Mae Hamdden Sir Ddinbych Cyf (HSDdCyf) yn dod â phrofiad ffitrwydd trochi cyntaf Future Studios i Gymru fel rhan o’i fuddsoddiad parhaus mewn cyfleusterau iechyd a ffitrwydd.

Y ‘Stiwdio 360’ newydd yng Nghlwb y Rhyl fydd yr unig ofod ffitrwydd trochi o’i fath yn y wlad pan fydd yn agor y mis hwn.

Wedi’i gyflwyno drwy Fframwaith Hamdden y DU, sy’n cael ei reoli gan HSDdCyf ac Alliance Leisure, bydd y gofod iechyd a lles arloesol yn cynnig profiadau trochi, hollgynhwysol i ennyn diddordeb ac ysbrydoli cyfranogwyr ymarfer grŵp presennol a denu cynulleidfaoedd newydd.

Mae HSDdCyf wedi gweithio gyda’r asiantaeth greadigol Flareform i ail-bwrpasu stiwdio ymarfer corff sydd eisoes yn bodoli yng Nghlwb y Rhyl yn Sir Ddinbych i gynhyrchu amgylchedd ymarfer corff un-o-fath sy’n defnyddio tafluniad 360 ar holl waliau’r ystafell i greu golygfeydd animeiddiedig di-dor sy’n trawsnewid gyda pob dosbarth.

Mae’r dechnoleg yn galluogi’r gweithredwr i greu gosodiadau unigryw wedi’u teilwra ar gyfer sesiynau ymarfer penodol ynghyd â seinweddau a delweddau sy’n adweithio i sain. Er enghraifft, gall HSDdCyf gynnal sesiynau ymwybyddiaeth meddwl mewn coedwigoedd ac ioga ar gopa mynyddoedd, neu Zumba o amgylch fflamau dawnsio ar draeth a dosbarthiadau HIIT mewn clwb nos.

Bydd y buddsoddiad nid yn unig yn gwella’r cynnig iechyd a ffitrwydd yng Nghlwb y Rhyl, ond bydd yn galluogi HSDdCyf i ddarparu profiadau sy’n apelio at bobl o bob oed a demograffeg i helpu i annog mwy o aelodau o’r gymuned i gymryd rhan mewn ymarfer corff.

Dywedodd Jamie Groves, Rheolwr Gyfarwyddwr HSDdCyf: “Ein nod yw darparu un o’r clybiau ffitrwydd mwyaf arloesol a chyffrous yng Nghymru. Gan ddefnyddio technoleg Future Studios, gallwn greu unrhyw amgylchedd trochi y mae pobl eisiau ymarfer corff ynddo. Mae’n golygu y gall defnyddwyr fwynhau profiad gwahanol bob tro y byddant yn ymweld â dosbarth, gall ein hyfforddwyr ddarparu sesiynau hyd yn oed yn fwy deniadol a gallwn gynnig rhywbeth i bawb. Fel y profiad ymarfer grŵp trochi cyntaf o’i fath yng Nghymru, bydd Stiwdio 360 yn mynd â’r rhaglen dosbarth HSDdCyf i lefel arall.”

Dywedodd Joe Robinson, cyd-sylfaenydd Future Studios a chyfarwyddwr creadigol Flareform: “Rydym wrth ein bodd yn cydweithio â HSDdCyf wrth i ni gychwyn ar y daith hon i gyflwyno profiadau newydd sbon i’r aelodau. O’r rhyngweithiad cyntaf un, mae hi wedi bod yn amlwg ein bod yn gweithio gyda chwsmer sy’n rhannu ein hangerdd dros arloesi a rhagoriaeth. Mae eu brwdfrydedd dros y prosiect hwn yn ysbrydoledig, ac mae’n cyd-fynd yn berffaith â’n gweledigaeth greadigol ar gyfer y cynnyrch. Rydym yn wirioneddol yn teimlo’n freintiedig i fod yn rhan o’r bartneriaeth hon ac yn edrych ymlaen at weld y canlyniadau anhygoel y byddwn yn eu cyflawni gyda’n gilydd.”

