Newyddion – Tudalen 2 – Denbighshire Leisure Ltd

Mae Elevate, digwyddiad masnach ffitrwydd a gweithgaredd corfforol mwyaf y DU, yn digwydd yr wythnos hon ac mewn fforwm sy’n llunio dyfodol y pynciau pwysig hyn, rydym yn falch o rannu bod ein Rheolwr Gyfarwyddwr, Jamie Groves, yn siarad ar y panel heddiw.

Mae Elevate, digwyddiad masnach ffitrwydd a gweithgaredd corfforol mwyaf y DU, yn digwydd yr wythnos hon ac mewn fforwm sy’n llunio dyfodol y pynciau pwysig hyn, rydym yn falch o rannu bod ein Rheolwr Gyfarwyddwr, Jamie Groves, yn siarad ar y panel heddiw.
Gwahoddwyd Jamie i drafod “Enaid lleol, graddfa genedlaethol – adeiladu hunaniaeth clwb fel rhan o fasnachfraint neu grŵp ffitrwydd cenedlaethol”, ochr yn ochr â Rebecca Douglas o’r Well Crowd, Sarah Townend o Snap Fitness, a Graham Payne o Bird & Bird.
Mae digwyddiad eleni, a gynhelir ar 17eg a 18fed Mehefin, yn nodi 10 mlynedd o Elevate, degawd o ddod â’r bobl sy’n cadw’r DU i symud ynghyd! O gampfeydd annibynnol i’r cadwyni cyhoeddus a phreifat mawr yn y DU, o hyfforddwyr perfformiad, therapyddion chwaraeon, a gweithwyr gofal iechyd proffesiynol i lunwyr polisi ac arweinwyr y sector yn y dyfodol, Elevate yw’r lle i unrhyw un sy’n chwilio am wybodaeth am ffitrwydd, gweithgaredd corfforol a therapi chwaraeon.

DLL wedi cyrraedd rownd derfynol Gwobrau GO 2026 yn dilyn llwyddiant Fframwaith Hamdden Cenedlaethol y DU

Mae Fframwaith Hamdden cenedlaethol hynod lwyddiannus DLL wedi’i enwi fel un o’r ymgeiswyr terfynol yng Ngwobrau GO 2026, sy’n dathlu mentrau caffael clyfar ac effeithiol.

Mae Fframwaith Hamdden y DU, sy’n cael ei reoli gan DLL, ac a gyflwynir gan y partner datblygu Alliance Leisure, wedi’i enwi fel un o’r ymgeiswyr I gyrraedd y rownd derfynol yng nghategori Menter Caffael Cydweithredol yn y gwobrau nos Iau 18 Mehefin yn Lerpwl. Mae’r categori hwn yn cydnabod pwysigrwydd cynyddol cydweithio mewn caffael cyhoeddus a’r manteision y gellir eu gwireddu trwy gydweithio.

Mae’r Fframwaith yn cynnig atebion busnes ar gyfer prosiectau hamdden mawr gan gynnwys dylunio, adnewyddu, adeiladu a datblygu canolfannau hamdden, theatrau, cyfleusterau hamdden a chyfleusterau chwaraeon ledled y DU. Trwy’r Fframwaith, mae DLL yn dylanwadu ar agendâu hamdden cenedlaethol ac yn helpu awdurdodau lleol, darparwyr addysg, a chyrff cyhoeddus i gyflawni canlyniadau gwell i’w cymunedau.

Dywedodd John Leaver, Cyfarwyddwr Marchnata a Fframweithiau, Alliance Leisure, “Rydym wedi croesi ein bysedd ar gyfer y noson wobrwyo yn Lerpwl ac mae cael ein dewis fel un o’r rhai sydd wedi cyrraedd y rownd derfynol yn gydnabyddiaeth o’r cydweithio aruthrol y mae ein partneriaid yn ei gyfrannu at bob prosiect. Mae Fframwaith Hamdden y DU yn bodoli i drawsnewid iechyd a lles cymunedau lleol ledled y DU, a bydd gwobrau GO yn helpu i arddangos y llwyddiant y mae’r Fframwaith wedi’i gael.”

