Croesawodd yr arena ddigwyddiadau filoedd o bobl dros y penwythnos o bob rhan o’r wlad i fwynhau cerddoriaeth fyw yn yr haul ar lan môr Gogledd Cymru.

Roedd yr arfordir yn fwrlwm o gyffro wrth i’r band poblogaidd o Fanceinion, James, gychwyn yr ŵyl dridiau o gerddoriaeth ar ddydd Gwener gyda chefnogaeth The K’s a ffefryn y dorf The Lightning Seeds, gyda’r pwerdy Beverley Knight a’r actor Jack Savoretti yn dilyn ddydd Sadwrn. Gorffennodd Tom Grennan y penwythnos llawn sêr ar y dydd Sul gyda’r perfformiwr wrth gefn, seren X Factor, Ella Henderson, yn ogystal â pherfformio gyda’i gilydd. Ni arbedwyd unrhyw seddi ym Mhafiliwn y Rhyl wrth i Jason Manford blesio’r gynulleidfa gyda’i daith theatr, gyda diodydd a DJ yn dilyn yn 1891 Terrace.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf, “Rydym wedi plesio’n arw gyda llwyddiant rhaglen y penwythnos hwn yn yr Arena Digwyddiadau a Theatr Pafiliwn y Rhyl, a arweiniodd at filoedd o ymwelwyr yn treulio’r penwythnos yn y Rhyl. Mae’n wych gweld cymaint o bobl yn mynd i’r Rhyl i weld y perfformwyr talentog a phroffil uchel hyn yn camu i’r llwyfan ac rydym yn falch ein bod wedi gallu eu cynnal yma yn yr Arena Digwyddiadau. Roedd y penwythnos yn enghraifft arall o’r Rhyl ac Arfordir Sir Ddinbych yn adfywio fel dewis lleoliad poblogaidd i berfformwyr ac ymwelwyr. Fe wnaethom hefyd fwynhau croesawu mynychwyr cyngherddau yn ein bwyty a bar blaenllaw ym mwyty a bar 1891, fe wnaethom hyd yn oed groesawu pobl o bell cyn belled â’r Iseldiroedd I Deras 1891 am ddiodydd cyn y cyngerdd. Dyma ffordd berffaith i roi hwb i’r Haf yn Sir Ddinbych!”

Bu The K’s a’r Lightning Seeds yn cefnogi band chwedlonol Manceinion, James. Gyda’u presenoldeb syfrdanol ar y llwyfan a’u caneuon poblogaidd yn cynnwys ‘Sit Down’, gosododd James y safonau’n uchel i’r perfformwyr eraill oedd i’w dilyn nos Sadwrn a nos Sul.

Yna daeth y seren ryngwladol Beverley Knight ar y llwyfan nos Sadwrn gan berfformio caneuon poblogaidd gwreiddiol a hen rhai clasurol gyda chaneuon fel ‘I’m every woman’ gan Chaka Khan lle bu pawb yn dawnsio ac yn cynhesu ar gyfer prif act y noson, Jack Savoretti.

Dychwelodd y digrifwr doniol Jason Manford i Bafiliwn y Rhyl oherwydd y galw poblogaidd dim ond 8 mis ar ôl ei berfformiad llwyddiannus diwethaf yn yr awditoriwm a chafodd y dorf noson o chwerthin, gyda diodydd a DJ yn dilyn yn 1891.

Daeth Tom Grennan, a gyrhaeddodd frig y siartiau, â’r penwythnos i ben gyda seren X Factor, Ella Henderson, ill dau yn syfrdanu’r dorf gyda’u deuawd lwyddiannus ‘Let’s go home together’.

Mae dau brofiad beicio newydd yn dod i Brestatyn a Dinbych, yn dilyn llwyddiant Beicio Grŵp Xtreme yn X20 Llanelwy a Hamdden y Rhyl.

Creodd Hamdden Sir Ddinbych ddau ofod beicio grŵp Xtreme yng Nghanolfan Hamdden y Rhyl a X20 Llanelwy dros y cyfnod clo, gyda phrofiad arloesol o oleuadau, sain, sgrin fawr, oll yn rhan o’r profiad Beicio Grŵp. 

Nawr, yn arddull arferol Hamdden Sir Ddinbych, mae’r Rhaglen Beicio Grŵp yn cael ei gyflwyno i Glwb Nova a Chlwb Dinbych a fydd hefyd yn derbyn technoleg Beicio Grŵp, gan gynnwys beiciau ffitrwydd wedi’u cysylltu ac offer Technogym o’r radd flaenaf nad yw ar gael yn unman arall yng Ngogledd Cymru ar hyn o bryd.