Mae Hamdden Sir Ddinbych Cyf yn dod â’r stiwdio ‘gyntaf yng Nghymru’ i’w bortffolio llwyddiannus, gan ei chyflwyno yng Nghlwb y Rhyl fis nesaf.

Unwaith eto mae HSDd yn mynd yn groes i’r duedd genedlaethol wrth greu un o’r clybiau ffitrwydd mwyaf arloesol a chyffrous yn y wlad.  Bydd y stiwdio ffitrwydd arloesol newydd sbon hon yn rhoi profiad digidol 360 gradd i aelodau ffitrwydd, gan chwyldroi’r rhaglen dosbarthiadau a darparu stiwdio hyfforddi unigryw o’r radd flaenaf.

Mae Hamdden Sir Ddinbych yn cydweithio gyda Future Studios i ddod a phrofiad arloesol a fydd y cyntaf o’i fath yng Nghymru a bydd yn mynd â’r rhaglen Ymarfer Grŵp i lefel hollol newydd.

Fe’i cyflwynir trwy Fframwaith Hamdden y DU, a reolir gan Hamdden Sir Ddinbych ac Alliance Leisure, bydd yr adnodd iechyd a lles arloesol yn cynnig profiadau cynhwysol, dwys i ymgysylltu ac ysbrydoli aelodau ffitrwydd.

Meddai Rheolwr Gyfarwyddwr HSDd, Jamie Groves: “Mae hwn yn amser cyffrous iawn i Hamdden Sir Ddinbych, wrth gyhoeddi stiwdio newydd yng Nghlwb y Rhyl gan sỳmud hyfforddiant gêr yn uwch a bydd yn mynd â’r rhaglen ffitrwydd dosbarth i lefel arall, gan dorri cwys newydd gyda syniadau newydd yng ngwir arddull HSDd. Yn HSDd, rydym bob amser yn rhoi ein haelodau yn gyntaf, ac mae’n gwneud synnwyr buddsoddi mewn rhaglen ymarfer i grwpiau a dod â datblygiad stiwdio newydd sbon i Sir Ddinbych – a’r cyntaf o’i fath yng Nghymru.  Rydym wrth ein boddau i gael gweithio gyda Joe a’i dîm yn Future Studios ar y prosiect hwn. Mae’r dechnoleg yn anhygoel, gyda phrofiad heb ei ail, nid oes stiwdio debyg i hon unrhyw le arall yng Nghymru! Dewch i’n hwythnos agored i gael ei gweld!”

Dywedodd Joe Robinson, cyd-sylfaenydd Future Studios a chyfarwyddwr creadigol yn Flareform: “Rydym wedi gwirioni cael cydweithio gyda HSDd wrth i ni gychwyn ar y siwrnai hon i gyflwyno profiadau newydd sbon i’r aelodau. O’r cyswllt cyntaf un, bu’n amlwg ein bod yn gweithio gyda chleient sy’n rhannu ein hangerdd dros arloesi a rhagoriaeth. Mae eu brwdfrydedd tuag at y prosiect hwn yn heintus ac ysbrydoledig, ac mae’n cyd-fynd yn berffaith â’n gweledigaeth greadigol ar gyfer y cynnyrch. Rydym wir yn teimlo’n freintiedig i fod yn rhan o’r bartneriaeth hon ac ni allwn aros i weld y canlyniadau anhygoel y byddwn yn eu cyflawni gyda’n gilydd.”

Fel gweithredwr hamdden blaengar, mae HSDd yn buddsoddi’n barhaus yn ei gyfleusterau ffitrwydd er mwn darparu’r profiadau gorau un i’w gwsmeriaid.

