Bydd cerdded ar hyd promenâd y Rhyl ychydig yn fwy blasus, pan fydd y Caban Byrbrydau yn ail-agor yn ystod gwyliau’r Pasg.

Os ydych awydd Pysgodyn a Sglodion traddodiadol neu eisiau rhannu pitsa maint teulu wrth adeiladu cestyll tywod, neu os ydych eisiau rhoi cynnig ar rywbeth newydd fel y Sglodion wedi’u Llwytho â Chyw Iâr Halen a Phupur, mae gan y Caban rhywbeth at ddant pawb y Gwanwyn hwn am brisiau fforddiadwy.

Wedi’i leoli ar y prom tu ôl i’r Arena Digwyddiadau, mae’r Caban yn cynnig seddi sy’n croesawu cŵn, gan roi’r golygfeydd gorau i gwsmeriaid o’r tywod a thraeth. Mae’n lleoliad perffaith i ymlacio.

Ar agor yn ystod hanner tymor y Pasg, ac yna pob penwythnos tan ddiwedd yr Haf, mae’r Caban yn le perffaith i gael gorffwys wrth fynd am dro ar hyd yr arfordir neu os ydych eisiau bwyd ar ôl diwrnod ar y traeth. Gan edrych dros ardal fwyaf poblogaidd traeth y Rhyl, mae lleoliad y Caban yn ganolog i draeth y Rhyl, gyda golygfeydd panoramig o’r arfordir gyda machlud haul heb ei ail.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Wrth i’r tywydd gynhesu a’r nosweithiau ddod yn oleuach, edrychwn ymlaen at ail-agor y Caban y Gwanwyn hwn i gynnig egwyl flasus i’r rhai sy’n mwynhau ein harfordir anhygoel. Mae’r traeth yn drysor cudd yn y Rhyl. Os ydych eisiau cerdded y ci, mwynhau’r diwrnod gyda theulu neu eisiau ymlacio a gwylio’r tonnau, mae’r Caban yn lleoliad perffaith i ail-lenwi!”

Mae stiwdio ffitrwydd ryngweithiol newydd sbon yn dod i Ddinbych i roi profiad digidol 180 gradd i aelodau ffitrwydd, sy’n trawsnewid y rhaglen ddosbarthiadau ac yn darparu stiwdio ymarfer unigryw o’r radd flaenaf.

Yn dilyn llwyddiant Stiwdio 360 yng Nghlwb y Rhyl, Mae DLL a Future Studios yn cydweithio eto i ddod â stiwdio 180 gradd ryngweithiol i Glwb Dinbych y mis nesaf. Unwaith eto mae DLL yn mynd yn groes i’r duedd genedlaethol wrth greu un o’r clybiau ffitrwydd mwyaf arloesol a chyffrous yn y wlad.   

Dyma feicio dan do fel na welwyd o’r blaen, yn cynnwys wal ryngweithiol a beiciau ac offer Technogym o’r radd flaenaf.

Meddai Jamie Groves, Rheolwr Gyfarwyddwr DLL: “Ein nod yw darparu un o’r profiadau ffitrwydd mwyaf arloesol a chyffrous yng Nghymru. Drwy gyflwyno Stiwdio 180 a llwyddiant Stiwdio 360 yng Nghlwb y Rhyl, rydym wedi ymrwymo i ddod â’r dechnoleg fwyaf arloesol i bobl Sir Ddinbych. Mae DLL yn parhau i arwain y ffordd yn y diwydiant ffitrwydd ac yn mynd yn groes i’r duedd genedlaethol o leihau maint – rydym yn tyfu ac yn buddsoddi, gan sicrhau bod ein haelodau’n cael y profiad gorau posibl. Os oeddech chi’n meddwl bod beicio dan do yn gyffrous, daliwch yn dynn oherwydd mae’r profiad ar fin cyrraedd lefel hollol newydd.”

Nid yn unig y bydd y buddsoddiad yn gwella’r arlwy iechyd a ffitrwydd yng Nghlwb Dinbych, ond bydd yn galluogi i DLL ddarparu profiadau sy’n apelio at bobl o bob oed a demograffeg er mwyn helpu i annog mwy o aelodau o’r gymuned i gymryd rhan mewn ymarfer corff.

