Teuluoedd yn edrych ymlaen at haf o hwyl wrth i DLL dorri prisiau i blant

Mae haf o hwyl o’n blaenau i deuluoedd eleni, wrth i DLL dorri prisiau i blant a theuluoedd ar draws ei atyniadau, bwytai a’i Theatr, fel rhan o gynllun Arbedion Haf Prydeinig y Llywodraeth.

 

Mae’r Cynllun Arbedion wedi cyflwyno gostyngiad dros dro o 20% i 5% TAW ar ystod o weithgareddau i blant, gan gynnwys tocynnau ar gyfer atyniadau, y theatr, a phrydau plant. Mae hyn yn golygu bod DLL wedi gallu gostwng ei brisiau ar docynnau mynediad a phrydau plant ar draws ei bortffolio, gan wneud diwrnodau allan yn yr haf yn fwy fforddiadwy i fwy o deuluoedd!

 

Yr haf hwn gall teuluoedd arbed arian ar deithiau i atyniad blaenllaw DLL, SC2, gyda’i Barc Dŵr anhygoel, ac arena Ninja Tag. Mae yna hefyd arbedion ar Chwarae Antur yn SC2 a Nova, Prestatyn, ac ar brydau plant yn SC2, y Cwt Traeth, Shack, Caffi R a Chaffi 21 yng Nghanolfan Bowlio Gogledd Cymru.

 

Gall teuluoedd hefyd fwynhau ymweliad â Theatr y Pafiliwn, Y Rhyl, yr haf hwn, gyda thocynnau pris gostyngedig i blant ar gyfer y sioe wych ‘Rewind – 10 Mlynedd o Forza Performing Arts’ ar 4ydd Gorffennaf a ffefryn teledu pawb ‘Fireman Sam the Lost Pirate Treasure’ ar 5ed o Orffennaf.

 

Dywedodd Jamie Groves, Rheolwr Gyfarwyddwr DLL “Mae menter Arbedion Haf Prydain wedi’i chyflwyno i helpu i leihau costau diwrnodau allan i’r teulu ac i ganiatáu i fwy o deuluoedd fwynhau creu atgofion yr haf hwn heb boeni am y gost. Gall diwrnodau allan fod yn ddrud weithiau, yn enwedig yn ystod gwyliau’r ysgol – felly yn DLL rydym yn edrych ymlaen at weld hyd yn oed mwy o deuluoedd yn manteisio ar y cynllun gwych hwn, trwy ymweld â’n hatyniadau drwy gydol cyfnod yr haf. Mae gostyngiadau’n rhedeg o 25 Mehefin i 1 Medi, felly dechreuwch bwcio eich diwrnodau allan gyda DLL nawr!