News – Denbighshire Leisure Ltd

Cyhoeddi Cast Serennog ar gyfer Pantomeim Nadolig Pafiliwn y Rhyl, Sleeping Beauty

Mae Hamdden Sir Ddinbych Cyf yn hapus iawn i ddatgelu’r rhestr ddisglair ar gyfer pantomeim Nadolig hudolus eleni, Sleeping Beauty, yn Theatr Pafiliwn y Rhyl o’r 6ed – 31ain o Ragfyr.

Yn glanio ar y llwyfan ym mis Rhagfyr eleni bydd cast disglair o ffefrynnau’r teulu gan gynnwys y ffefryn teuluol Sherrie Hewson (Benidorm, Loose Women, Hollyoaks, Coronation Street), George Sampson (Britain’s Got Talent, Waterloo Road), Amanda Henderson (Casualty), Jon Courtenay (Britain’s Got Talent), Elektra Fence (Ru Paul’s Drag Race), Kiera-Nicole (Milkshake!), ynghyd â’r dyn digri Dan Whitley!

Ymunodd Amanda Henderson, sy’n dychwelyd ar ôl perfformiad arobryn fel Fairy Feebee yn Jack & The Beanstalk dwy flynedd yn ôl, â’r cast wrth iddynt ddod at ei gilydd am y tro cyntaf yr wythnos hon yn Theatr Pafiliwn y Rhyl. Cafodd y cast serennog gyfle i gwrdd, gwisgo eu gwisgoedd disglair, a dod i adnabod ei gilydd cyn ymarferion ddechrau ym mis Tachwedd.

Dywedodd sylfaenydd ABP Productions, Anton Benson “Rydym wrth ein bodd yn gweithio gyda DLL yn Theatr Pafiliwn y Rhyl eto eleni i ddod â hud y Nadolig i’r llwyfan. Mae gennym gast gwych serennog ac roedd y cyffro’n amlwg i’w weld ar ddiwrnod y sesiwn tynnu lluniau ddydd Iau. Rydym yn gwybod y bydd hwn yn banto gwirioneddol ysblennydd ac adloniadol i deuluoedd ei fwynhau.”

Dywedodd Jamie Groves, Rheolwr Gyfarwyddwr Hamdden Sir Ddinbych Cyf, “Mae Hamdden Sir Ddinbych yn falch o bartneru ag Anton Benson Productions unwaith eto ar gyfer panto Nadolig eleni. Mae pantomeim adeg y Nadolig yn draddodiad gwerthfawr, ac rydym yn gyffrous i groesawu’r tymor Nadoligaidd a gweld teuluoedd yn chwerthin, ac yn mwynhau hud Sleeping Beauty.”

Bydd Sleeping Beauty yn rhedeg o 6 Rhagfyr i 31 Rhagfyr, gydag amrywiaeth o berfformiadau ysgol, matinee, a gyda’r nos. Mae prisiau gostyngol ar gael ar gyfer perfformiadau ysgol.

I archebu eich tocynnau, ewch i rhylpavilion.co.uk neu ffoniwch ein tîm swyddfa docynnau cyfeillgar ar 01745 330000.

Peidiwch â cholli profiad Nadolig hudolus eleni – mae chwerthin, cerddoriaeth a hwyl Nadoligaidd yn aros amdanoch!

Hamdden Sir Ddinbych Cyf yn Cyhoeddi Enwebeion ar y Rhestr Fer ar gyfer Gwobrau Cymunedau Bywiog DLL 2024

Mae Hamdden Sir Ddinbych Cyf (DLL) yn falch iawn o gyhoeddi’r enwebeion ar y rhestr fer ar gyfer Gwobrau Cymunedau Bywiog DLL 2024, dathliad mawreddog o gyflawniadau rhagorol o fewn y gymuned drwy chwaraeon, gweithgareddau, celfyddydau, a diwylliant dros y flwyddyn ddiwethaf.