Dywedodd Jamie Groves, Rheolwr Gyfarwyddwr, DLL “Dros y blynyddoedd diwethaf, mae Fframwaith Hamdden y DU wedi helpu i gyflawni 206 o brosiectau, gyda chyfanswm o £313 miliwn gyda £250 miliwn pellach o ddatblygiadau ar y gweill. Mae’r rhain wedi cynnwys rhai trawsnewidiadau gwych o gyfleusterau chwaraeon ar draws sector cyhoeddus y DU. Yn DLL, rydym yn falch iawn o’r effaith y mae’r Fframwaith wedi’i chael ar y diwydiant hamdden a thrwy ei lwyddiant, y cyfleoedd y mae wedi’u cynnig i bobl ledled y DU, sy’n gallu gwella eu hiechyd a’u lles yn y cyfleusterau gwych hyn. Rydym yn hynod falch o fod wedi cael ein henwi fel un o’r rhai sydd wedi cyrraedd y rownd derfynol yng Ngwobrau GO, yn enwedig yng ngoleuni’r safonau anhygoel o uchel ac yn edrych ymlaen at noson wych”.

Canolfan Grefft Rhuthun yn ennill Gwobr Gwirfoddolwyr Cyngor Gwasanaethau Gwirfoddol Sir Ddinbych am Hybu Diwylliant a Threftadaeth Cymru

DLL is celebrating after Ruthin Craft Centre has been awarded the 2026 Denbighshire Voluntary Services Council (DVSC) award for Promoting Welsh Culture & Heritage.

The team at Ruthin Craft Centre received the award in a ceremony held at Ruthin Craft Centre on Friday 5^th June, for establishing their Volunteer Gallery Invigilation Scheme as part of the CELF National Contemporary Art Gallery for Wales initiative.

Ruthin Craft Centre is one of nine galleries across Wales who were selected to be part of the prestigious scheme, which is a method of ensuring the national collections of contemporary art in Wales can be enjoyed by everybody. Through an extensive loans programme from the National Museum in Cardiff and the National Library in Aberystwyth, collections are showcased at different venues across Wales, allowing people to explore the collections within their own localities.

The Volunteer Gallery Invigilation scheme was introduced in March 2025 to assist with CELF exhibitions throughout the year. Invigilators create a warm and welcoming atmosphere for visitors, ensure they have any resources or information relating to the exhibition, keep a watchful eye over artwork and exhibition materials, and record visitor feedback.

The DVSC hosts their annual Volunteer Awards to celebrate the dedication and impact of volunteers across the county. The awards also help to celebrate Volunteers Week, which takes place during the first week of June, and highlight the hard work of individuals who contribute to their local communities.

Jamie Groves, DLL Managing Director said “DLL has always been committed to providing the best possible customer experience to anyone visiting our venues, and Ruthin Craft Centre is no exception. The invigilator programme has proved to be extremely successful at raising awareness and increasing understanding of the Arts and the standard of commitment from our volunteer invigilators has exceeded our expectations on all fronts. We are very proud to receive this DVSC award, as our invigilators are such an excellent example of the benefits volunteers can bring to any organisation.”

Nofio’n ddiogel yr haf hwn gydag Academi Nofio DLL

Mae DLL (Hamdden Sir Ddinbych Cyf) yn hyrwyddo nofio diogel yr haf hwn drwy annog rhieni i gofrestru eu plant ar Academi Nofio DLL.

Mae DLL yn cefnogi ymgyrch Wythnos Atal Boddi RLSS sy’n rhedeg o 13-20 Mehefin, ac sy’n darparu cyngor diogelwch dŵr hanfodol i bobl ifanc ac yn rhoi sgiliau a gwybodaeth iddynt fwynhau dŵr yn ddiogel.

Trwy’r Academi Nofio, mae DLL yn cynnig rhaglen hwyliog a chynhwysfawr o wersi i nofwyr, o fabanod i oedolion ac mae ganddo rywbeth ar gyfer pob gallu. Mae hyfforddwyr arbenigol DLL yn cyflwyno gwersi deniadol sy’n dilyn rhaglen Dysgu Nofio Cymru, gan sicrhau amgylchedd hwyliog, diogel a chefnogol i bob oed. Mae unrhyw un sydd wedi cofrestru i’r Academi Nofio hefyd yn derbyn nofio am ddim mewn unrhyw sesiwn nofio gyhoeddus ym mhyllau DLL – y cyfle perffaith i wella ffitrwydd ac ymarfer sgiliau!