Fe’i cyflwynir drwy Fframwaith Hamdden y DU, a reolir gan Hamdden Sir Ddinbych ac Alliance Leisure, bydd yr adnodd iechyd a lles arloesol yn cynnig profiadau cynhwysol, dwys i ymgysylltu ac ysbrydoli grwpiau ymarfer corff presennol a denu cynulleidfaoedd newydd.

Mae DLL wedi gweithio gyda’r asiantaeth greadigol ‘Flareform’ i ail-bwrpasu stiwdio ymarfer yng Nghlwb y Rhyl yn Sir Ddinbych. Y nod yw creu amgylchedd ymarfer corff unigryw sy’n defnyddio tafluniad 360 gradd ar holl waliau’r ystafell i greu golygfeydd animeiddiedig di-dor sy’n trawsnewid gyda phob dosbarth.

Meddai Joe Robinson, cyd-sylfaenydd Future Studios a chyfarwyddwr creadigol yn Flareform: “Rydym wedi gwirioni cael cydweithio gyda DLL wrth i ni gychwyn ar yr ail brosiect cyffrous hwn i gyflwyno profiadau newydd sbon i’r aelodau. O’r cyswllt cyntaf un, bu’n amlwg ein bod yn gweithio gyda chleient sy’n rhannu ein hangerdd dros arloesi a rhagoriaeth. Mae eu brwdfrydedd tuag at y prosiect hwn yn heintus ac ysbrydoledig, ac mae’n cyd-fynd yn berffaith â’n gweledigaeth greadigol ar gyfer y cynnyrch. Fel gweithredwr hamdden blaengar, mae DLL yn buddsoddi’n barhaus yn ei gyfleusterau ffitrwydd er mwn darparu’r profiadau gorau un i’w gwsmeriaid. Rydym wir yn teimlo’n freintiedig i fod yn rhan o’r bartneriaeth hon ac ni allwn aros i weld y canlyniadau anhygoel y byddwn yn eu cyflawni gyda’n gilydd ar ein hail brosiect.”

Mae DLL yn falch o gyhoeddi bod y digrifwr adnabyddus John Bishop yn dychwelyd i lwyfan Theatr Pafiliwn y Rhyl am y tro cyntaf ers 2012.

Cynhelir y digwyddiad ar nos Gwener 21 Chwefror 2025, lle gall cynulleidfaoedd ddisgwyl noson o chwerthin ac adloniant gyda thaith newydd Bishop, ‘SJM Concerts Present: Back At It’.

Mae John Bishop, sy’n adnabyddus am y ffordd mae’n adrodd ei straeon digri ac atyniadol, wedi’i wneud yn un o ddigrifwyr mwyaf annwyl ein hoes.

Dywedodd Jamie Groves, Rheolwr Gyfarwyddwr DLL: “Rydym yn gyffrous iawn i gyhoeddi ein bod yn croesawu John Bishop yn ôl i Theatr Pafiliwn y Rhyl. Mae hyn yn gymeradwyaeth unwaith eto i Theatr y Pafiliwn, sy’n prysur ddod yn lleoliad ffafriedig ar gyfer prif dalentau comedi’r wlad, ac mae dychweliad Bishop yn cadarnhau ymhellach ein henw da fel canolbwynt ar gyfer rhagoriaeth adloniant. Mae’r buddsoddiad parhaus ym Mhafiliwn y Rhyl yn amlwg yn talu ar ei ganfed. Rydym yn edrych ymlaen at noson llawn chwerthin a llawenydd wrth i ni groesawu John Bishop a’i daith ‘Back at It’. “

Mae tocynnau’n dechrau o £29 a bydd tocynnau cynnar ar gael i danysgrifwyr e-byst marchnata Theatr Pafiliwn y Rhyl ar ddydd Iau, Mawrth 21, 2024, am 10:00yb. Bydd gwerthiant tocynnau cyffredinol ar gael ar wefan theatr pafiliwn y Rhyl ddydd Gwener, Mawrth 22, 2024, am 10:00yb

Y seren ddawns Louise Spence, enillwyr Britain’s Got Talent George Sampson ac Ashleigh a Sully, ac yn dychwelyd ar ôl Panto Nadolig hynod o boblogaidd ym Mhafiliwn y Rhyl, mae’r ffefrynnau Jamie a Chuck.

