Mae Hamdden Sir Ddinbych yn ychwanegu rhagor o ddosbarthiadau at eu rhaglen Clubbercise hynod boblogaidd ar ôl lansiad llwyddiannus ar draws 4 safle.

Mae llwyddiant aruthrol Clubbercise yn Rhuthun a Nova wedi arwain at ychwanegu 5 dosbarth  mewn 4 o ganolfannau. Mae rhestrau aros wedi’u hagor ar gyfer dosbarthiadau yn Llangollen sydd yn llawn ac mae’r dosbarthiadau yn Nova hefyd yn llawn bob wythnos.

Gan ddod â naws noson allan i’ch sesiynau ymarfer, mae Clubbercise yn gymysgedd perffaith o hwyl a ffitrwydd. Mae’r dosbarthiadau, sy’n addas ar gyfer pob lefel o ffitrwydd, yn cael eu cynnal mewn ystafell dywyll gyda goleuadau disgo a ffyn golau Clubbercise, gyda’r ymarferion dawns i gyd wedi’u gosod i anthemau clwb a chaneuon dawns clasurol y 90au.

Mae dosbarthiadau ar gael yn Rhuthun, Dinbych, Llangollen a’r Nova. Mae’r rhain wedi cynnwys gydag aelodaeth o Hamdden Sir Ddinbych ac yn rhoi cyfle i bobl gynyddu ei ffitrwydd a chael hwyl ar yr un pryd bob diwrnod o’r wythnos.

Meddai Rheolwr Gyfarwyddwr HSDd, Jamie Groves: “Rydym wrth ein bodd gallu rhoi’r profiad gwych hwn i’n haelodau mewn pedwar lleoliad ar draws sir Ddinbych. Mae’r ffaith fod brand rhyngwladol fel Clubbercise yn ymddiried yn HSDd yn anrhydedd ac allwn ni ddim aros i’n haelodau brofi’r dosbarthiadau cwbl unigryw hyn. Ers lansiad Clubbercise mae’r dosbarthiadau wedi bod yn llawn ac mae rhestrau aros wedi’u hagor yn Llangollen a Nova ar gyfer pobl sydd eisiau mynd i’r dosbarthiadau. Dim ond mater o amser yw hi tan y bydd Clubbercise ar gael mewn rhagor o’n safleoedd!”

Yn ddiweddar agorodd HSDd Glwb Dinbych sef y trydydd o’u brand Clwb eithriadol. Mae Clwb Nova, X20 Llanelwy a nawr Clwb Dinbych yn glybiau o’r radd flaenaf lle ceir yr offer ymarfer diweddaraf, dosbarthiadau arbennig, Clwb Seiclo a chaffis Costa Coffee.

Gall aelodau archebu lle wythnos ymlaen llaw ar ap HSDd a gall pobl sydd ddim yn aelodau dalu fesul dosbarth. Am ragor o wybodaeth ewch i: https://denbighshireleisure.co.uk/cy/dll-clubbercise-wel/

Mae Hamdden Sir Ddinbych Cyf yn annog pobl i ‘garu’r hyn rydych chi’n ei wneud’ gyda hyd at 60 o swyddi ar gael ar draws y sir cyn y cyfnod prysur sydd i ddod.

P’un a ydych yn gweld eich hun yn gweithio yn ein bwytai ac adrannau lletygarwch, neu’n dod yn rhan o’n gweithrediadau hamdden fasnachol, mae gan DLL lawer o rolau ar gael yn amrywio o hyfforddwyr ffitrwydd ac achubwyr bywyd i staff bar a chogyddion; yn ogystal â llawer o rolau staff tymhorol ym mharc dŵr SC2 ac arena Ninja TAG. Mae DLL yn bwriadu ehangu ei weithlu ar draws atyniadau, bwytai a safleoedd hamdden, i ddarparu ar gyfer anghenion cynyddol y busnes.

Mae’r slogan ‘caru’r hyn rydych chi’n ei wneud’ yn pwysleisio’r pwysigrwydd y mae DLL yn rhoi ar ei weithlu i fwynhau eu rôl. Nid yw byth yn ‘swydd yn unig’ i’r cwmni.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf “Rydym yn gyffrous iawn i ddod â mwy o gyfleoedd cyflogaeth o ansawdd uchel i Sir Ddinbych fel un o brif gyflogwyr y Sir, gyda swyddi ar gael ar draws ystod o’n cyfleusterau. Yn DLL, rydym wedi ymrwymo i fuddsoddi yn ein cymunedau a chefnogi ein pobl. Rydym yn ymfalchïo yn ein safonau uchel o wasanaethau cwsmeriaid, a dyna pam rydyn ni’n teimlo ei bod hi’n bwysig i’n gweithwyr garu’r hyn maen nhw’n ei wneud gyda DLL.”