Yn ystod camau cyntaf trawsnewid Hamdden y Rhyl crëwyd mynedfa newydd ar y llawr gwaelod; a ‘gorsaf Ail-lenwi’ unigryw yn y gampfa yn cynnig Costa a detholiad o ysgytlaeth a byrbrydau maethlon, fydd yn unigryw i’n haelodau ffitrwydd.  Bydd wythnos gyhoeddi Stiwdio 360 yn rhoi cyfle i aelodau ymweld â Chlwb y Rhyl, cael profiad o’r stiwdio, cael ymgynghoriad am ddim gyda’n harbenigwyr ffitrwydd a Choffi Costa am ddim yn y caffi ail-lenwi newydd. Trefnwch eich ymgynghoriad am ddim yn ystod wythnos 16 Hydref ar ap Hamdden Sir Ddinbych. Anogir aelodau presennol i ddod â ffrind am ddim i un o’r dosbarthiadau!

Byddwch yn barod am noson o chwerthin lond eich bol wrth i’r digrifwr o fri Rhod Gilbert gyhoeddi ei daith newydd sbon, ‘Rhod Gilbert & the Giant Grapefruit’.

Mae Rhod Gilbert, sy’n enw cyfarwydd iawn ym myd comedi, yn enwog am ei ffraethineb chwim a’i hiwmor cyfarwydd, ac mae o’n camu’n ôl ar y llwyfan ar ôl seibiant yn dilyn triniaeth ar gyfer cancr y gwddf a’r pen.

Mae’r digrifwr hoffus yn ôl gyda sioe newydd sbon danlli grai sy’n siŵr o weld y gynulleidfa yn g’lana’ chwerthin. Bydd Rhod yn camu ar lwyfan Theatr Pafiliwn y Rhyl nos Fercher 20 Tachwedd 2024 am 8pm.

Meddai Rhod Gilbert am ei daith newydd: “Ar ôl y flwyddyn rydw i wedi’i chael, mae hi’n braf bod yn fyw a theithio unwaith eto. Rydw i’n edrych ymlaen at gael mynd yn ôl ar y llwyfan a siarad am droeon yr yrfa personol iawn, iawn. Pan fydd bywyd yn rhoi lemons i chi, mae’n rhaid i chi eu gwasgu tan mae’r sudd comedi yn llifo, felly byddwch yn barod am s*** tywyll a doniol.”

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Rydym ni’n falch iawn o weld Rhod yn ôl yn gwneud yr hyn mae o’n ei wneud orau ac rydym ni’n edrych ymlaen yn fawr iawn at ei groesawu’n ôl i Theatr Pafiliwn y Rhyl ar ôl ei sioe lwyddiannus ddiwethaf yma. Mae gennym ni lein-yp gwych o ddigrifwyr ar raglen Theatr y Pafiliwn ar gyfer y flwyddyn nesaf, yn cynnwys Adam Rowe, Fascinating Aida, Tom Allen a Paul Smith i enwi ond rhai. Mae cael ein dewis fel lleoliad sioeau teithiol digrifwyr o fri fel Rhod Gilbert yn helpu i roi’r Rhyl ar y map unwaith eto.”

Mae’r tocynnau yn £35 yr un (gyda ffi archebu ar ben hynny) ac mae’n rhaid i chi fod yn 16 oed neu’n hŷn i ddod i weld y sioe. Mae’r tocynnau blaenoriaeth yn mynd ar werth am 10am dydd Mercher 27 Medi. Bydd tanysgrifwyr e-bost Theatr Pafiliwn y Rhyl, sydd wedi tanysgrifio cyn 9am dydd Llun 25 Medi, yn cael dolen arbennig sydd yn eu galluogi i brynu’r tocynnau gorau cyn iddynt fynd ar werth i bawb arall. Bydd y tocynnau cyffredinol yn mynd ar werth am 10am dydd Gwener 29 Medi, a gellir eu prynu drwy wefan Theatr y Pafiliwn neu yn y swyddfa docynnau drwy ffonio 01745 330000.