Mae Anton Benson Productions yn falch o gyhoeddi eu bod yn dychwelyd i Theatr Pafiliwn y Rhyl y Pasg hwn gyda chynhyrchiad cyffrous arall i’r teulu cyfan, ‘Robin Hood’.

Mae’r stori oesol o arwriaeth ac antur yn argoeli i fod yn brofiad gwefreiddiol i gynulleidfaoedd o bob oed, yn llawn chwerthin, cerddoriaeth a momentau bythgofiadwy.

Yn serennu ym mhantomeim y Pasg eleni fydd y seren deledu a dawns garismataidd, Louie Spence. Yn enwog am ei berfformiadau dynamig a phersonoliaeth heintus, bydd Spence yn chwarae rôl eiconig Robin Hood, gan arwain cast anhygoel sy’n cynnwys enillwyr Britain’s Got Talent George Sampson ac Ashleigh a Sully. I ychwanegu at y cyffro, bydd y ddeuawd hoffus Jamie a Chuck yn dychwelyd i’r llwyfan.

Meddai Jamie Groves, Rheolwr Gyfarwyddwr DLL: “Rydym yn falch o weithio mewn partneriaeth gydag Anton Benson Productions unwaith eto ar gyfer pantomeim anhygoel arall. Gyda chast gwych wedi’i arwain gan Louie Spence, George Sampson ac Ashleigh a Sully, mae ‘Robin Hood’ yn argoeli i fod yn strafagansa Pasg gall y teulu cyfan ei fwynhau. Rydym yn falch o groesawu cynulleidfaoedd yn ôl i Theatr Pafiliwn y Rhyl bob Pasg, sydd bob amser yn bleser dros y gwyliau!”

Bydd Robin Hood yn cael ei ddangos yn Theatr Pafiliwn y Rhyl ar ddydd Sadwrn 30 Mawrth, gyda pherfformiadau am 2pm a 6pm, yn ogystal â dydd Sul 31 Mawrth am 2pm, ac mae prisiau tocynnau yn dechrau ar £16.50.

Peidiwch â cholli cyfle i fod yn rhan o’r antur! Archebwch eich tocynnau ar gyfer Robin Hood rŵan: https://mpv.tickets.com/schedule/?agency=PAVV_MPV&orgid=55080#/?event=robin&view=list&includePackages=false

Mae Bwyty a Bar 1891, yn Theatr Pafiliwn y Rhyl, wedi’i gyhoeddi fel un sydd wedi cyrraedd y rownd derfynol ar gyfer Gwobrau Bwyd Cymru 2024.

Mae’r bwyty eiconig sydd â golygfeydd godidog o’r arfordir wedi cyrraedd y rhestr fer yn rownd derfynol Categori ‘Bwyty Bwyd Cain y Flwyddyn’ yn y gwobrau a gynhelir yng Nghaerdydd yr haf hwn. 

Bydd y gwobrau mawreddog hyn yn arddangos y bwytai, bwytai bwyd i fynd, tafarndai, bwytai gwestai, caffis a bistros gorau.  Mae Gwobrau Bwyd Cymru yn anrhydeddu’r cyrchfannau coginiol gorau yng Nghymru gan gydnabod gwaith caled ac ymdrechion y rheiny sydd wedi ymrwymo i ddarparu’r cynnyrch mwyaf ffres a danteithion anhygoel i’r wlad bob amser. 

Mae Bwyty a Bar 1891 wedi’i leoli ar lawr cyntaf Theatr Pafiliwn y Rhyl ac mae’n meddu ar olygfeydd godidog o arfordir Gogledd Cymru, gyda Theras awyr agored yn ystod misoedd yr haf, rhaglen ddigwyddiadau gyffrous a’r bwyty i fyny’r grisiau sy’n gweini bwydlen fendigedig ac sy’n enwog am ei ginio dydd Sul gwych, mae gan 1891 rywbeth i bawb. 

Mae Bwyty 1891 yn Theatr Pafiliwn y Rhyl, sy’n cael ei redeg gan Hamdden Sir Ddinbych Cyf (DLL), yn erbyn naw o lefydd bwyta gwych eraill, yn cynnwys dau o Gonwy, un o Gorwen a nifer o Dde Cymru.