Dywedodd Jamie Groves, Rheolwr Gyfarwyddwr, DLL “Un o’r sgiliau bywyd pwysicaf yw dysgu nofio. Nid yn unig yw nofio’n hwyl, ond mae’n ffordd wych o ymarfer corff gyda llawer o fanteision i iechyd corfforol a meddyliol. Mae’r haf yn amser gwych i fwynhau’r dŵr, boed yn eich pwll lleol neu yn yr awyr agored yn y môr, afonydd neu lynnoedd tra ar wyliau. Mae dysgu nofio yn sgil bywyd hynod bwysig ac yn DLL mae gennym Academi Nofio lwyddiannus iawn, gyda hyfforddwyr gwych a chyfeillgar. Ni waeth beth yw eich oedran neu gallu, gallwn ni helpu i wella eich sgiliau nofio a gwneud gwersi’n hwyl! Does dim byd mwy pleserus na diwrnod ar y traeth, ac yn enwedig gyda’n hagosrwydd at arfordir hardd Gogledd Cymru. Mae mwynhau’r dŵr yn ddiogel yn hynod bwysig, ac Academi Nofio DLL yw’r ffordd berffaith o ddysgu!”

Am ragor o wybodaeth am yr Academi Nofio, gweler gwefan DLL https://denbighshireleisure.co.uk/cy/academi-nofio-dll/ neu anfonwch e-bost at nofio@dll.co.uk

Dathlu blwyddyn o ffitrwydd â chymorth pŵer yng Nghlwb y Rhyl gyda chynnig cyffrous newydd i aelodau

Mae DLL yn dathlu pen-blwydd blwyddyn eu brand technoleg ymarfer corff â chymorth pŵer poblogaidd ‘Assist Fit’ yng Nghlwb y Rhyl, gyda lansiad o aelodaethau newydd yn dechrau o £9.99 y mis.

Mae Assist Fit, sydd wedi’i leoli yng Nghlwb y Rhyl, wedi’i gynllunio i fod yr ateb perffaith i’r rhai sy’n byw gyda chyflyrau hirdymor a’r rhai nad ydynt yn teimlo’n barod ar gyfer amgylchedd campfa arferol. Mae technoleg ymarfer corff â chymorth pŵer yn ddiogel i bob gallu, gan nad oes angen i ddefnyddwyr ddarparu’r grym cymhellol i oresgyn inertia. Nid oes unrhyw bentyrrau pwysau i’w rheoli, dim ond technoleg ddiogel ac effeithiol, sy’n darparu ystod symudiad â chymorth gweithredol i ddefnyddwyr. Gall defnyddio Assist Fit helpu i feithrin hyder a helpu aelodau i symud ymlaen i weithgareddau pellach yn y dyfodol. I aelodau sy’n chwilio am ymarfer corff llawn effaith isel, mae Assist Fit yn darparu’r ‘llaw gymorth’ berffaith i gael eu cryfder yn ôl.

I ddathlu llwyddiant Assist Fit, mae DLL yn lansio tair aelodaeth newydd, gan gynnwys aelodaeth Cyplau ac aelodaeth penwythnos. Mae aelodaethau’n dechrau am £9.99 ac maent ar gael o’r 8fed Mehefin.

Yn ei flwyddyn gyntaf, mae Assist Fit wedi profi’n hynod boblogaidd o fewn y gymuned leol, gan ddarparu nid yn unig fuddion iechyd cadarnhaol, ond hefyd cyfle i gymdeithasu ag aelodau eraill. Dros y deuddeg mis cychwynnol, mae adborth gan ddefnyddwyr wedi bod yn arbennig, gyda llawer yn ymweld yn rheolaidd ac yn canfod bod y gampfa yn lle cyfforddus a hygyrch, gan ganiatáu iddynt gymryd rhan mewn ymarfer corff rheolaidd a chreu newidiadau ymddygiad cadarnhaol.

