Aelodau hamdden ar draws y cwmni fydd y rhai cyntaf i ddefnyddio’r ap ffitrwydd newydd rhagorol sy’n cael ei lansio gan Hamdden Sir Ddinbych Cyf.

Bydd cwsmeriaid yn gallu sganio cod QR ar y safle a chael mynediad cyflym i’r ystafell ffitrwydd neu ddosbarthiadau ymarfer corff.

Bydd yr ap newydd, a fydd yn gweithio fel cerdyn aelodaeth ddigidol, yn rhedeg ochr yn ochr â system rheoli newydd a fydd yn mynd yn fyw ddiwedd mis Mawrth.

Bydd y dechnoleg newydd yn moderneiddio taith y cwsmer, yn adeiladu profiad mwy integredig i aelodau a hefyd yn gwneud y broses ymuno ar-lein yn ddi-bapur.

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Rydym yn edrych ymlaen at ddod â’r dechnoleg hon i’n safleoedd hamdden a ffitrwydd. Am y tro cyntaf gall cwsmeriaid archebu aelodaeth ar-lein a newid eu manylion yn rhwydd ar yr ap.

“Mae Hamdden Sir Ddinbych Cyf yn falch o fod ar y blaen o ran technoleg arloesol yn y rhanbarth, gan roi profiad digidol heb ei ail i’n cwsmeriaid.”

Bydd cwsmeriaid ac aelodau Hamdden Sir Ddinbych yn cael eu cysylltu yn y cyfamser ynglŷn â chyflwyno’r systemau newydd.

I gael rhagor o wybodaeth, ewch i: https://www.denbighshireleisure.co.uk/digitalinnovation

Ers sawl blwyddyn, mae Theatr y Pafiliwn, y Rhyl, wedi bod yn ffodus iawn o fwynhau cefnogaeth ac ymrwymiad Cyfeillion Theatr y Pafiliwn, cymdeithas wirfoddol, sy’n cynnwys pobl o bob math o gefndiroedd, sydd wedi dod at ei gilydd trwy angerdd dros theatr a’r celfyddydau. 

Trwy eu gweithgareddau codi arian, sydd wedi cynnwys nifer o ddigwyddiadau cymdeithasol fel boreau coffi a chwisys, mae’r Cyfeillion wedi gallu cefnogi Theatr y Pafiliwn gyda sawl agwedd ar eu gweithrediadau – hyrwyddo, rheoli llwyfan, materion technegol ac arlwyo, gan enwi dim ond rhai ohonynt. 

Dros y blynyddoedd, mae’r Cyfeillion wedi noddi amrywiaeth o bethau ymarferol, fel hysbysfyrddau a chadeiriau olwyn, ac wedi ariannu eitemau mwy fel goleuadau deallus a llenni llwyfan.  Mae’r theatr hefyd wedi elwa o’u cyfraniad at brosiectau ailaddurno yn yr awditoriwm a’r ystafelloedd gwisgo.  Nid dim ond cefnogaeth ariannol maen nhw wedi’i darparu fodd  bynnag, ac ar nifer o achlysuron, mae aelodau’r grŵp wedi gwirfoddoli i ddarparu cymorth ymarferol mewn meysydd fel gwerthu rhaglenni neu roi taflenni mewn amlenni ac ati.  Ers iddynt ddechrau, mae’r Cyfeillion wedi gwneud popeth a allant i hyrwyddo Theatr y Pafiliwn.

Yn ddiweddar, cyhoeddodd y grŵp Cyfeillion eu penderfyniad i ddod â’r Gymdeithas i ben ym mis Rhagfyr 2021.  Er bod hyn yn newyddion trist iawn mewn sawl ffordd, hoffai tîm Theatr y Pafiliwn fynegi eu diolch am flynyddoedd lawer o deyrngarwch gwych a ddangoswyd gan y Cyfeillion.  Mae’r tîm hefyd yn falch bod nifer o’r gwirfoddolwyr sydd wedi bod yn rhan o’r grŵp Cyfeillion wedi penderfynu parhau yn eu rolau gyda’r Theatr, a byddant yn parhau i ddarparu’r gefnogaeth hollbwysig.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf, “Hoffai Hamdden Sir Ddinbych Cyfyngedig, ac yn benodol ein tîm yn Theatr y Pafiliwn, y Rhyl, ddiolch i holl aelodau’r grŵp Cyfeillion, rhai’r gorffennol a rhai presennol, am yr ymrwymiad gwych a’r gwaith caled maen nhw wedi’i ddangos dros y blynyddoedd.  Nid oes amheuaeth bod y grŵp wedi chwarae rhan fawr wrth feithrin enw da rhagorol y Pafiliwn ym myd y Celfyddydau, a byddwn ni’n hiraethu’n fawr am eu presenoldeb y tu ôl i’r llenni.”