Hwn fydd y 7fed tro i wobrau o’i fath gael ei gynnal gan Creative Oceanic wedi’i bweru gan Oceanic Events.

Dywedodd llefarydd ar gyfer Gwobrau Bwyd Cymru a gynhelir am y seithfed flwyddyn:  “Mae’n anrhydedd i ni dynnu sylw at y sefydliadau a’r busnesau bwyd gorau sydd wedi sefyll allan ymysg y gweddill yn niwydiant bwyd Cymru.  Mae’r rhai sydd wedi cyrraedd y rownd derfynol eleni yn dangos gwydnwch a chreadigrwydd cogyddion, cynhyrchwyr, gweithwyr a rheolwyr sydd bob amser yn sicrhau bod y bobl leol ac ymwelwyr yn bwyta’n dda.  Rydym eisiau llongyfarch pawb sydd wedi cyrraedd y rownd derfynol ar eu llwyddiannau ac yn dymuno’n dda iddynt.”

Meddai Jamie Groves, Rheolwr Gyfarwyddwr DLL:  “Rydym yn falch iawn o 1891, ein bwyty a bar blaenllaw ym Mhafiliwn y Rhyl.  Mae’r tîm yn 1891 yn gweithio’n ddiflino i ddarparu’r gwasanaeth a’r profiad gorau i’n cwsmeriaid.  Rydym wrth ein boddau o fod wedi cyrraedd y rownd derfynol yn y gwobrau hyn sy’n dilyn llwyddiant ein Tîm Cysylltiadau Cyhoeddus y gaeaf diwethaf, gwobr cwmni UKActive a dderbynion ar gyfer y Fframwaith Hamdden ym mis Tachwedd a’r gwobrau Cyllid yn gynharach eleni.  Mae llwyddiant parhaus ein timau yn profi bod DLL yn arwain y diwydiant ym mhob maes o’r busnes.”

Fe fydd Hamdden Sir Ddinbych (HSDd) yn goleuo eu hatyniadau fis Mawrth i daflu goleuni ar Gancr y Prostad, yn ogystal â chynnal cyfres o weithgareddau ar draws eu safleoedd hamdden a chlybiau ffitrwydd.

Yng Nghymru, bydd 1 mewn 8 o ddynion yn cael cancr y prostad ar ryw adeg yn eu bywydau, ac mae tîm HSDd yn ceisio codi ymwybyddiaeth yn ystod mis Mawrth.

Fe fydd y tîm yn codi arian drwy ddosbarthiadau ffitrwydd arbennig, ymgyrch ar gyfryngau cymdeithasol, coffi a theisen yng nghaffis ‘Refuel’ yn ein clybiau ffitrwydd, gwisgo glas ar draws y sir a thrwy oleuo Theatr Pafiliwn y Rhyl, bwyty 1891 a’r bar, y ‘SkyTower’, SC2 y Rhyl, a Chanolfan Grefft Rhuthun rhwng 5 ac 11 Mawrth.

Meddai Rheolwr Gyfarwyddwr Hamdden Sir Ddinbych, Jamie Groves: “Dyma achos gwych i’w gefnogi ac mae HSDd yn gwneud pob ymdrech i ledaenu ymwybyddiaeth am Gancr y Prostad fis Mawrth yma.  Her gamau dros y we’ yw ‘March the Month’ rydym ni’n ei gyflwyno i’n clybiau a safleoedd hamdden, i unrhyw un sydd eisiau cadw’n heini a helpu i guro cancr y prostad.   Fe allwch chi ymuno â miloedd o bobl ar draws y wlad, sydd yn ymrwymo i gerdded 11,000 o gamau neu deithio’r hyn sydd gyfystyr ag 11,000 o gamau y dydd ar olwynion, drwy gydol mis Mawrth.   Ymunwch â’n dosbarthiadau, gwisgwch las a rhannwch y neges fis Mawrth yma, fe allai helpu i achub bywyd!”

Mae rhagor o wybodaeth am yr ymgyrch ar gael ar sianeli cyfryngau cymdeithasol HSDd ar Facebook: Mae @DenbighshireLeisure a X @DenbighshireL. yn taflu goleuni ar Gancr y Prostad ym mis Mawrth gyda chyfres o weithgareddau ar draws y busnes.