Mae recriwtio bellach yn fyw ar wefan DLL. I gael rhagor o wybodaeth ac am wybodaeth ar sut i wneud cais, ewch i: denbighshireleisure.co.uk/cy/gyrfaoedd/

Mae DLL yn falch o fod yn dathlu Dydd Gŵyl Dewi gyda llu o weithgareddau yng Nghaffi R yng Nghanolfan Grefft Rhuthun.

Bydd rhai o ddisgyblion Ysgol Pen Barras ac Ysgol Stryd Y Rhos yn perfformio yng Nghaffi R ddydd Mercher 1af Mawrth i nodi’r Diwrnod Cenedlaethol yng Nghymru, Dydd Gŵyl Dewi.

Anogir cwsmeriaid lleol a rhieni disgyblion Ysgol Pen Barras ac Ysgol Stryd Y Rhos i ddod i Gaffi R ar fore Mercher, Mawrth 1af i fwynhau perfformiadau corawl gan ddisgyblion Ysgol Pen Barras Pen am 10:30yb ac Ysgol Stryd Y Rhos am 11yb.

Dywedodd Jamie Groves, Rheolwr Gyfarwyddwr DLL: “Rydym yn edrych ymlaen at groesawu Ysgol Pen Barras ac Ysgol Stryd Y Rhos i Gaffi R ar Ddydd Gwyl Dewi a pha ffordd well i ddathlu Diwrnod Mwyaf Gwladgarol Cymru yn y calendr na gydag adloniant gan gorau ysgolion lleol. Rydym yn angerddol am ein diwylliant Cymraeg a bydd ein Prif Gogydd yn rhoi blas o Gymru ar blatiau ein cwsmeriaid i’w fwynhau yn arbennig ar Fawrth 1af, felly peidiwch â cholli allan. ”

Mae Mawrth 1af yn nodi marwolaeth Dewi Sant, nawddsant Cymru, yn 589CC ac fe’i dathlir yn flynyddol fel dathliad o’i fywyd a diwylliant Cymru.

Bydd Caffi R ar agor o 10am, a gall cwsmeriaid fwynhau cacen gri am ddim gyda pob diod Costa canolig a brynir yn ogystal a bwydlen lawn Caffi R gydag arbennigion Cymraeg ychwanegol gan gynnwys Pei cig oen mintys cennin a thatws mewn crwst pwff gyda sglodion a pys slwtsh, Byrgyr cig eidion Cymraeg Caffi R gyda rarebit Cymraeg, bacwn rhesog, sglodion a cholslo a pwdin bara brith menyn gyda chwstard.

I archebu bwrdd yng Nghaffi R, ffoniwch 01824 708099 neu cysylltwch â Chaffi R ar Facebook.

Mae HSDd yn dod â noson allan i’ch ymarferion gyda lansiad dosbarthiadau clubbercise newydd yn Ninbych a Llangollen.

Mae’r dosbarthiadau ffitrwydd newydd cyffrous hyn yn cael eu lansio yn dilyn cyflwyniad llwyddiannus o Clubbercise yn Hamdden Rhuthun a Nova Prestatyn a lansiwyd y llynedd.

Dywedodd Jamie Groves, Rheolwr Gyfarwyddwr HSDd: “Mae’n bleser i ni allu rhoi’r profiad premiwm hwn i’n haelodau, ac mewn gwir arddull Hamdden Sir Ddinbych rydym bellach yn rhedeg Clubbercise mewn pedwar lleoliad ar draws Sir Ddinbych. Mae’r ffaith fod brand rhyngwladol fel Clubbercise yn ymddiried ynom yn anrhydedd wych ac ni allwn aros i’n haelodau brofi’r dosbarthiadau hyn, maent yn wirioneddol yn un o fath!”

Gyda’r is-bennawd enwog ‘Dod â noson allan i’ch ymarfer corff’, mae Clubbercise yn gymysgedd perffaith o hwyl a ffitrwydd. Mae’r ymarfer corff llawn yn addas ar gyfer pob lefel ffitrwydd, wedi’i osod mewn ystafell dywyll gyda goleuadau disgo a ffyn disglair Clubbercise, mae pob rhaglen ymarfer wedi’i gosod i anthemau clwb a chlasuron y 90au.

Mae dosbarthiadau yn cychwyn yn Llangollen ar 17eg Chwefror a Dinbych 20fed Chwefror – gall aelodau archebu wythnos ymlaen llaw ar yr ap HSDd. Mae dosbarthiadau yn Rhuthun a Nova ar gael i’w harchebu nawr!