Dywedodd Dave Simmons, cyn Gadeirydd y grŵp Cyfeillion, “Ar ôl gwneud y penderfyniad anodd i ddod â grŵp Cyfeillion Theatr y Pafiliwn i ben, rydym yn edrych yn ôl ar ein cyflawniadau ar ran y theatr gyda balchder mawr.  Fel ased pwysig iawn i’r Rhyl a’r gymuned Celfyddydau ehangach, rydym wrth ein bodd bod ein gwaith gyda Theatr y Pafiliwn wedi helpu i ddod â mwynhad i gynifer o bobl, a helpu i gynnal y safonau uchel mae wedi dod yn adnabyddus amdanynt.”

Mae gan Theatr y Pafiliwn gymuned weithgar iawn o wirfoddolwyr, ac mae Hamdden Sir Ddinbych Cyfyngedig yn bwriadu parhau â hyn.  Mae nifer o rolau gwirfoddolwyr ar gael gennym, a gall unrhyw un sydd â diddordeb mewn cymryd rhan gysylltu â ni trwy ein tudalen i wirfoddolwyr ar y wefan denbighshireleisure.co.uk/cy/gwirfoddoli/

Ahoi! Bydd môr-ladron yn meddiannu’r ardal Chwarae Antur yn Nova dros yr wythnosau nesaf i drawsnewid ardal Chwarae Nova a’r Caffi fewn i ynys llawn trysor ac anturiaethau.

Lle Chwarae Nova yw un o’r canolfannau Chwarae Antur fwyaf yng ngogledd Cymru ac mae’n mynd o nerth i nerth.

Roedd y difrod ar y to wedi’i greu gan Storm Eunice wedi achosi i Chwarae Antur Nova gau’r wythnos diwethaf, felly tra bod y cyfleuster ar gau i’w atgyweirio, mae Hamdden Sir Ddinbych Cyf wedi cymryd y cyfle i wella’r ardal chwarae a’r caffi, ac ailagor gyda gwedd newydd gyffrous.

Wedi llwyddiant y Lle Chwarae Antur yn SC2 a’r tyrfaoedd a fu’n heidio i Gwt y Traeth yn yr Haf, mae’r lle chwarae’n cael ei ailwampio’n llwyr gan roi stamp Hamdden Sir Ddinbych arno go iawn. Bydd y strwythur chwarae yn dyblu mewn maint ac yn cael ei drawsnewid gydag addurniadau newydd ar thema môr-ladron.

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Tra bod gwaith atgyweirio ar y to yn cael ei wneud, rydym wedi penderfynu dod â’r rhaglen yr oeddem wedi’i chynllunio i wella’r profiad chwarae yn Nova ymlaen. Rydyn ni eisiau gwneud yn siŵr bod ymwelwyr a chwsmeriaid yn dychwelyd i’r profiad cwsmer o safon y maen nhw wedi dod i’w ddisgwyl gan Hamdden Sir Ddinbych, ac o safbwynt busnes mae hyn nawr yn golygu nad oes rhaid i ni gau i wella’r ardal chwarae. Bydd cymryd y cyfle hwn yn rhoi profiad newydd i’n cwsmeriaid edrych ymlaen ato.

“Lle Chwarae Nova yw’r un mwyaf poblogaidd yn y rhanbarth ac mae cwsmeriaid yn trafeilio o bell ac agos i chwarae ar y strwythur unigryw sydd yma. Mae Cwt y Traeth, Nova wedi bod yn llwyddiant ysgubol ers iddo agor, ac wedi lansio Clwb Nova, ein profiad ffitrwydd blaenllaw gyda bar clwb unigryw, iawn o beth oedd inni fuddsoddi yn ein lle chwarae hefyd fel ei fod cystal â phob dim arall sydd gennym i’w gynnig yn Nova. Mae hyn yn cadarnhau ein henw da fel y gyrchfan hamdden orau yng ngogledd Cymru.”

Bydd y gwaith yn dechrau ar 28.2.22 a disgwylir ei gwblhau ymhen pedair wythnos.

Ychwanegodd Jamie: “P’un a ydych chi’n edrych i ymlacio gyda choctel ger Cwt y Traeth, mwynhau cinio dydd Sul bendigedig, hyfforddi fel athletwr o fri yng Nghlwb Nova neu adael i’r plant redeg yn rhydd yn y lle chwarae, mae rhywbeth at ddant pawb yn Nova.”