Dywedodd Jamie Groves, Rheolwr Gyfarwyddwr DLL “Mae DLL wedi ymrwymo erioed i ddod â chynigion hamdden i’w aelodau gyda’r nod o helpu i wella ffitrwydd, iechyd a lles meddyliol yn ein cymunedau. Mae Assist Fit wedi’i gynllunio i ganolbwyntio ar gwsmeriaid ag anghenion ffitrwydd penodol, lle nad yw ein hamgylchedd campfa yn addas ar eu cyfer ar hyn o bryd ac rydym wedi bod yn falch iawn o glywed am yr effaith cadarnhaol y mae Assist Fit wedi cael ar ein haelodau. Yn fwy cadarnhaol fyth, yw’r gymuned wych sydd wedi’i chreu o fewn amgylchedd Assist Fit. I ymestyn hyn ymhellach fyth, rydym wedi creu tair categori aelodaeth newydd yn benodol ar gyfer Assist Fit, ac yn gobeithio dod â manteision cadarnhaol y dechnoleg wych hon i fywydau hyd yn oed mwy o bobl.”

Mae manylion llawn yr aelodaethau newydd ar gael ar wefan DLL. Mae sesiynau blasu am ddim ar gael i unrhyw un sydd â diddordeb mewn rhoi cynnig ar Assist Fit, i archebu cysylltwch â Chlwb Y Rhyl ar 01824 774871.

Miloedd yn dathlu’r haul gyda HSDd wrth i’r haf ddechrau gyda haul tanbaid

Bu miloedd o breswylwyr lleol ac ymwelwyr yn dathlu’r haul gyda HSDd yr wythnos ddiwethaf, wrth i’r haf gyrraedd o’r diwedd gyda thywydd poeth. Am unwaith roedd y tymereddau o’n plaid dros wyliau’r ysgol, ac fe agorodd HSDd ei ddrysau i groesawu preswylwyr lleol ac ymwelwyr o bob cwr o’r DU.

Fe agorodd Pad Sblasio SC2 ar gyfer tymor yr haf dros benwythnos Gŵyl y Banc, a gyda’r tymereddau uchel, roedd y sesiynau yn llawn gydol yr wythnos. Roedd yr ardal sblasio boblogaidd yn lle perffaith i oeri rhywfaint, gadael i’r rhai bach losgi’u hegni tra bod yr oedolion yn gallu ymlacio. Roedd y parc dŵr dan do’n brysur hefyd, gyda miloedd wrth eu boddau gyda’r cafnau a’r llithrennau ac yn mwynhau’r dŵr!

Roedd Caban y Traeth gan HSDd sydd newydd ei agor yn y Nova yn rhoi ymdeimlad hiraethus o hwyl traeth traddodiadol ym Mhrestatyn, gyda’i ddetholiad blasus o hufen iâ Mario, coffi Costa ac anrhegion traeth. Gan fod popeth sydd ei angen arnoch i gael diwrnod ar y traeth yno, roedd Caban y Traeth yn llwyddiant arall gan HSDd!

Cafodd y tîm Cymunedau Bywiog hefyd hwyl yn yr haul yr wythnos ddiwethaf, gan gyflwyno amrywiaeth o ddigwyddiadau cymunedol yn yr awyr agored ar draws y Sir. Roedd llawer o blant a theuluoedd yn bresennol mewn digwyddiad ar y traeth yn y Rhyl gan dreulio prynhawn heulog braf yn mwynhau eu hunain yn cymryd rhan mewn gemau traeth. Fe ymunodd y tîm â phartneriaid (e.e. Gwasanaethau Ieuenctid CSDd, Chwarae CSDd, Grwpiau Cymunedol) i fynychu tair sesiwn gymunedol i deuluoedd yng Nghorwen, Rhuthun a Dinbych, lle buont yn helpu i gyflwyno gweithgareddau awyr agored e.e. criced, pêl-droed, tennis a seiclo.