Jason Mohammad, seren radio a theledu Cymru a chyflwynydd Final Score BBC One, fydd yn cynnal y noson hwn sy’n argoeli i fod yn un fythgofiadwy.

Cynhelir y seremoni wobrwyo, a noddir gan Lockstock Storage, ar nos Fercher, 13^eg Tachwedd yn Theatr Pafiliwn y Rhyl, a bydd yn cydnabod ac yn anrhydeddu unigolion, ysgolion, clybiau a phrosiectau sydd wedi gwneud gwahaniaeth sylweddol yn eu cymuned. O hyfforddiant arbennig i brosiectau celfyddydol ysbrydoledig, mae’r gwobrau hyn yn amlygu’r rhai sydd wedi cyfrannu at greu cymuned iachach, fwy egnïol ac sydd wedi’i chyfoethogi’r gymuned yn ddiwylliannol.

Mae unigolion, clybiau, elusennau, grwpiau ac ysgolion o bob rhan o Sir Ddinbych wedi cyrraedd y rhestr fer, ac i gyd yn dod at ei gilydd i ddathlu’r gwaith anhygoel sy’n digwydd ar draws y sir.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf (DLL): “Rydym yn hynod falch o’r unigolion a’r sefydliadau dawnus ac ymroddedig ar draws Sir Ddinbych sy’n gweithio’n ddiflino i wneud gwahaniaeth yn eu cymunedau. Mae Gwobrau Cymunedau Bywiog DLL yn taflu goleuni ar y rhai sy’n ein hysbrydoli ni i gyd, boed hynny drwy chwaraeon, creadigrwydd, neu wasanaeth cymunedol. Rydym yn edrych ymlaen at ddathlu’r llwyddiannau hyn gyda’r enwebeion ar y rhestr fer ar noson arbennig iawn.”

I gael y rhestr fer a mwy o wybodaeth am Wobrau Cymunedau Bywiog DLL 2024, ewch i https://denbighshireleisure.co.uk/cy/gwobrau-cb-2024/

Cadarnhawyd Pennaeth Cysylltiadau Cyhoeddus CBDC, Ian Gwyn Hughes, fel Cyflwynydd Seremoni Gwobrwyo Cymunedau Bywiog HSDdCyf

Mae Ian Gwyn Hughes, Pennaeth Cysylltiadau Cyhoeddus Cymdeithas Bêl-droed Cymru, wedi’i gadarnhau fel y Cyflwynydd ar gyfer Gwobrau Cymunedau Bywiog mawreddog HSDd yn yr hydref.

Cynhelir y seremoni wobrwyo, sy’n dathlu unigolion, clybiau, timau, ysgolion a gweithleoedd ysbrydoledig o fewn y gymuned gerddoriaeth, celfyddydau a chwaraeon yn Sir Ddinbych, ar nos Fercher, 22 Tachwedd yn Theatr Pafiliwn y Rhyl.

Cafodd Ian Gwyn Hughes ei eni ym Mae Colwyn ac aeth i Ysgol Bod Alaw, yna Ysgol Uwchradd Colwyn ac Ysgol Glan Clwyd, cyn mynd ymlaen i Brifysgol Aberystwyth i astudio Hanes a Gwleidyddiaeth Ryngwladol. Doth o hyd i’w lwybr gyrfa yn fuan, wrth ddechrau darlledu i Gwmni Darlledu Caerdydd, cyn treulio 20 mlynedd yn gweithio i’r BBC, fel cyflwynydd chwaraeon adnabyddus a sylwebydd pêl-droed poblogaidd i BBC Cymru a Match of the Day. Ymunodd â CBDC yn 2011 i reoli’r cyfryngau a chysylltiadau cyhoeddus ar gyfer tîm cenedlaethol dynion Cymru, a fuodd yn cefnogi’r tîm trwy ddwy bencampwriaeth Euro a Chwpan y Byd.