Am fwy o wybodaeth, ewch i: https://denbighshireleisure.co.uk/dllclubbercise/

Mae pum bwyty a chaffi HSDd wedi cael y sgôr uchaf am eu hylendid a’u safonau.

Mae Bwyty a Bar 1891 ym Mhafiliwn y Rhyl, Y Bwyty Coedwig Law yn SC2 y Rhyl, Caffi R yn Rhuthun, Cwt Y Traeth yn Nova Prestatyn a Chaffi 21 yng Nghanolfan Fowlio Gogledd Cymru i gyd wedi cael eu gwobrwyo gyda 5 allan o 5 seren.

Daw’r wobrau ar ôl ymweliadau dirybudd gan Asiantaeth Iechyd yr Amgylchedd Iechyd sy’n archwilio’r ceginau; paratoi a choginio bwyd; systemau hylendid bwyd a chofnodion cysylltiedig.

Dywedodd Jamie Groves, Rheolwr Gyfarwyddwr HSDd: “Rydym wedi plesio’n arw ein bod wedi derbyn sgôr pum seren ar draws portffolio bwyty a lletygarwch y cwmni, sy’n cynnwys – Bwyty a Bar 1891 yn Theatr Pafiliwn y Rhyl, SC2 y Rhyl; Cwt Traeth Nova; a Chaffi R yn Rhuthun. Yn ogystal â mwynhau ein prydau bwyd bendigedig, gall ein gwesteion fod yn gwbl hyderus yn y safonau hylendid bwyd uchel sy’n rhan o’u paratoi. Nid yw’n syndod i ni gan ein bod yn gwybod faint o ymdrech y mae ein staff yn ei roi i’w gwaith, a’r pwyslais y maent yn ei roi ar gydymffurfio. Rydym yn buddsoddi fel cwmni yn ein seilwaith, hyfforddiant staff a systemau i fodloni’r holl safonau gofynnol, ond mae hyn yn wir yn dyst i’r holl waith caled y mae ein staff yn ei wneud yn eu rolau, i gynnal safonau HSDd ar draws ein holl fwytai a chaffis. ”

Enillodd Sioe Awyr y Rhyl, a ddychwelodd eleni ar ôl saib o ddwy flynedd, wobr ‘Digwyddiad Gorau’r Flwyddyn’ yng Ngwobrau Twristiaeth Go North Wales 2022, mewn seremoni fawreddog yn Llandudno.  Roedd y wobr yn cydnabod digwyddiad oedd wedi ‘creu effaith economaidd ac wedi gwella proffil y dref lle cafodd ei gynnal’.

Mae’r Sioe Awyr yn ddigwyddiad hynod boblogaidd sy’n cael ei drefnu a’i gynnal gan dîm digwyddiadau bach o fewn Hamdden Sir Ddinbych Cyf., ac mae’n denu miloedd o ymwelwyr i’r Rhyl bob blwyddyn, o selogion awyrennau i’r rhai sy’n dod i fwynhau’r awyrgylch a’r lleoliad ar lan y môr, a phawb yn y canol.  Bu’r tîm, gyda chefnogaeth byddin o wirfoddolwyr, yn gweithio’n hynod galed i drefnu dau ddiwrnod llawn o arddangosfeydd cyffrous. 

Roedd ymwelwyr eleni wrth eu boddau’n gweld y Red Arrows, â’u perfformiadau gwych fel y brif arddangosfa ar y ddau ddiwrnod – am y tro cyntaf yn y Rhyl.  Hefyd yn un o’r prif ddigwyddiadau oedd yr Eurofighter Typhoon a’r awyren fomio Lancaster, ynghyd â nifer o bethau i’w gweld ar y tir.  Gwnaed amcangyfrif bod tua 100,000 o bobl wedi bod i’r digwyddiad ar y ddau ddiwrnod, a fydd heb os wedi rhoi hwb i sawl busnes yn y dref a’r ardal gyfagos.

Eleni, fe wnaeth Hamdden Sir Ddinbych Cyf. ehangu darpariaeth y Sioe Awyr drwy gynnig pecynnau corfforaethol yn eu prif fwyty, Bwyty 1891, gyda golygfeydd arbennig o’r Sioe, ac fe aeth y tocynnau i gyd. Hefyd yn rhan o’r pecyn oedd parti steil Ibiza ar ôl y Sioe ar y Teras, yn cynnig cerddoriaeth fyw, bwyd a choctêls, oedd yn golygu bod y Promenâd a Rhyl ei hun yn brysur gyda’r nos hefyd.