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Mae hyn yn brofiad unigryw sydd ar gael yn ein clybiau yn Sir Ddinbych yn unig.  Rydym yn falch o allu cynnig y profiad anhygoel hyn i’n haelodau, ac rydym yn awr wedi cyflwyno hyn i Glwb Dinbych a Chlwb Nova ym Mhrestatyn.  Mae Beicio Grŵp yn mynd â’r profiad beicio grŵp ymhellach ac mae’r elfennau cysylltedd yn arallfydol.”

I gael rhagor o wybodaeth, ewch i denbighshireleisure.co.uk/groupcycle 

Mae Hamdden Sir Ddinbych Cyf yn dathlu ar ôl buddugoliaeth yn yr Eisteddfod i’w gweithiwr fydd yn ei gweld hi’n cynrychioli Cymru yng Ngemau’r Gymanwlad yr haf hwn.

Enillodd Leah Thomas, Swyddog Cyfathrebu a’r Cyfryngau Cymraeg, y wobr gyntaf yn Eisteddfod yr Urdd fel rhan o Gôr Aelwyd Dyffryn Clwyd.

Bu’r côr, a sefydlwyd yn 2019, yn canu ‘Un Ydym Ni’ yn Eisteddfod yr Urdd ddydd Sadwrn diwethaf a byddant nawr yn cynrychioli Cymru yng Ngemau’r Gymanwlad fis Gorffennaf ym Mirmingham.

Roedd y fuddugoliaeth hon yn arbennig iawn i’r grŵp, gyda chyn-aelod arbennig o’r côr yn eu meddyliau, Gruff, a fu farw yn 2020. Dywedodd yr arweinydd Ceri Roberts, a oedd mewn dagrau yn dilyn y perfformiad, mai dyma’r gorau i’r côr erioed canu’r gân hon a bod y perfformiad hwn iddo fo.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Rydym yn falch iawn o Leah, a’i chôr o Ddinbych, am ennill y safle 1af yn yr Eisteddfod yn ogystal â chynrychioli Cymru yng Ngemau’r Gymanwlad. Mae’r Iaith Gymraeg yn bwysig iawn i Hamdden Sir Ddinbych Cyf ac mae cael rôl Leah yn y cwmni yn hollbwysig er mwyn sicrhau bod ein holl farchnata, arwyddion a chyfathrebu yn diwallu anghenion ein cymunedau lleol. Llongyfarchiadau Leah, roedd y perfformiad yn arbennig ac rydyn ni’n gwybod y byddwch chi’n gwneud Cymru’n falch yng Ngemau’r Gymanwlad, rydyn ni’n edrych ymlaen at eich gweld chi a’ch côr yn y gemau!”

Ysgrifennodd Prifathro Ysgol y Llys, Dyfan Mael Phillips, gerdd arbennig i’r côr hefyd yn dilyn eu perfformiad ysblennydd.

Os hoffech chi wylio Aelwyd Dyffryn Clwyd yn perfformio eu perfformiad buddugol o ‘Un Ydym Ni’, cliciwch ar y ddolen isod: https://youtu.be/4cC4UfbwGYY

Mae Sioe Awyr y Rhyl yn ôl yr haf hwn gyda rhaglen arbennig, gan gynnwys perfformwyr o safon fyd-eang yn ystod deuddydd Gŵyl y Banc mis Awst.

Am y tro cyntaf yn hanes Sioe Awyr y Rhyl, mae’r Saethau Cochion a’r Typhoon wedi cadarnhau arddangosiadau awyr ar gyfer 27ain a’r 28ain o Awst.

Mae’r sioe awyr arobryn yn gyflym yn dod yn ddigwyddiad glan môr AM DDIM mwyaf Gogledd Cymru a bydd sioe 2022 yn cynnwys arddangosfeydd awyr ysblennydd ac atyniadau ac adloniant ar y tir.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Mae Hamdden Sir Ddinbych Cyf, mewn partneriaeth â Chyngor Sir Ddinbych, yn gyffrous dros ben am ddod â Sioe Awyr y Rhyl sydd bellach yn ‘enwog yn y DU’ yn ôl. Mae sioe Awyr y Rhyl yn cael ei hystyried yn un o’r digwyddiadau mwyaf trawiadol ar hyd arfordir Gogledd Cymru. Mae Canol Tref y Rhyl a’r Arena Digwyddiadau bob amser yn fwrlwm o gyffro, ac mae’r cyfle o gael y Saethau Cochion a’r Typhoon dros y ddau ddiwrnod yn anhygoel! Rydym yn edrych ymlaen at groesawu ymwelwyr a phobl leol i’r Rhyl ac arfordir Sir Ddinbych i fwynhau’r sioe anhygoel hon.”