Mae categorïau’r Gwobrau’n cynnwys – Gwirfoddolwr y Flwyddyn, Ysgol Gynradd y Flwyddyn, Ysgol Uwchradd y Flwyddyn, Hyfforddwr Chwaraeon y Flwyddyn, Clwb Chwaraeon y Flwyddyn, Prosiect Celfyddydau mewn Iechyd, Prosiect Creadigol Cymunedol, Gweithle Gweithgar y Flwyddyn, Ysbrydoliaeth Ifanc, Gwobr Rhagoriaeth – Person ifanc, Gwobr Rhagoriaeth – Oedolyn, a Gwobr Cyrhaeddiad Oes. Mae’r enwebiadau’n cau ar 31 Gorffennaf, felly mae HSDdCyf yn annog pobl i enwebu cyn gynted â phosibl.

Meddai Ian Gwyn Hughes, “Rwy’n edrych ymlaen at gael cynnal y digwyddiad. Er fy mod wedi byw yng Nghaerdydd ers 1982 rwy’n dal i feddwl am Ogledd Cymru fel adref. Yno ces i fy magu, a dyna wnaeth siapio fy niddordeb mewn chwaraeon.

Roedd pêl-droed yn rhan enfawr o fy mywyd wrth dyfu i fyny yn yr ardal. Mae gen i deulu wedi eu gwasgaru o amgylch Gogledd Cymru i gyd. Bydd bod yn y Rhyl yn dod ag atgofion melys yn ôl o’r oriau a dreuliais yn fy mhlentyndod yn y Rhyl.

Rwy’n edrych ymlaen yn fawr at ddathlu llwyddiannau aelodau’r gymuned leol.”

Dywedodd Jamie Groves, Rheolwr Gyfarwyddwr Hamdden Sir Ddinbych Cyf (HSDdCyf): “Mae llwyddiant ac enw da Ian fel un o leisiau enwocaf pêl-droed, yn adlewyrchiad o’i waith caled a’i ymroddiad i chwaraeon a diwylliant Cymreig dros y blynyddoedd. Rydym yn hynod o gyffrous bod ffigwr mor ysbrydoledig a dylanwadol o bêl-droed Cymru yn cynnal Gwobrau Cymunedau Bywiog eleni.”

I enwebu, neu am fwy o wybodaeth, ewch i: https://denbighshireleisure.co.uk/cy/ac-awards-23-2/

Cannoedd yn mynychu sesiynau hwyl am ddim i’r teulu a gynhelir gan HSDd

Bu cannoedd o blant a theuluoedd yn y sesiynau teulu hwyl ac am ddim fel rhan o sesiynau hwyl Pasg HSDd, a chawsant wyliau i’w gofio.

Roedd dros 800 o bobl yn y saith sesiwn am ddim a gynhaliwyd dros bythefnos ar draws y sir.

Dywedodd Jamie Groves, Rheolwr Gyfarwyddwr HSDd: “Rydym wrth ein bodd gyda’r ymateb i’r digwyddiadau rydym wedi’u cynnal ar gyfer teuluoedd ledled y sir. Mae ein tîm Cymunedau Bywiog yn gweithio’n ddi-ffael i sicrhau bod pobl yn cael gwyliau Pasg pleserus ac rydym yn falch o gynnig y digwyddiadau hyn yn rhad ac am ddim. Mae HSDd wedi ymrwymo i ddarparu hwyl am ddim i’r teulu yn ystod cyfnod economaidd heriol ac ni allwn aros i weld pawb yn ein sesiynau nesaf yn y misoedd nesaf.”

Cafodd y sesiynau, a gynhaliwyd gan dîm Cymunedau Bywiog HSDd, groeso mawr gan y cymunedau lleol, gyda sesiynau’n cael eu cynnal yn y Rhyl, Llanelwy, Llangollen, Rhuthun a Chorwen, drwy gydol gwyliau’r Pasg.