Dywedodd Jamie Groves, y Rheolwr Gyfarwyddwr, “Mae cynnal digwyddiad mawr yn llwyddiannus bob tro’n gamp, ond roedd ailgychwyn ar ôl y pandemig yn golygu bod angen i’r tîm fynd yr ail filltir i gynnal chwip o ddigwyddiad dros ddeuddydd, nid yn unig i’r cwsmeriaid, ond i’r dref ei hun.  Rydyn ni’n falch iawn o gyflawniadau’r tîm, a hoffem hefyd ddiolch i’r holl sefydliadau fu ynghlwm â’r digwyddiad, yn enwedig Cyngor Sir Ddinbych a Chyngor Tref y Rhyl – heb eu cyfraniad hael a’u cefnogaeth nhw, ni fyddai posib’ cynnal y digwyddiad.”

Mae hi’n adeg yna o’r flwyddyn eto, mae Pops Nadolig yn ôl i ddechrau dathliadau’r ŵyl!

Mae’r cyngerdd Nadoligaidd blynyddol yn boblogaidd iawn yn y sir ac AM DDIM i bawb ar ddydd Sul 27 Tachwedd yn Theatr Pafiliwn y Rhyl.

Mae tocynnau am ddim, trwy ffonio Swyddfa Docynnau Pafiliwn y Rhyl a bydd cyfyngiadau o bedwar tocyn i bob cartref.
Mae teyrnged Barry White, Williams Hicks, yr holl ffordd o’r Unol Daleithiau wedi’i gadarnhau fel y prif berfformiwr yng nghyngerdd y Pops Nadolig yn y Rhyl eleni. Bydd The Supreme Dreamgirls a Chôr Ysgol Emmanuel yn ymddangos yn ogystal â William Hicks a fydd yn perfformio caneuon mwyaf poblogaidd Barry White, gyda rhaglen amrywiol o gerddoriaeth i’r gynulleidfa ei mwynhau.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Rydym yn falch iawn o groesawu cyngerdd blynyddol y Pops Nadolig yn ôl i Theatr Pafiliwn y Rhyl am yr ail flwyddyn yn olynol. Mae’n wych gallu cynnig digwyddiad arbennig am ddim i drigolion lleol yn Sir Ddinbych yn enwedig adeg y Nadolig, pan all fod yn gyfnod anodd i lawer o deuluoedd. Rydym felly yn annog y rhai sydd eisiau dod i ffonio ein swyddfa docynnau i fachu eu tocynnau cyn gynted â phosibl i sicrhau eu seddi yn Theatr y Pafiliwn eleni. Gwnewch y penwythnos olaf ym mis Tachwedd yn ddechrau arbennig i’ch dathliadau Nadolig gyda’r teulu i gyd, gyda’r digwyddiad goleuadau Nadolig yn Y Rhyl ar ddydd Sadwrn Tachwedd 26ain a’n cyngerdd Pops Nadolig ar ddydd Sul Tachwedd 27ain, y ddau ddigwyddiad am ddim i’w mynychu, felly gwnewch y mwyaf ohono! ”

Dywedodd Maer y Rhyl, y Cynghorydd Diane King: “Mae’r Pops Nadolig yn argoeli i fod yn ddigwyddiad arall o ddisgleirdeb a llawenydd – a dyna beth sy’n digwydd! Nid yn unig mae gennym deyrnged wych Barry White yn William Hicks, ond mae gennym hefyd The Supreme Dreamgirls a Chôr Ysgol Emmanuel Y Rhyl, yr un mor dalentog. Rhyngddynt, mae’r Pops Nadolig yn argyhoeddi i fod yn noson i’w chofio, ac mae Cyngor Tref y Rhyl yn falch iawn o gefnogi’r digwyddiad rhad ac am ddim hwn unwaith eto.”

Bydd y drysau’n agor o 4pm, i roi’r cyfle i’r gynulleidfa cael diod o 1891 cyn i’r cyngerdd ddechrau am 5pm.

I archebu eich tocynnau Pops Nadolig 2022, ffoniwch Swyddfa Docynnau Theatr Pafiliwn y Rhyl ar 01745 330000.

Cadarnhawyd gwledd o adloniant am ddim ar gyfer seremoni Goleuo Golau Nadolig y Rhyl, gan gynnwys GloBot 8 troedfedd ac arddangosfa tân gwyllt.