Roedd bwyty Cwt y Traeth a Theras 1891 HSDd, sydd yn enwog am eu lleoliadau godidog a golygfeydd di-guro o arfordir Gogledd Cymru, yn falch o groesawu cwsmeriaid am brydau ysgafn, bwyd i fynd a swper blasus. Fe ymlaciodd nifer o gwsmeriaid gan fwynhau’r tywydd braf neu wylio’r haul yn machlud gyda diod oer. Gyda bwydlen Spritz newydd a bwydlen coctêls ar ei newydd wedd, fe agorodd bar coctêls gwych Cwt y Traeth, Mojitos, am ei benwythnos cynta’r flwyddyn, ac fel bob amser, bu’n lleoliad delfrydol i flasu amrywiaeth o goctêls a moctêls, yn cynnwys y clasuron.

Dywedodd Jamie Groves, Rheolwr Gyfarwyddwr Hamdden Sir Ddinbych: “Pan mae’r haul yn tywynnu, does yna unlle gwell nag arfordir Gogledd Cymru! Felly os ydych chi eisiau mwynhau hwyl a gemau i’r teulu, mwynhau pryd blasus, neu eistedd ger y môr gyda choctêl yn eich llaw, mae yna rywbeth i bawb yn HSDd! Fel bob amser, fe fydd tîm HSDd yn gwneud ei orau i ddarparu haf i’w gofio i bawb, felly diolch i chi am eich cefnogaeth ac rydym ni’n edrych ymlaen at eich gweld yn ein lleoliadau’n fuan eto!”

Mae DLL yn annog gwirfoddolwyr i gefnogi eu cymunedau i fod yn egnïol

I ddathlu Wythnos Genedlaethol y Gwirfoddolwyr sy’n rhedeg o’r 1af i’r 7fed o Fehefin, mae DLL yn annog unrhyw un sydd â diddordeb mewn chwaraeon i wirfoddoli a chefnogi eu cymunedau lleol.

Mae Tîm Chwaraeon Cymunedau Bywiog DLL yn gweithio ledled Sir Ddinbych yn helpu i gefnogi sesiynau chwaraeon cymunedol, gweithgareddau gwyliau, digwyddiadau hwyl i’r teulu, sesiynau chwarae ar y traeth, gwyliau ac i gyflwyno sesiynau Bikeability. Mae’r tîm yn hyrwyddo rhaglen Cymunedau Bywiog sydd wedi’i chynllunio’n arbennig i annog ffyrdd o fyw iach, gwella lles a darparu cyfleoedd cynhwysol ar gyfer cyfranogiad. I helpu gyda’r gwaith pwysig hwn, mae DLL yn chwilio am wirfoddolwyr o’r gymuned a all gynnig eu hamser a’u sgiliau.

Fel y mae miliynau o bobl ledled y DU wedi darganfod, gall gwirfoddoli fod yn ffordd wych o gwrdd â phobl newydd, ac i roi yn ôl i’r gymuned leol. Gall helpu i feithrin sgiliau personol a phroffesiynol gan gynnwys gwaith tîm, cyfathrebu, arweinyddiaeth a datrys problemau. Yn ogystal, fel gwirfoddolwr mewn chwaraeon cymunedol, byddech chi’n helpu i greu amgylchedd cefnogol lle gall plant, yn benodol, feithrin hyder, gwydnwch a chymryd y camau cyntaf tuag at fwynhad gydol oes o weithgarwch corfforol.

Mae tîm Cymunedau Bywiog DLL yn chwilio am wirfoddolwyr sydd â diddordeb mewn helpu i gefnogi eu rhaglenni a ariennir gan Actif Gogledd Cymru. Mae Actif Gogledd Cymru yn ceisio dod â phartneriaid o wahanol sectorau ledled Gogledd Cymru at ei gilydd, er mwyn cael effaith fwy ar gymunedau. Mae rôl Hyfforddwr Chwaraeon Cymunedol Gwirfoddol DLL yn cynnig y cyfle i weithio gyda thîm ymroddedig a chyfeillgar y cwmni ledled y sir. Nid oes angen unrhyw brofiad blaenorol, dim ond modd cyfeillgar a hawdd mynd ato a diddordeb mewn bod yn egnïol a chwrdd â phobl newydd.