Bydd y Sioe Awyr yn cael ei chynnal dros Ŵyl y Banc, 28 a 29 Awst, gyda mwy o fanylion i ddilyn am y digwyddiad maes o law. Mae rhagor o wybodaeth ar gael ar y dudalen we swyddogol denbighshireleisure.co.uk/RhylAirShow a tudalen Facebook Hamdden Sir Ddinbych Cyf.

Dywedodd Graham Boase, Prif Weithredwr Sir Ddinbych: “Mae’r digwyddiad mawr hwn yn rhoi hwb sylweddol i economi’r Rhyl a chymunedau ehangach bob tro y caiff ei lwyfannu ac mae’r rhaglen ar gyfer eleni yn wirioneddol anhygoel. Mae gan Hamdden Sir Ddinbych Cyf hanes da o gynnal digwyddiadau mor fawreddog ag rydym yn falch iawn o weithio mewn partneriaeth â nhw i gyflwyno’r hyn a fydd yn denu tyrfaoedd mawr yn y calendr digwyddiadau. Mae ei phoblogrwydd wedi tyfu dros y blynyddoedd ac mae’r Sioe Awyr yn enwog ar draws y DU cyfan fel un o’r digwyddiadau mwyaf arbennig o’i fath. Ni fydd ymwelwyr y Sioe Awyr yn cael eu siomi”.

Mae’r Lancaster, Tîm Arddangos Grob Tutor a dau Spitfire hefyd wedi’u cadarnhau ar gyfer y ddau ddiwrnod, gan sicrhau dwbl y cyffro ar hyd y penwythnos cyfan.

Mae Tîm Erobatig yr Awyrlu Brenhinol, y Saethau Cochion, yn un o brif dimau arddangos erobatig y byd. Gan gynrychioli cyflymder, ystwythder a manwl gywirdeb yr Awyrlu Brenhinol, y tîm yw wyneb cyhoeddus y gwasanaeth. Yn hedfan awyrennau cyflym Hawk nodedig, mae’r tîm yn cynnwys peilotiaid, peirianwyr a staff cymorth hanfodol sydd â phrofiad gweithredol rheng flaen. Yn aml gyda’u siâp Diemwnt Naw nod masnach, a chyfuniad o ffurfiannau agos a hedfan manwl gywir, mae’r Saethau Cochion wedi bod yn arddangos ers 1965.

Mae misoedd o waith caled yn mynd fewn i arddangosfa Typhoon, gyda’r holl baratoi manwl ac ymdrech ar y cyd gan y tîm y tu ôl i’r llen. Er mai’r peilot sy’n arddangos yr awyren, ni all y peilot wneud ei rôl heb ymrwymiad a chefnogaeth ddi-baid y grŵp ymroddedig o weithwyr proffesiynol sy’n rhan o’r Tîm Arddangos Typhoon. Mae tîm eleni o Sgwadron 29 yn cynnwys arbenigwyr o bob masnach awyren sydd, ynghyd â thimau cefnogi a rheoli, yn gweithio gyda’i gilydd i ddod â’r olygfa ddisglair i chi sef yr Arddangosfa Typhoon. Mae’r tîm yn edrych ymlaen at yr heriau unigryw a ddaw yn sgil tymor arddangos a’r cyfle i arddangos awyrennau Typhoon yr Awyrlu Brenhinol i’r cyhoedd.

Cenhadaeth BBMF y Llu Awyr Brenhinol yw cynnal arteffactau amhrisiadwy ein treftadaeth genedlaethol mewn cyflwr addas i’r awyr er mwyn coffau’r rhai sydd wedi ildio yn eu gwasanaeth i’r wlad. Mae’r RAF BBMF hefyd yn hyrwyddo’r Awyrlu modern ac yn ysbrydoli cenedlaethau’r dyfodol. Mae The Flight yn gweithredu chwe Spitfire, dau Hurricane, a Lancaster ac mae’r awyrennau’n cael eu hedfan gan griw awyr yr Awyrlu Brenhinol.

Cafodd y Grob 115E, a adnabyddir fel y Tutor T Mark 1 yng ngwasanaeth yr Awyrlu, ei adeiladu a’i gyfarparu’n arbennig ar gyfer yr Awyrlu Brenhinol yn Mattsies, yr Almaen rhwng 1999 a 2002. Yn wreiddiol fe wnaeth arfogi Ysgol Hyfforddi Hedfan Elfennol Rhif 1, cyn disodli’r Bulldog T1 oedd mewn gwasanaeth gyda Sgwadronau Awyr Prifysgol yr Awyrlu Brenhinol a Phrofiad Hedfan Awyr.

Mae Ella Henderson wedi cael ei chyhoeddi heddiw fel gwestai arbennig a fydd yn ymuno Tom Grennan yn Arena Digwyddiadau’r Rhyl ar 10 Gorffennaf, 2022.