Roedd gweithgareddau i blant yn cynnwys chwarae meddal, chwaraeon, cestyll neidio, cerddoriaeth, celf a chrefft, gweithgareddau synhwyraidd, gemau parasiwt, criced, tennis a gemau gardd.

Bydd manylion digwyddiadau’r dyfodol ar gael yn fuan, gan gynnwys sut i archebu lle. I gael rhagor o wybodaeth am y gwaith y mae tîm Cymunedau Bywiog HSDd yn ei wneud, ewch i www.denbighshireleisure.co.uk/activecommunities.

Hamdden Sir Ddinbych yn dathlu staff yn cymryd rhan mewn gêm bêl-droed i ferched sy’n torri record yn Wrecsam

Mae Hamdden Sir Ddinbych yn dathlu ar ôl i un o’u tîm fod yn rhan o gêm bêl-droed i ferched wnaeth dorri record yn CPD Wrecsam a gefnogir gan Ryan Reynolds.

Roedd Del Morgan, sy’n gweithio i’r tîm Cymunedau Bywiog Hamdden Sir Ddinbych yn chwarae yn y gôl fel rhan o ddiwrnod torri record ar Gae Ras Wrecsam, wrth i 9,511 o gefnogwyr wylio’r gêm derfynol tymor Genero Adran North 2022/23 rhwng CPD Merched Wrecsam a Nomads Cei Connah.

Yn chwarae yn y gôl i Wrecsam, llwyddodd tîm Del i ennill a dod yn Bencampwyr. I goroni’r cyfan, llongyfarchodd Ryan Reynolds Ferched CPD Wrecsam ar chwarae ‘yn anhygoel’ i ennill y teitl. Roedd y seren Hollywood 46 oed, sydd yn gyd-berchen ochr Cymru CPD Wrecsam gyda chyd actor Rob McElhenney ers 2021, yn ddathlu’r clwb i ferched yn mynd â theitl Genero Adran North adref dros y penwythnos.

Dywedodd Del Morgan, Cydlynydd Prosiect Chwaraeon Cymunedol tîm Cymunedau Bywiog Hamdden Sir Ddinbych: “Roedd y gêm yn hysbyseb wych ar gyfer pêl-droed i ferched, o ran ansawdd y gêm a phresenoldeb anhygoel o 9511. Bydd y profiad yn un o brofiadau pêl-droed gorau fy mywyd ac ni fyddaf byth yn ei anghofio. Rwy’n falch o chwarae i CPD Wrecsam ac yn gyffrous am yr hyn sydd i ddod yn y dyfodol.”

Meddai Rheolwr Gyfarwyddwr HSDd, Jamie Groves: “Rydym yn hynod falch o berfformiad Del a’r tîm cyfan yn Wrecsam. Mae Del yn aelod gwych o’r tîm sy’n ysbrydoli menywod a merched ar draws y wlad i ymuno â phêl-droed. Rydym mor falch o’i chyfraniad at CPD Wrecsam ac yn dymuno’r gorau iddi yn y gemau nesaf!”

Roedd y clwb merched wedi ennill yr 11eg gêm yn y gynghrair ar ddechrau mis Mawrth, gan sicrhau’r fuddugoliaeth a chododd y Dreigiau Coch y tlws pan ddaeth tymor y gynghrair i ben ddydd Sul. Roedd y pencampwyr wedi ennill Nomads Cei Connah 2-1 yn y Cae Ras.

Roedd Del wedi dod drwy academi bêl-droed Lerpwl. Roedd ei pherfformiadau cyson i Gymru ar lefel o dan 19 hyd yn oed wedi arwain at symud i dîm Cynghrair Merched Everton yn 2015. Roedd wedi arwyddo i chwarae i Wrecsam am yr ail dro yn 2021. Mae hefyd yn hyfforddwr hynod gymwys ac uchel ei pharch, mae ganddi Drwydded Gôl-geidwad A UEFA ac mae’n hyfforddwr gôl-geidwaid Merched Dan 19 Cymru.