Mae Hamdden Sir Ddinbych Cyf (HSDd) wedi cyhoeddi ystod gyffrous o weithgareddau ar draws y sir i ddathlu Dydd Gŵyl Dewi, gan gynnwys cystadleuaeth ‘dylunio crys-t’ i blant a phrydau arbennig ar thema Gymreig yn eu bwytai yn Rhuthun a’r Rhyl.

Mae HSDd yn gwahodd artistiaid ifanc i gymryd rhan mewn cystadleuaeth dylunio crys-t ar thema ‘Beth Sy’n Eich Gwneud yn Falch o Fod yn Gymraeg’, wedi’i hanelu at blant 11 oed ac iau. Bydd dylunydd buddugol yn derbyn pedwar tocyn ar gyfer Ninja TAG SC2, a bydd eu dyluniad yn cael ei argraffu ar grysau t a wisgir gan hyfforddwyr ffitrwydd HSDd ar draws y sir, fel rhan o’n hymrwymiad i hyrwyddo diwylliant Cymru.

I’r rhai sy’n frwdfrydig am fwyd bendigedig, mae bwydlen arbennig ar thema Gymreig yn cael ei lansio i ddathlu’r diwrnod cenedlaethol ac mi fydd ar gael yng Nghaffi R yn Rhuthun a Bwyty a Bar 1891 yn y Rhyl ar Ddydd Gŵyl Dewi.

Dywedodd Jamie Groves, Rheolwr Gyfarwyddwr HSDd: “Fel busnes Cymreig mae’n bwysig i ni ddathlu ein diwylliant Cymreig ac eleni rydym yn edrych ymlaen o gael gweithio gyda phlant lleol i greu crys-t y bydd ein hyfforddwyr ffitrwydd yn ei wisgo i ddangos ein balchder Cymreig. Mae’r gystadleuaeth hon nid yn unig yn caniatáu i blant fynegi eu safbwyntiau unigryw ond hefyd yn rhoi’r cyfle i blant arddangos eu cariad at Gymru wrth ddathlu Dydd Gŵyl Dewi drwy gydol mis Mawrth, ac mae hyn yn hynod bwysig i ni fel busnes Cymreig. Mae’r prydau arbennig ar y thema Gymreig yng Nghaffi R a 1891 sydd ar gael ar gyfer Dydd Gŵyl Dewi yn flasus, ac yn berffaith ar gyfer y diwrnod arbennig hwn.”

Mae’r gystadleuaeth dylunio crys-t, sy’n cael ei lansio heddiw (22/02/24), yn gwahodd plant o bob rhan o Sir Ddinbych i ryddhau eu creadigrwydd ar ddarn gwag o bapur A4, gan fynegi eu safbwyntiau ar hunaniaeth, diwylliant a threftadaeth Gymreig. Derbynnir cynigion tan hanner nos ar ddydd Sul, Mawrth 10fed, gan roi digon o amser i ddarpar artistiaid dylunio eu campweithiau.

Bydd y dyluniad poster A4 buddugol yn cael sylw amlwg ar grysau-t hyfforddwyr ffitrwydd ar draws holl safleoedd hamdden HSDd a chlybiau premiwm HSDd ar ddydd Gwener, Mawrth 22ain, yn ogystal â thîm Gweithredol HSDd i gyd yn gwisgo’r dyluniad buddugol. Mae’r cyfle unigryw hwn yn caniatáu i’r artist buddugol arddangos eu dawn i’r gymuned ehangach, gan ledaenu neges o falchder ac undod Cymreig.

I gymryd rhan, gall plant gyflwyno eu dyluniadau poster trwy e-bost i marchnata@hamddensirddinbych.co.uk neu eu gollwng wrth ddesg dderbynfa eu Canolfan HSDd lleol. Dylai cofnodion gynnwys enw’r plentyn, ei oedran, a gwybodaeth gyswllt ar gyfer caniatâd rhieni.

Mae byrddau ym Mwyty 1891 ar gyfer Dydd Gŵyl Dewi yn llenwi’n gyflym, felly anogir cwsmeriaid i archebu bwrdd cyn gynted â phosibl ac i archebu lle wrth fwrdd yng Nghaffi R yn Rhuthun i osgoi siom.