Mae Jack Savoretti, sydd newydd lansio’i sengl newydd anhygoel, The Way You Said Goodbye, wedi cyhoeddi y bydd yn perfformio sioe unigryw yng Ngogledd Cymru yn Arena Digwyddiadau awyr agored Y Rhyl ar Orffennaf 9fed 2022.

Bydd Savoretti yn cael ei gefnogi gan neb llai na Brenhines miwsig yr enaid, Beverley Knight, un nad yw’n ddieithr i berfformio ar lwyfan, gyda sawl albwm yn cyrraedd y 10 safle uchaf yn y siartiau gan gynnwys yr albwm platinwm Voice: The Best of Beverley Knight. Aeth albwm diweddaraf y gantores enaid ‘Soulsville’ a ryddhawyd yn 2016 yn syth i siartiau Top 10 y DU. Yn fwy diweddar, mae Knight wedi ymddangos ar newyddion BBC ac ITV gyda’i dychweliad i lwyfan y West End i chwarae rhan Faye Treadwell mewn sioe gerdd newydd, The Drifters Girl.

Perfformiodd Jack Savoretti ddiwethaf yng Ngogledd Cymru i gymeradwyaeth anferthol wrth gefnogi Paloma Faith yng Ngorffennaf 2018.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Rydyn ni wrth ein bodd ein bod yn gallu cynnal penwythnos cyfan yn llawn dop o berfformwyr a thalent adnabyddus i drigolion lleol Sir Ddinbych a thu hwnt. Gyda James yn cychwyn y gyfres o gyngherddau, o flaen Jack Savoretti a Beverley Knight, a gyda Tom Grennan yn dod â’r penwythnos i ben, mae’n benwythnos na ddylid ei golli gyda rhywbeth i bawb.

“Mae Hamdden Sir Ddinbych Cyf yn gyffrous iawn i weithio gydag Orchard Live eto’r flwyddyn nesaf yn dilyn ymlaen o’r noson wych gyda Tom Jones yn Arena Digwyddiadau Y Rhyl. Mae’r Arena Digwyddiadau yn dod yn fwy a mwy poblogaidd gyda pherfformwyr poblogaidd, gyda’i leoliad unigryw ar lan y môr a rhwyddineb mynediad, mae’n lleoliad perffaith ar gyfer gwyliau cerddoriaeth. ”

Dywedodd Pablo Janczur o Orchard Live “Rydyn ni’n gyffrous iawn am ddychwelyd i’r Rhyl am benwythnos llawn o gerddoriaeth fyw. Yn dilyn llwyddiant Syr Tom Jones eleni, mae gennym linell wych gyda Jack Savoretti a chefnogaeth Beverley Knight rhwng James ar y Dydd Gwener a Tom Grennan ar y Dydd Sul, bydd yn benwythnos perffaith lawn cerddoriaeth yr haf nesaf! ”

Gall ffans gofrestru ar gyfer tocynnau cynnar yma: https://mailchi.mp/orchardlive.com/jack-savoretti-presale. Bydd tocynnau cyffredinol yn mynd ar werth Ddydd Gwener 10fed Rhagfyr am 10am ar wefan Theatr y Pafiliwn Rhyl a Gigantic.com.

Mae’r sioe yn cwblhau penwythnos llawn dop o gyngherddau a gynhyrchwyd gan Orchard Live mewn partneriaeth â Hamdden Sir Ddinbych Cyf gyda’r band James yn cychwyn yr ŵyl gerddoriaeth ar Orffennaf 8fed, gyda chefnogaeth The Lightening Seeds & The Ks. Yn ogystal â seren bop Tom Grennan yn dod â’r penwythnos i ben ar Orffennaf 10fed. Mae tocynnau ar gyfer y ddwy sioe ar werth nawr o wefan Gigantic.com a Theatr y Pafiliwn Rhyl.

Mae Hamdden Sir Ddinbych Cyf yn gyffrous i gyhoeddi y byddant yn croesawu Siôn Corn a’i Gorachod y mis Rhagfyr hwn yn Ninja TAG Rhyl i ledaenu hwyl y Nadolig y tymor Nadoligaidd hwn.

Bydd Ninja TAG Rhyl yn cael ei drawsnewid yn rhyfeddod Nadoligaidd, gyda groto clyd lle bydd Siôn Corn yn croesawu plant am brofiad hudolus i’w gwrdd â ‘i gyfarch lle gallant ddweud wrth y dyn ei hun beth sydd ar eu rhestr o ddymuniadau y Nadolig hwn.