Mae’r tîm Cymunedau Bywiog HSDd yn cynnal nifer o fentrau chwaraeon i’r cyhoedd gymryd rhan, am fwy o wybodaeth ewch i https://www.denbighshireleisure.co.uk/activecommunities

Panto Nadolig i’r Teulu ym Mhafiliwn y Rhyl wedi’i gyhoeddi gyda thocynnau nawr ar werth

Mae HSDd yn hapus iawn i gyhoeddi mai ‘Jack and the Beanstalk’ fydd y Pantomeim eleni a fydd yn dod i’r Rhyl ar gyfer Nadolig 2023.

Yn dilyn pantomeim hynod boblogaidd y llynedd, mae Anton Benson Productions yn dychwelyd i Bafiliwn y Rhyl gyda sgript a enwebwyd am wobr a chast serennog, a fydd yn cael eu cyhoeddi yn fuan.

Mae stori dylwyth teg Jac a’r Goeden Ffa yn dangos Jac, bachgen cefn gwlad dlawd, sy’n gwerthu buwch y teulu am lond llaw o ffa hudol, sy’n tyfu’n goeden ffa enfawr sydd yn ymestyn i’r cymylau. Mae Jac yn dringo’r goeden ffa ac yn ffeindio’i hun yng nghastell cawr anghyfeillgar.

Dywedodd Jamie Groves, Rheolwr Gyfarwyddwr HSDd: “Rydym yn falch iawn o fod yn gweithio ar y cyd â chynyrchiadau Anton Benson eto ar gyfer panto Nadolig eleni. Mae Panto yn rhan enfawr o brofiad y theatr ac rydym yn wirioneddol falch o’r cynyrchiadau anhygoel sydd gennym yma ym Mhafiliwn y Rhyl. Mae ein tîm technegol a’r holl staff ym Mhafiliwn y Rhyl yn gweithio’n galed iawn i wneud i’n hawditoriwm deimlo fel lle hudolus i deuluoedd yn ystod y Nadolig ac mae’n draddodiad Nadoligaidd perffaith.”

Dywedodd Anton Benson o Anton Benson Productions: “Ni allwn aros i ddychwelyd i Bafiliwn y Rhyl eto eleni, gyda phantomeim newydd gwych sy’n sicr o gael y teulu cyfan i chwerthin o’r dechrau i’r diwedd. Ymunwch â ni am reid llawn hwyl a sbri drwy wlad y panto llawn hwyl!”

Mae tocynnau nawr ar werth ar wefan Pafiliwn Y Rhyl: https://mpv.tickets.com/schedule/?agency=PAVV_MPV&orgid=55080#/?event=jack&view=list&includePackages=false

Mentrau ynni yn mynd i’r afael ag allyriadau carbon safleoedd hamdden

Mae allyriadau wedi gostwng mewn dau o safleoedd Hamdden Sir Ddinbych Cyf (HSDd) ar ôl i waith gwres carbon isel ac ynni adnewyddadwy gael ei gwblhau.

Mae Tîm Ynni Adain Eiddo Cyngor Sir Ddinbych yn parhau i fynd ati i leihau ôl-droed carbon adeiladau’r Cyngor. Digwyddodd hyn ar ôl i’r Cyngor ddatgan Argyfwng Newid Hinsawdd a Newid Ecolegol ym mis Gorffennaf 2019 ac mae wedi ymrwymo i fod yn Gyngor Di-garbon Net ac Ecolegol Gadarnhaol erbyn 2023.

Roedd yr ymrwymiad yma’n cynnwys lleihau allyriadau yr ystâd gyfan.