Dywedodd Jamie Groves, Rheolwr Gyfarwyddwr DLL, “Mae Wythnos Genedlaethol y Gwirfoddolwyr yn ddathliad o’r miliynau o wirfoddolwyr sy’n rhoi eu hamser a’u sgiliau’n hael i gefnogi cymunedau lleol ledled y wlad. Mae tîm Cymunedau Bywiog DLL wedi ymrwymo i greu cymunedau cryfach a mwy cysylltiedig, boed drwy’r celfyddydau, chwaraeon neu iechyd a lles. Byddwn yn annog unrhyw un sydd â diddordeb i gymryd y cam pwysig nesaf hwnnw i chlicio ar y ddolen isod. Does dim ots os allwch chi roi awr yr wythnos neu ddeg, bydd ein tîm cyfeillgar wrth eu bodd yn eich croesawu a phwy a ŵyr, gall gwirfoddoli arwain at ddiddordebau newydd, ffrindiau newydd neu hyd yn oed yrfa newydd!”

Am ragor o wybodaeth, cwblhewch y ffurflen mynegiant diddordeb ar wefan DLL Gwirfoddoli – Hamdden Sir Ddinbych Cyf neu anfonwch e-bost at cymunedau.bywiog@dll.co.uk. Mae angen gwiriad DBS ar gyfer pob rôl wirfoddoli, a rhaid i chi fod yn 14 oed neu’n hŷn. Bydd yr oriau’n amrywio a gall y DLL weithio o gwmpas argaeledd.

Miloedd yn mwynhau parc dŵr a phad sblasio SC2 Y Rhyl dros benwythnos Gŵyl y Banc

Fuodd miloedd o blant a theuluoedd yn y Pad sblasio a’r parc dŵr yn SC2 dros penwythnos cyntaf y tymor yn Y Rhyl, gyda dros 500 o docynnau am ddim a roddwyd i drigolion ac ymwelwyr fel rhan o gynigion Teyrngarwch Lleol DLL.

Gyda gwres uwch na 25 gradd dros y tri diwrnod, gwelodd penwythnos cyntaf ailagor y Pad sblasio ar gyfer tymor yr haf filoedd o ymwelwyr yn mwynhau’r pad sblasio awyr agored dros benwythnos Gŵyl y Banc.

Rhoddwyd DLL dros 500 o docynnau am ddim ar-lein fel rhan o’u cynigion teyrngarwch lleol, i groesawu cwsmeriaid yn ôl i’r Pad Sblasio awyr agored SC2 ddydd Sadwrn (23ain Mai). Gyda’r tymereddau a chynwrf yn codi’n sydyn, cafodd yr holl docynnau eu cipio mewn llai na 10 munud.

Dywedodd Jamie Groves, Rheolwr Gyfarwyddwr DLL: “Roedd yn wych gweld cymaint o bobl yn mwynhau’r Pad Sblasio awyr agored y penwythnos hwn! Gweithiodd ein tîm yn SC2 yn galed iawn i gael y Pad Sblasio ar waith ar gyfer gwyliau hanner tymor ac nid oes dim byd gwell ganddyn nhw na gweld yr ardal gyfan yn llawn plant a theuluoedd hapus yn cael hwyl yn yr haul! Rydym hefyd yn edrych ymlaen at gynnig sesiynau am ddim i drigolion lleol ar ôl 4pm yn ystod yr wythnos. Rydym yn gwybod bod llawer o bobl yn gweithio yn ystod y dydd, ac rydym eisiau iddynt gael cyfle i gael hwyl gyda’u teuluoedd ar ddiwedd eu diwrnod. Nawr bod y Pad Sblasio ar agor, allwn ni ddim aros i weld mwy o drigolion ac ymwelwyr yn mwynhau Haf gwych arall yn y Rhyl!”

Bydd Pad Sblasio SC2 ar agor ar benwythnosau a gwyliau tan ddiwedd yr haf (yn dibynnu ar y tywydd), gyda sesiynau am ddim ar ôl 4pm bob dydd wedi’u hanelu at bobl leol sy’n gweithio yn ystod y dydd. Bydd tocynnau ar gyfer y sesiynau am ddim yn cael eu rhyddhau am 9yb yn ddyddiol a gellir archebu sesiynau ar-lein ar www.SC2rhyl.co.uk.