Mae cast cyffrous wedi’i gyhoeddi gan HSDdCyf ar gyfer eu pantomeim Nadolig yn theatr Pafiliwn y Rhyl.

Mae’r prif gast wedi’i gadarnhau ar gyfer panto eleni, ‘Jack and the Beanstalk’, pantomeim llawn hwyl sy’n argoeli i swyno cynulleidfaoedd o bob oed. Bydd y cast serol hwn yn dod â’r stori annwyl hon yn fyw, gan ei wneud yn ddigwyddiad na ellir ei golli’r Nadolig hwn!

Yn arwain y rhestr mae cystadleuydd cyffrous X Factor, Chico, sy’n siŵr o syfrdanu gyda’i berfformiad carismatig. Yn ymuno ag ef mae’r actor Graham Cole, sy’n fwyaf adnabyddus am ei rôl eiconig yng nghyfres deledu ‘The Bill’, gan ychwanegu

Bydd dilynwyr y comedi Brydeinig glasurol ‘Allo Allo’ yn falch iawn o weld Arthur Bostrom yn camu ar y llwyfan gyda’i ddisgleirdeb digrif. Ac nid dyna’r cwbl; bydd Jamie a Chuck, a wnaeth gyrraedd rownd derfynol Britain’s Got Talent, yn arddangos eu doniau anhygoel, gan ddod ag egni unigryw a chyfareddol i’r sioe.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf (HSDdCyf) “Rydym yn falch iawn o fod yn bartner gydag Anton Benson Productions ar gyfer ein pantomeim Nadolig eto eleni. Mae’n amser i deuluoedd ddod at ei gilydd a mwynhau llawenydd yr ŵyl, ac mae ein theatr yn lle perffaith i ddod â phawb at ei gilydd, cael hwyl a chreu atgofion parhaol!”

Mae Jac a’r Goeden Ffa yn agor ei llenni ar Ragfyr 9, 2023, a bydd yn para tan Nos Galan, Rhagfyr 31ain. Mae’r cynhyrchiad hudolus hwn yn addo adegau o chwerthin, antur, ac eiliadau twymgalon i’r teulu cyfan eu mwynhau yn ystod y tymor gwyliau.

Mae tocynnau ar gael i’w prynu ar wefan Pafiliwn y Rhyl https://rhylpavilion.co.uk/events_list/jack-and-the-beanstalk/ neu drwy ffonio’r swyddfa docynnau ar 01745 330000. Peidiwch â cholli’ch cyfle i gychwyn ar y daith hudolus hon gyda’n cast gwych y Nadolig hwn!

Mae HSDdCyf yn diolch i drigolion ac ymwelwyr am ‘Haf i’w gofio’ yn y Cwt Traeth Nova, ar ôl i’w parti diwedd tymor ddod â miloedd o bobl i draeth Prestatyn dydd Sadwrn diwethaf.

Daeth dros ddwy fil o bobl i’r arfordir ddydd Sadwrn diwethaf i ddathlu diwedd yr Haf gyda HSDdCyf yn y Cwt Traeth, Nova.

Roedd y diwrnod a oedd llawn hwyl i’r teulu yn boblogaidd iawn gyda phlant ac oedolion, gan gynnwys canonau ewyn, dawnswyr, DJ a gemau trwy gydol y dydd. Yna cynhaliwyd Parti Ibiza gyda’r nos, sydd bellach yn ddigwyddiad poblogaidd yn y Cwt Traeth, gyda dawnswyr Ibiza, Glowbot 7 troedfedd a DJ.