Gwnaed gwaith mewn partneriaeth gyda Hamdden Sir Ddinbych Cyf yng Nghanolfan Hamdden Huw Jones a Chanolfan Fowlio Gogledd Cymru sy’n cael eu rhedeg gan Hamdden Sir Ddinbych Cyf, ac maent yn enghreifftiau diweddar o ymgyrch barhaus y Cyngor i leihau allyriadau carbon.

Gosodwyd system adfer gwres blaengar ynghyd â systemau pwll a gwres canolog a gafodd eu huwchraddio.

Roedd y gwaith a wnaed, oedd yn cynnwys gosod paneli solar PV a goleuadau LED y tu mewn a thu allan, yn golygu bod yr allyriadau carbon wedi gostwng bron 35%.

Mae gosod paneli Solar PV yng Nghanolfan Ryngwladol Fowlio Gogledd Cymru a Café 21 wedi helpu’r ganolfan i leihau allyriadau carbon dros 5 tunnell.

Dywedodd y Cynghorydd Barry Mellor, Aelod Arweiniol yr Amgylchedd a Chludiant: “Mae’r Cyngor yn parhau i weithio i leihau ein ôl-troed carbon ym mhob un o’n hadeiladau ac rydym ni’n ddiolchgar am waith Tîm Ynni yr Adain Eiddo.

“Mae’r gwaith yn y ddau safle sy’n cael eu rhedeg gan HSDd i leihau’r allyriadau hefyd yn helpu i greu amgylchedd mwy cyfforddus i staff a’r rhai sy’n ymweld ac yn defnyddio’r cyfleusterau. Rydym ni’n arbennig o falch o’n partneriaeth a’r cydweithio gyda HSDd i gyflwyno’r agenda pwysig yma.”

Meddai Rheolwr Gyfarwyddwr HSDd, Jamie Groves: “Mae gennym ni ymrwymiad yn HSDd i helpu’r Cyngor i leihau’r ôl-troed carbon, ac rydym ni’n ddiolchgar iawn am y buddsoddiad i’r cyfleusterau. Mae ein Bwrdd neu Gyfarwyddwyr yn cydnabod y gallwn wneud gwahaniaeth gwirioneddol drwy ddarparu ar y flaenoriaeth bwysig hon i’r Cyngor yn sgil natur ein busnes.”

Sir Ddinbych yn Goleuo i Ofalwyr

Mae Hamdden Sir Ddinbych yn goleuo adeiladau’r wythnos hon mewn gwyrdd a phorffor i gefnogi Diwrnod Hawliau Gofalwyr.

Bob blwyddyn mae Diwrnod Hawliau Gofalwyr yn canolbwyntio ar godi ymwybyddiaeth am anghenion gofalwyr, i’w helpu i fod yn ymwybodol o’u hawliau, ac i roi gwybod iddynt sut a ble y gallant gael cymorth a chefnogaeth. Mae sefydliadau ar draws y DU yn dod at ei gilydd ar Ddiwrnod Hawliau Gofalwyr i helpu gofalwyr yn eu cymuned p’un a ydynt yn newydd i ofalu, neu wedi bod yn gofalu am flynyddoedd, a waeth beth fo’u lleoliad.

Bydd Tŵr Awyr y Rhyl, Theatr Pafiliwn y Rhyl, Bwyty a Bar 1891 a rhaeadr yr Arena Digwyddiadau i gyd yn cael eu goleuo’n wyrdd a phorffor ddydd Iau, 25 Tachwedd i gefnogi gofalwyr ledled y wlad.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf “Bob dydd mae llawer o bobl yn dod yn ofalwyr, ac yn aml heb rhagweld. Gall gofalu am rywun arall ddod â llawer o heriau, a gall gwybod ble i gael y cymorth cywir fod yn hollbwysig. Yn Hamdden Sir Ddinbych Cyf rydym yn falch iawn o oleuo hadeiladau eleni i helpu i godi ymwybyddiaeth o’r ymgyrch Hawliau Gofalwyr. ”