Mae’r haf yn dechrau yn y Rhyl y penwythnos hwn wrth i DLL roi dros 500 o docynnau AM DDIM i agoriad y Pad Sblashio yn SC2.

Mae’r cyfrif i lawr wedi dechrau ar gyfer agoriad y Pad Sblashio yn SC2 y Rhyl, ac mae DLL (Hamdden Sir Ddinbych Cyf) yn rhoi dros 500 o docynnau am ddim i roi cyfle i bobl leol brofi’r Pad Sblashio cyn yr Haf.

Fel rhan o gynigion ‘Teyrngarwch Lleol’ DLL, mae’r Pad Sblashio SC2 yn rhad ac am ddim y dydd Sadwrn hwn ar gyfer diwrnod cyntaf yr agoriad gan fod y tywydd i fod dros 20 gradd. Mae tocynnau’n mynd yn fyw ar SC2rhyl.co.uk am 9am y dydd Sadwrn hwn, 23ain Mai. Gyda’r galw yn debygol o fod yn uchel, dylai cwsmeriaid archebu ar-lein gan y bydd y tocynnau’n mynd ar sail ‘y cyntaf i’r felin’.

Bydd y Pad Sblashio ar agor ar benwythnosau a gwyliau tan ddiwedd yr haf, yn dibynnol ar y tywydd, a bydd DLL yn cynnig sesiynau AM DDIM pellach bob dydd, ar ôl 4pm, hefyd wedi’u hanelu at bobl leol sy’n gweithio yn ystod y dydd. Bydd tocynnau ar gyfer y sesiynau am ddim yn cael eu rhyddhau am 9am bob dydd.

Dywedodd Jamie Groves, Rheolwr Gyfarwyddwr DLL: “Mae pawb yn DLL yn gyffrous iawn i ailagor ein Pad Sblashio y penwythnos hwn! Rydym wedi bod yn monitro rhagolygon y tywydd tymor hir, ac wedi gweithio’n galed dros sawl wythnos i sicrhau bod planhigion, peiriannau, nodweddion dŵr ac ansawdd dŵr y Pad Sblashio yn barod ar gyfer y tywydd cynnes a ragwelir ar gyfer yr wythnos i ddod. Rydym yn dod â’r sesiynau poblogaidd am ddim ar ôl 4pm yn ôl sydd wedi’u hanelu at bobl leol sy’n gweithio yn ystod y dydd, er mwyn sicrhau nad ydyn nhw’n colli allan ar y Pad Sblashio hefyd! Mae’r rhagolygon yn addo haul i ni’r penwythnos hwn ac roedden ni eisiau gwneud rhywbeth i drigolion lleol cyn tymor prysur yr haf, felly rydym yn cynnig dros 500 o docynnau am ddim y dydd Sadwrn hwn i gychwyn gŵyl y banc. Mae wastad yn wych gweld cymaint o bobl yn mwynhau’r parc dŵr ac nawr allwn ni ddim aros i weld trigolion ac ymwelwyr yn mwynhau’r Pad Sblashio hefyd, yn cael hwyl ac yn creu atgofion gyda ffrindiau a theulu.”

Ewch i www.sc2rhyl.co.uk i archebu – Mae tocynnau’r Pad Sblashio yn mynd ar-lein am 9am ddydd Sadwrn, 23ain Mai, ar gyfer y sesiynau am ddim y diwrnod hwnnw, yn ogystal â thocynnau ar gyfer archebion rheolaidd drwy gydol y gwyliau. Mae angen archebu’r sesiynau dyddiol rhad ac am ddim ar y diwrnod, er mwyn sicrhau nad yw lleoedd yn cael eu gwastraffu a bod cymaint o bobl â phosibl yn gallu mwynhau’r Pad Sblashio.

Gweithdai Celf Cyffrous a Goleuo Adeiladau i Gefnogi Wythnos Gweithredu ar Ddementia

Mae atyniadau ledled Sir Ddinbych yn goleuo mewn glas, ac mae cyfres o weithdai celf cyffrous yn cael eu cyflwyno gan DLL (Hamdden Sir Ddinbych Cyf), mewn partneriaeth â Chynghrair Cyfeillion Ysbyty Dinbych, i gefnogi Wythnos Gweithredu ar Ddementia.