Mae Sioe Awyr arobryn y Rhyl yn cymryd hoi eleni, yn dilyn cyhoeddiad taith ryngwladol pen-blwydd tymor y Saethau Cochion yn 60 yr haf hwn.

Mae’r Saethau Cochion wedi bod yn rhan annatod o’r sioeau yn y blynyddoedd diwethaf ac mae’r penderfyniad wedi ei wneud i beidio â chynnal y sioe yn 2024 hebddynt.

Mae’r newyddion hyn yn dilyn amryw o sioeau awyr eraill ar draws y DU yn penderfynu peidio â chynnal eu sioe eleni oherwydd bod y Saethau Cochion dramor ar gyfer yr Haf.

Dywedodd Graham Boase, Prif Weithredwr Cyngor Sir Ddinbych: “Rydym yn deall y bydd y penderfyniad yn siom i’r rhai sy’n mynychu’r Sioe Awyr yn rheolaidd, a hefyd i fusnesau lleol. Rydym yn llwyr werthfawrogi effaith economaidd y digwyddiadau ar y Rhyl, ac fel cyngor rydym yn parhau i fod yn ymrwymedig i weithio gyda HSDd i adeiladu enw da’r dref fel cyrchfan ar gyfer digwyddiadau mawr. Byddwn yn gweithio gyda HSDd i chwilio am ddigwyddiadau amgen”

Dywedodd Jamie Groves, Rheolwr Gyfarwyddwr HSDd: “Gyda chalon drom yr ydym wedi penderfynu peidio â chynnal Sioe Awyr y Rhyl eleni. Mae’r Saethau Cochion wedi bod yn rhan annatod o raglen y Sioe Awyr dros nifer o flynyddoedd wrth arddangos diweddglo ysblennydd i’r sioe. Yn anffodus, rydym wedi cael gwybod y byddant i ffwrdd ar daith ryngwladol dros yr haf, ac na fyddant ar gael ar gyfer arddangosiadau yn y DU. Ar hyd y blynyddoedd diwethaf, mae’r rhaglen eisoes wedi cael ei graffu, a chredwn na ellir disodli’r Saethau Cochion, a bydd colli nhw yn sicr o arwain at feirniadaeth o’r Sioe Awyr. rydym wedi dod i’r casgliad y byddai’n amhosibl i HSDd gyflwyno sioe sy’n cyd-fynd â thraddodiad balch Sioe Awyr y Rhyl, sydd hefyd yn bodloni disgwyliadau’r cyhoedd, ond byddwn yn dod yn ôl yn 2025 yn gryfach.”

Mae HSDd wedi ymrwymo i sicrhau bod trigolion ac ymwelwyr yn cael haf i’w gofio, ac yn cynnal llu o ddigwyddiadau am ddim i deuluoedd ar draws yr arfordir yr haf hwn.

O bartïon Ibiza yn y Cwt Traeth, i nosweithiau DJ  ar y Teras a diwrnodau hwyl i’r teulu ym Mwyty 1891, nosweithiau acwstig, partïon 80’au a Northern Soul, mae rhywbeth at ddant pawb. Mae rhagor o wybodaeth ar gael ar Denbighshireleisure.co.uk a thrwy eu sianeli cyfryngau cymdeithasol.

Bydd HSDd yn croesawu ail rownd o geisiadau gan glybiau a sefydliadau lleol ar gyfer Cynllun Grantiau Cymunedol i gefnogi gweithgareddau celfyddydol, diwylliannol a chreadigol yn fuan.   

Mae’r cwmni wedi derbyn £430,000 gan Gyngor Sir Ddinbych drwy Gronfa Ffyniant Gyffredin Llywodraeth y DU i weinyddu’r cynllun. 

Bydd y grant yn rhoi cyfle i sefydliadau a chlybiau llai yn Sir Ddinbych ymgeisio am gyllid i gefnogi gweithgareddau megis perfformiadau cerddoriaeth a theatr, cyllid ar gyfer arddangosfeydd lleol a chefnogaeth ar gyfer rhaglenni allgymorth. 

Gall sefydliadau elwa o gyllid cyfalaf a refeniw i ailwampio neu gynnal cyfleusterau chwaraeon presennol neu gefnogi cynghreiriau cymunedol neu leoliadau a gweithgareddau celfyddydol cymunedol.  Croesawir ceisiadau ar gyfer cyllid o ddydd Llun, 22 Ionawr. Y dyddiad cau ar gyfer y rownd derfynol yw dydd Llun, 19 Chwefror. 

