injan yn Viper RR 535 gyda 1000 pwys yn fwy na’r injan JP5 Viper. Mae’r gwthiad ychwanegol hwn yn caniatáu i’r awyren gario’r arfau canlynol: 2 x gwn peiriant, hyd at 4 x bom 500 pwys neu 32 roced Sura neu gymysgedd.

Mae’r Saethau Cochion a Hediad Coffa Brwydr Prydain hefyd wedi’u cadarnhau ar gyfer yr arddangosiadau awyr ar draws deuddydd y sioe ym mis Awst.

Dywedodd Clerc Tref Cyngor Tref y Rhyl: “Mae gan Gyngor Tref y Rhyl bartneriaeth hir sefydlog yn cefnogi sioe awyr ysblennydd y dref. Bydd y digwyddiad enwog rhad ac am ddim hwn o’r safon uchaf a’r amrywiaeth awyrol wych a’r atyniadau a fydd yn cael eu harddangos eleni yn siŵr o wefreiddio’r torfeydd mawr o drigolion ac ymwelwyr y mae’n eu denu. Bydd y Rhyl hefyd yn elwa o ddenu nifer fawr o dwristiaid a all brofi’r atyniadau adfywio’r dref a darparu twf pwysig yn ein heconomi twristiaeth. Gwnewch yn siŵr eich bod yn gwneud nodyn o’r penwythnos gwych o adloniant hyn na ddylid ei golli.”

Bydd y Sioe Awyr yn cael ei chynnal dros Ŵyl y Banc ym mis Awst, gyda mwy o fanylion i ddilyn am y digwyddiad maes o law. Ceir rhagor o wybodaeth ar dudalen Facebook Hamdden Sir Ddinbych Cyf.

I gefnogi Wythnos Ymwybyddiaeth Iechyd Meddwl, sy’n rhedeg o ddydd Llun 15 i ddydd Sul 21 Mai 2023, mae HSDd wedi bod yn annog cwsmeriaid a staff i gymryd ychydig o amser i ganolbwyntio ar eu lles meddyliol.

Mae llawer o astudiaethau wedi dangos y gall gweithgaredd corfforol helpu gydag iechyd meddwl, ac yn ogystal â’u sesiynau ymarfer arferol yn y gampfa neu’r pwll nofio, mae cwsmeriaid wedi cael eu hannog i roi cynnig ar ddosbarthiadau Tai Chi, yoga a pilates.

Mae HSDd hefyd yn annog cwsmeriaid i gefnogi “Diwrnod Gwisgo Gwyrdd” ar ddydd Iau 18 Mai ac wedi goleuo Tŵr Awyr y Rhyl, Theatr Pafiliwn y Rhyl, Bwyty a Bar 1891, llochesi’r Promenâd a rhaeadr yr Arena Digwyddiadau yn wyrdd i gefnogi Wythnos Ymwybyddiaeth Iechyd Meddwl .

Mae HSDd hefyd wedi bachu ar y cyfle i atgoffa staff o’r llefydd iawn i fynd am gymorth mewn argyfwng. Mae gan y cwmni ystod o systemau cymorth ar waith ar gyfer staff, gan gynnwys Rhaglen Cymorth i Weithwyr sydd ar gael 24 awr y dydd, 365 diwrnod y flwyddyn ac sy’n gwbl gyfrinachol.

Meddai Jamie Groves, Rheolwr Gyfarwyddwr ‘Yn HSDd, mae nifer o’n staff wedi’u hyfforddi’n Gymhorthion Cyntaf Iechyd Meddwl ac ar gael i gefnogi aelodau eraill o’n tîm mewn argyfwng lles. Rydym yn annog staff i gael cyngor ar iechyd meddwl, fel y byddent yn ei wneud gydag unrhyw salwch arall. Rydyn ni i gyd yn gwybod y gall rhai dyddiau fod yn anoddach nag eraill, ac rydyn ni eisiau’r gorau i’n tîm, sy’n golygu cynnig cymorth pryd bynnag maen nhw ei angen.’