Bydd Siôn Corn a’i Gorachod yn Ninja TAG bob Dydd Sadwrn a Dydd Sul ym mis Rhagfyr yn ogystal â Dydd Mercher 22ain a Dydd Iau 23ain i gwrdd â chyfarch plant ag anrheg.

Bydd plant yn mynd i ysbryd yr ŵyl trwy rasio Corachod Siôn Corn mewn cystadleuaeth gyfeillgar ‘Rasiwch y Corachod’ yn ceisio curo sgôr Siôn Corn yn arena NinjaTAG.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Rydyn ni’n falch iawn o allu cynnal y fath amrywiaeth o ddigwyddiadau’r tymor Nadoligaidd hwn! Ar ôl y rhwystrau i gyd y llynedd oherwydd y pandemig, rydyn ni wedi ceisio ein gorau glas i roi cyfle i bawb fwynhau ysbryd y Nadolig trwy gynnal y digwyddiadau arbennig hyn. Rydyn ni eisiau creu atgofion, ac mae’r digwyddiadau hyn yn ffordd berffaith o ddathlu’r Nadolig gyda’r teulu cyfan. Rydym yn edrych ymlaen at groesawu preswylwyr ac ymwelwyr i SC2 yn Y Rhyl. ”

Mae lleoedd yn gyfyngedig ar gyfer y digwyddiadau hyn, ac anogir i archebu ymlaen llaw i osgoi cael eich siomi.

Mae’r digwyddiadau Nadolig ar agor i bob oedran. Am ragor o wybodaeth ac i archebu’ch lle ewch i ninjatag-rhyl.co.uk/cy/digwyddiadau/

Mae band arbennig o Fanceinion, James wedi cyhoeddi sioe awyr agored enfawr yng Ngogledd Cymru’r haf nesaf.

Yn chwarae yn Arena Digwyddiadau Y Rhyl Ddydd Gwener 8fed Gorffennaf, bydd y band yn cael cefnogaeth gan The Lightning Seeds a The K’s.

Rhyddhawyd 16eg albwm stiwdio James ’All The Colours Of You’ a derbyniwyd canmoliaeth enfawr yn gynharach eleni a chwaraeodd y band mewn nifer o wyliau ledled y DU ac Ewrop yr haf hwn.

All The Colours Of You yw eu cyntaf ar y label newydd, Virgin Music Label & Artists Services a’u cartref cyhoeddi newydd, Kobalt Music.

Bydd James yn perfformio traciau o’r record newydd a llawer mwy o’u catalog cyfoethog pan fyddant yn chwarae’r Rhyl yr haf nesaf.

Dilynir y sioe gan Tom Grennan yn perfformio yn yr Arena Digwyddiadau ar Orffennaf 10fed 2022 ac ar gefn cyngerdd rhagorol Syr Tom Jones yn gynharach eleni.

Dywedodd Pablo Janczur o’r cwmni hyrwyddo Orchard Live ‘Cawsom amser gwerth chweil pan ddaethom â Syr Tom Jones i’r Rhyl yr Haf hwn felly roeddem eisiau dod yn ôl am fwy o hwyl! Ni allwn aros am y sioe hon, ar ddiwrnod braf o haf ar lan y môr, mae Rhyl yn lle anhygoel ar gyfer cyngerdd awyr agored i fand byw rhagorol fel ‘James’.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf; “Rydyn ni wrth ein boddau ein bod ni’n dod â’r bandiau eiconig hyn i Rhyl. Mae’n wych gweld perfformwyr mor amlwg yn dod i’r Rhyl. Mae Hamdden Sir Ddinbych Cyf yn hynod o falch o fod yn gweithio gydag Orchard Live eto eleni ar ôl cyngerdd hynod lwyddiannus Tom Jones. Dyma enghraifft arall eto o Rhyl yn dod yn gyrchfan o ddewis i fuddsoddwyr a pherfformwyr. ”

Mae’r tocynnau’n mynd ar werth am 10am Ddydd Gwener, 19eg Tachwedd trwy Gigantic.com, RhylPavilion.co.uk a Swyddfa Docynnau Pafiliwn Y Rhyl ar 01745 330000.

Gall ffans gofrestru yn arbennig ar gyfer tocynnau cynnar yma: https://mailchi.mp/orchardlive/jamesrhyl2022  

Sylwch, dim ond trwy ffonio Swyddfa Docynnau Theatr Pafiliwn Y Rhyl ar 01745 330000 y gellir archebu seddi hygyrch.