Dywedodd Jamie Groves, Rheolwr Gyfarwyddwr HSDdCyf: “Roedd yn wych gweld cymaint o bobl yn mwynhau’r tywydd anhygoel yn y Cwt Traeth Nova y penwythnos diwethaf ar gyfer ein parti diwedd tymor! Y Cwt Traeth yw’r lleoliad perffaith i ddathlu’r Haf, mae gennym lawer o adloniant am ddim i’r teulu cyfan fwynhau’r diwrnod, yn ogystal â’n bwydlen fendigedig a’n coctels enwog, nid oes angen i chi fynd dramor i gael y naws Ibiza hwnnw, pan fedrwn ni ei drefnu i chi! Mae Nova Prestatyn bellach wedi’i gadarnhau ar y map ar gyfer hwyl yr haf ac rydym yn edrych ymlaen at y flwyddyn nesaf yn barod!”

Mae HSDdCyf bellach yn cynllunio rhaglen o ddigwyddiadau ar gyfer yr Hydref, gyda phartïon wedi’u cynllunio ar gyfer y 1891 Rhyl ym Mhafiliwn y Rhyl ar gyfer misoedd yr Hydref a’r Gaeaf.

I gael rhagor o wybodaeth, ewch i www.denbighshireleisure.co.uk

Ymgasglodd torfeydd ar hyd yr arfordir i wylio Sioe Awyr arobryn y Rhyl gyda dros gan fil o bobl yn mynychu’r ddau ddiwrnod dros benwythnos Gŵyl y Banc.

Roedd arddangosfeydd erobatig syfrdanol, pentref milwrol cyffrous a phenwythnos o hwyl i’r teulu ar hyd yr arfordir, ymhlith rhai o uchafbwyntiau eleni.

Gorffennodd y Saethau Cochion y sioe ar y ddau ddiwrnod, gan esgyn i’r awyr uwchben yr Arena Ddigwyddiadau a syfrdanu’r torfeydd gyda’u harddangosfa ysblennydd. Gleidiodd y Fairey Swordish i’r awyr a phlesio’r torfeydd gyda’i arddangosiad. Rhuodd yr Harvard i’r golwg, a bu cymeradwyaeth mawr gan y dorf, a pherfformiodd y pâr Strikemaster rhaglen fentrus â’r dorf ar ymyl eu seddau. Perfformiodd The Starlings ar ddydd Sul gydag arddangosfa arbennig a chododd beilot y Calidus Autogyro ei fawd at y dorf o’r talwrn wrth iddo hedfan dros y torfeydd. Fe wnaeth Hediad Goffa Brwydr Prydain yr Awyrlu Brenhinol blesio’r torfeydd gydag arddangosfa wladgarol a’r Saethau Cochion oedd n gorffen y sioe gydag arddangosfa goch, gwyn a glas ysblennydd.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Mae Hamdden Sir Ddinbych Cyf, mewn partneriaeth â Chyngor Sir Ddinbych a Chyngor Tref y Rhyl, wedi plesio’n fawr â’r nifer a ddaeth i Sioe Awyr y Rhyl sydd bellach yn ‘Adnabyddus yn y DU’. Mae wedi bod yn sioe anhygoel eto eleni, gyda sioe Awyr y Rhyl bellach yn cael ei hystyried yn un o’r digwyddiadau mwyaf trawiadol ar hyd arfordir Gogledd Cymru. Mae Canol Tref y Rhyl a’r Arena Digwyddiadau bob amser yn fwrlwm o gyffro, ac roedd cael y Saethau Cochion, awyren goffa Brwydr Prydain a’r pâr Strikemaster dros y ddau ddiwrnod eleni, yn anhygoel i’w weld! Rydyn ni eisiau diolch i bawb am ddod i’r Rhyl a’r awyrgylch anhygoel, roedd yn wych gweld y promenâd cyfan yn llawn o bobl yn mwynhau’r sioe, Rydyn ni’n edrych ymlaen yn barod at y flwyddyn nesaf!”