Mae grwpiau chwaraeon gwirfoddol a chymunedol, sefydliadau cymunedol a chlybiau chwaraeon dielw, Cynghorau Plwyf a Thref, elusennau sy’n darparu gwasanaethau a chymorth lleol (gan gynnwys grwpiau lifrai) ac ysgolion a sefydliadau addysg yn gymwys i wneud cais.

I fod yn gymwys mae’n rhaid ichi ddangos sut fydd y prosiect yn cefnogi un o amcanion canlynol y Gronfa Ffyniant Gyffredin:

• Cefnogaeth ar gyfer gweithgareddau creadigol, treftadaeth, diwylliannol a chelfyddydau lleol.
• Cyllid ar gyfer cyfleusterau chwaraeon, twrnameintiau, timau a chynghreiriau lleol; i ddod â phobl at ei gilydd. 

Dywedodd Jamie Groves, Rheolwr Gyfarwyddwr HSDd “Mae’r panel yn adolygu’r rownd gyntaf o’r ceisiadau ar hyn o bryd, ond rydym yn falch o gyhoeddi y bydd yr ail rownd yn agor ar 22 Ionawr, gydag arian cyfalaf a refeniw ar gael.   Mae HSDd yn parhau i ymrwymo i gefnogi cymunedau lleol, ac rydym yn gwybod y bydd y cynllun hwn yn cael effaith mawr, yn arbennig o ystyried yr hinsawdd economaidd sydd ohoni. Mae Cymuned yn un o bileri’r cwmni, ac mae helpu i gynnal cyfranogiad cymunedol ac isadeiledd clybiau’n parhau i fod yn flaenoriaeth i HSDd.    Gyda chyllid gan Lywodraeth y DU a chefnogaeth CSDd, bydd y grant yn galluogi HSDd i helpu i gynnal grwpiau trydydd sector, chwaraeon a sefydliadau diwylliannol.”

Mae grantiau cyfalaf rhwng £2,000 ac £20,000 a grant refeniw rhwng £500 a £20,000 ar gael. NI CHAIFF CYFANSWM y cais, fodd bynnag, fod yn FWY NAG £20,000.

Gallwch wneud cais ar-lein drwy lawrlwytho ffurflen gais o’r wefan. Bydd angen dychwelyd y ffurflen wedyn i cymunedaubywiog@hamddensirddinbych.co.uk neu drwy’r post i’r Tîm Cymunedau Bywiog, Hamdden Sir Ddinbych, 8-11 Trem y Dyffryn, Stad Ddiwydiannol Colomendy, Dinbych LL16 5TX.

Am ragor o wybodaeth, gan gynnwys telerau ac amodau llawn y grant, ymwelwch â’n gwefan https://denbighshireleisure.co.uk/cy/dll-community-grant-scheme-2/

Roedd HSDd hefyd wedi llwyddo i dderbyn arian drwy’r Gronfa Ffyniant Gyffredin i ddarparu rhaglen Celfyddydau Creadigol.   Bydd y Rhaglen Celfyddydau Creadigol yn gweithio â phartneriaid trydydd sector allweddol a phartneriaid cymunedol ac iechyd i ddarparu rhaglen gyfranogol y celfyddydau mewn iechyd a lles, mewn lleoliadau cymunedol, gofal cymdeithasol ac iechyd. Cyfanswm y cyllid a dderbyniwyd gan HSDd ar gyfer y ddau brosiect oedd £584,000.

Nodiadau i Olygyddion: Mae Cronfa Ffyniant Gyffredin y DU yn biler canolog i raglen Ffyniant Bro Llywodraeth y DU ac mae’n darparu £2.6 biliwn o arian ar gyfer buddsoddiad lleol erbyn mis Mawrth 2025.  Nod y Gronfa yw gwella balchder mewn lleoedd a chynyddu cyfleoedd bywyd ledled y DU, drwy fuddsoddi mewn cymunedau a lleoedd, cefnogi busnesau lleol, a phobl a sgiliau.  I gael rhagor o wybodaeth, ewch i:

https://www.gov.uk/government/publications/uk-shared-prosperity-fund-prospectus.cy