Bydd sêr y panto eleni Jake Canuso, sy’n fwyaf adnabyddus am chwarae ei ran fel gweinydd Sbaeneg ar y gyfres Benidorm ar ITV, a Richard Hawley, sy’n fwyaf adnabyddus am ei rôl fel Johnny Connor yn Coronation Street ar ITV, yn cynnau goleuadau Nadolig y dref ar y Stryd Fawr yn y Rhyl ar ddydd Sadwrn 26 Tachwedd rhwng 1pm a 4pm.

Yn diddanu torfeydd a theuluoedd bydd Glowbot 8 troedfedd, aelodau cast panto Nadolig Aladdin eleni a modelu balŵns cyn arddangosfa tân gwyllt byr i gloi’r prynhawn gyda chlec.

Hefyd ar y llwyfan yn diddanu’r dorf rhwng 1pm-4pm bydd cystadleuydd llwyddiannus Britain’s Got Talent, Gruffydd Wyn, y mezzo soprano aruchel Sioned Terry, yr hyfryd Serenity Royal, y talentog Matty Roberts a’r band poblogaidd Chasing Shadows yn chwarae set acwstig. Gydag amrywiaeth o berfformwyr ar ac oddi ar y llwyfan, mae rhywbeth at ddant pawb yn yr ŵyl Goleuadau Nadolig eleni.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Rydym yn falch iawn o allu cynnal prynhawn o adloniant am ddim i’r Rhyl, yn enwedig gan ystyried y pwysau economaidd presennol, mae’n bwysicach nag erioed i ddod at ein gilydd fel cymuned a mwynhau digwyddiadau am ddim fel hyn. Byddwn hefyd yn cynnal ein cyngerdd pops Nadolig blynyddol ar ddydd Sul 27 Tachwedd, y ddau ddigwyddiad am ddim ac mewn partneriaeth â Chyngor Tref y Rhyl.”

Dywedodd maer y Rhyl, y Cynghorydd Diane King: “Mae digwyddiad goleuadau Nadolig y Rhyl yn argoeli i fod yn wledd o adloniant a thalent. O strydoedd Corrie i’n stryd fawr, mae’r digwyddiad yn llawn panto, sêr teledu, a cherddorion lleol rhagorol. Mae cynnau goleuadau’r Nadolig yn un o uchafbwyntiau calendr y Rhyl ac mae’n addo ychydig o oriau cyfareddol. Mae’r cyngor tref yn falch o fod yn bartner gyda Hamdden Sir Ddinbych Cyf i lwyfannu’r digwyddiad a rhoi hwb i dymor yr ŵyl.”

Dros yr wythnosau nesaf, bydd Hamdden Sir Ddinbych Cyf yn goleuo adeiladau i gefnogi Apêl Pabi blynyddol y Lleng Prydeinig Brenhinol.

Bydd Canolfan Grefft Rhuthun, Tŵr Awyr y Rhyl, Theatr Pafiliwn y Rhyl, Bwyty a Bar 1891 a rhaeadr yr Arena Digwyddiadau i gyd yn cael eu goleuo yn goch i Apêl y Pabi Coch 2022.

Mae’r Lleng Prydeinig Brenhinol yn gweithio fel rhwydwaith cenedlaethol sy’n cefnogi cymuned ein Lluoedd Arfog, gan sicrhau nad yw eu cyfraniad unigryw byth yn cael ei anghofio.

Y Lleng Prydeinig Brenhinol yw elusen Lluoedd Arfog fwyaf y wlad, gyda 180,000 o aelodau, 110,000 o wirfoddolwyr a rhwydwaith o bartneriaid ac elusennau, ac maent yn darparu cymorth lle bynnag a phryd bynnag y mae ei angen. Bob blwyddyn mae Apêl y Pabi yn helpu i godi arian hanfodol i’w helpu i barhau â’u gwaith hanfodol; o ddarparu cyngor arbenigol i gymorth ar sut i ymdopi ac adsefydlu a llawer mwy.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf “Mae’r Lleng Prydeinig Brenhinol yn darparu cefnogaeth gydol oes i bersonél sy’n gwasanaethu a chyn-aelodau o’r lluoedd arfog a’u teuluoedd, ac mae Apêl y Pabi yn eu galluogi i wneud gwahaniaeth gwirioneddol a chadarnhaol i fywydau pobl. Mae cyfrannu at Apêl y Pabi eleni yn caniatáu i ni ddangos ein bod yn poeni am fywydau ein Cymuned Lluoedd Arfog a thalu teyrnged iddynt. Byddwn yn goleuo ein hadeiladau drwy gydol yr Apêl, i ddangos ein cefnogaeth i waith y Lleng Prydeinig Brenhinol, ac i annog eraill i wneud yr un peth. ”