Dywedodd Graham Boase, Prif Weithredwr Cyngor Sir Ddinbych: “Mae’r digwyddiad mawr hwn yn rhoi hwb sylweddol i economi’r Rhyl a chymunedau ehangach bob tro y caiff ei lwyfannu ac roedd y digwyddiad eleni yn wirioneddol anhygoel. Mae gan Hamdden Sir Ddinbych Cyf hanes da o gynnal digwyddiadau mor fawreddog ag rydym yn falch iawn o fod yn gweithio mewn partneriaeth â nhw i gyflwyno’r hyn a dynnodd dorf fawr yn y calendr digwyddiadau. Mae ei phoblogrwydd wedi tyfu dros y blynyddoedd ac mae’r Sioe Awyr yn gwbl enwog ar draws y DU cyfan fel un o’r digwyddiadau mwyaf blaenllaw o’i fath. Rydym eisiau diolch i bawb a ddaeth i fwynhau’r arddangosfeydd ac am y derbyniad anhygoel dros y penwythnos”.

Dywedodd Maer Tref y Rhyl, y Cynghorydd Jacquie McAlpine: “Fe wnaethon ni fwynhau’r digwyddiad anhygoel hwn yn fawr ac eisiau diolch i Hamdden Sir Ddinbych Cyf a Chyngor Sir Ddinbych am ddigwyddiad o’r safon uchaf. Roedd yr arddangosfeydd yn wych ac roedd yn wych gweld cymaint o bobl ar y prom yn y Rhyl yn mwynhau eu penwythnos gŵyl banc! Mae hwn yn ddigwyddiad gwych i’r Rhyl ac yn dod â miloedd o bobl i’r ardal bob blwyddyn.”

Byddwch yn barod i nodi eich calendrau a pharatowch ar gyfer noson gynhyrfus o chwerthin wrth i’r digrifwr enwog Paul Smith ddychwelyd i Theatr Pafiliwn y Rhyl ar 2 Mai a Mai 8, 2024.

Gan ddychwelyd ar ôl dwy sioe a werthwyd allan yn 2022, mae’r daith “Pablo” yn argoeli i fod sioe daith fwyaf a mwyaf doniol Paul Smith hyd yn hyn.

Bydd tocynnau ar gyfer y perfformiadau hynod ddisgwyliedig hyn yn mynd ar werth ddydd Gwener, Medi 1af, 2023, am 10:00yb. Mae pob tocyn yn £29 ynghyd â ffi archebu. Yr oedran lleiafswm ar gyfer mynychwyr y sioe yw 16 a throsodd, gan sicrhau y gall cynulleidfaoedd fwynhau brand unigryw Paul Smith o gomedi yn llawn mewn awyrgylch sy’n addas ar gyfer synhwyrau oedolion.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf (HSDdCyf): “Rydym wrth ein bodd unwaith eto i groesawu’r Comedïwr poblogaidd, Paul Smith, i Theatr Pafiliwn y Rhyl ar ôl llwyddiant ysgubol ei ddwy sioe a werthwyd allan y llynedd. Mae’n wir destament i enw da ein lleoliad pan fydd enwau mawr yn y byd comedi, fel Paul Smith, yn dewis ein theatr fel un o gyrchfannau ei daith. Rydym yn edrych ymlaen at ddarparu noson fythgofiadwy arall o chwerthin ac adloniant i’n cynulleidfa.”

Yn adnabyddus am ei frand unigryw o hiwmor a’i gysylltiad gwirioneddol â’i gynulleidfaoedd, mae Paul Smith yn cyfuno ei ddull o ryngweithio cynulleidfa nodedig â straeon gwir o’i fywyd bob dydd, gan greu noson o adloniant sydd yn berthnasol ac yn ddoniol.

I gael rhagor o wybodaeth ac i sicrhau eich tocynnau, ewch i www.RhylPavilion.co.uk/whats-on/ pan fydd tocynnau’n mynd ar werth ddydd Gwener Medi 1af am 10:00yb, neu ffoniwch dîm y Swyddfa Docynnau ar 01745 330000.