Mae Wythnos Gweithredu ar Ddementia, sy’n rhedeg o’r 18fed i’r 24ain o Fai, yn canolbwyntio ar godi ymwybyddiaeth, hyrwyddo diagnosis cynnar a chefnogi pobl yr effeithir arnynt gan ddementia ledled y DU.

Mae Tîm Celfyddydau Cymunedol DLL, mewn partneriaeth â Chynghrair Cyfeillion Ysbyty Dinbych, wedi cynnal cyfres o 11 gweithdy celf creadigol ar Ward Famau Ysbyty Dinbych, ynghyd â phum sesiwn dan arweiniad cerddorion, diolch i grant Llesiant Gaeaf DVSC. Anfonodd ysgolion lleol, gan gynnwys Ysgol Uwchradd Dinbych, Ysgol Plas Brondyffryn, Ysgol Twm O’r Nant, Ysgol Frongoch ac Ysgol y Parc, grwpiau bach o ddisgyblion i’r gweithdai, lle buont yn gweithio ochr yn ochr â staff a chleifion, dan arweiniad hwyluswyr yr artistiaid.

Roedd y sesiynau celf a chrefft yn llwyddiant mawr, a gwnaeth y staff sylwadau ar sut roedd y rhyngweithio rhwng y cleifion, y mae llawer ohonynt yn byw gyda dementia, a’r disgyblion ifanc yn fuddiol i’r ddau. Nododd yr artist Jude Wood fod “sgyrsiau a mewnwelediadau na allech chi gynllunio ar eu cyfer yn codi, pobl hŷn yn gweld eu hunain yn rhai o’r disgyblion ifanc, straeon bywyd yn cael eu rhannu, chwilfrydedd yn ei gilydd yn cynyddu ac mae stereoteipiau a rhagdybiaethau am bob un yn diflannu”.

Yn ogystal â gwaith Celfyddydau Cymunedol DLL, mae tîm Chwaraeon Cymunedol DLL hefyd wedi hwyluso sesiynau Boccia yn y Cherished Memories, Grŵp Cymorth Cyfoedion Dementia yn y Rhyl.

I gefnogi Wythnos Gweithredu Dementia ymhellach, bydd Tŵr Awyr y Rhyl, Theatr Pafiliwn y Rhyl, Bwyty a Bar 1891, rhaeadr yr Arena Digwyddiadau, Canolfan Grefftau Rhuthun, a llochesi arfordirol Sir Ddinbych i gyd yn goleuo mewn glas.

Dywedodd Jamie Groves, Rheolwr Gyfarwyddwr DLL “Dros y blynyddoedd diwethaf, mae ein tîm Cymunedau Bywiog wedi gwneud gwaith anhygoel gyda’r rhai sy’n byw gyda dementia a’u gofalwyr. Mae’r sesiynau yn Ysbyty Dinbych yn enghraifft bellach o’u hymrwymiad i ymgysylltu â’n cymunedau lleol, ac i wneud gwahaniaeth i fywydau pobl. Nid oes gan lawer o bobl sy’n byw gyda dementia ddiagnosis ac maent yn colli allan ar y cymorth sydd ar gael iddynt. Drwy dynnu sylw at Wythnos Gweithredu ar Ddementia, mae DLL yn falch o fod yn gweithio gyda’r rhai sy’n byw gyda dementia yn ein hardal leol. Byddwn hefyd yn goleuo adeiladau mewn glas ar draws y sir i gefnogi’r achos pwysig hwn ymhellach”.

Ar ddydd Iau 28ain Mai, mae DLL yn cynnal cwrs Ffrindiau Dementia Cymunedol am 2pm yn Hamdden Dinbych. Mae’r sesiwn 45 munud am ddim hon ar agor i unrhyw un yn y gymuned leol a bydd yn caniatáu ichi ddysgu mwy am ddementia, sut y gall effeithio ar rywun a’r ffyrdd bach y gallwch chi helpu. I archebu lle, anfonwch e-bost at Becky yn DVSC Becky@dvsc.co.uk

‹ Prev 123 4 5 Next ›Last »