Bydd y gantores a chyfansoddwr poblogaidd a ddechreuodd ei gyrfa lwyddiannus ar X Factor yn cefnogi ei albwm diweddaraf, ‘Everything I Didn’t Say’, yn dilyn llwyddiant ysgubol ei albwm cyntaf a gyrhaeddodd rhif 1 yn y siartiau DU, ‘Chapter One’.

Cafodd gorsaf drenau’r Rhyl ei gwneud yn enwog gan Ella Henderson nôl yn 2019 pan roddodd DJ BBC Radio 1 Nick Grimshaw anthem genedlaethol i’r Rhyl, ‘This is Rhyl’ ar ôl i wrandäwr BBC Radio 1 anfon neges destun i ddweud bod cân Ella, ‘This is Real’ ar y cyd gyda Jax Jones, a oedd yn cael ei chwarae’n aml ar y radio ar y pryd, yn swnio fel ‘This is Rhyl’ a dylid ei chwarae i bob teithiwr sy’n cyrraedd gorsaf drenau ‘R Rhyl.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Mae gennym ni haf gwych wedi’i drefnu gydag Orchard Live o’n blaenau, gydag amrywiaeth o berfformwyr dawnus, mae’n haf na ddylid ei golli mewn gwirionedd. Mae’n wych gweld bod y buddsoddiadau yn yr atyniadau ar hyd arfordir y Rhyl bellach yn denu perfformwyr o bob rhan o’r wlad, ac yn rhoi Sir Ddinbych ar y map adloniant. Dyma enghraifft arall o’r Rhyl yn dod yn gyrchfan o ddewis i fuddsoddwyr a hyrwyddwyr”

Mae’r sioe yn Arena Digwyddiadau’r Rhyl yn dilyn y cyngerdd hynod lwyddiannus gyda Tom Jones ac yn cael ei chyflwyno unwaith eto gan yr hyrwyddwyr penigamp Orchard Live.

Dywedodd Pablo Janczur o Orchard Live, ‘Rydym yn gyffrous iawn am ddychwelyd i’r Rhyl ar ôl noson mor anhygoel a llwyddiannus gyda Syr Tom Jones yn ôl ym mis Medi, rydym yn edrych ymlaen at ddod yn ôl i’r Rhyl yr haf hwn!’’

Mae Ella Henderson a Tom Grennan yn ymuno â’r gyfres o artistiaid enwog sy’n dod i’r Arena Digwyddiadau ym mis Gorffennaf, gan gychwyn ar nos Wener 8 Gorffennaf gyda’r band rhagorol o Fanceinion James gyda chefnogaeth The Lightning Seeds a The Ks, ac yna Jack Savoretti gyda chefnogaeth Beverley Knight ar ddydd Sadwrn, Gorffennaf 9fed.

Mae tocynnau ar werth nawr drwy Swyddfa Docynnau Pafiliwn y Rhyl a Gigantic.com

Yn y tywydd bendigedig dros y penwythnos, gwelwyd cannoedd o ymwelwyr a thrigolion lleol yn mwynhau Cwt y Traeth, Nova yn yr hyn a ddisgrifir fel ‘dechrau Haf i’w gofio’.

Yn Y Rhyl, mae gwaith yn mynd rhagddo i ailagor bar, bwyty a Theras 1891 dros y Pasg, bydd Pafiliwn y Rhyl yn cynnal amryw o sioeau drwy’r flwyddyn, gobeithir y bydd SkyFlyer a noddir gan ZipWorld yn hedfan drws nesaf i Bafiliwn y Rhyl ac mae SC2 yn paratoi i ailagor y Pad Sblasio, yn cynnwys eu Partïon Traeth blynyddol.

Os ydych chi’n chwilio am bysgod a sglodion arbennig, bydd The Shack ar Bromenâd Y Rhyl yn ei ôl y tymor hwn gyda physgod a sglodion ffres, byrbrydau a diodydd i gerddwyr a rhai sy’n ymweld â’r traeth. Bydd Arena Ddigwyddiadau y Rhyl hefyd yn croesawu nifer o artistiaid yr Haf hwn, a bydd Tom Grennan, James a Jack Savoretti yn chwarae gigs enfawr ar lan y môr.

Ym Mhrestatyn, bydd bwydlen flasus yr Haf yn ei hôl yng Nghwt y Traeth, bydd bar Mojitos yn ailagor yng Nghwt y Traeth ym Mhrestatyn, ac mae dau ddiwrnod o hwyl i’r teulu eisoes wedi eu cynllunio ar gyfer dechrau’r haf. Agorwyd ardal chwarae antur newydd sbon yn Nova y penwythnos hwn, sy’n cynnwys thema môr-ladron anhygoel a ffatri hufen-iâ newydd sbon sy’n gwerthu danteithion bendigedig. 

Mae amryw o weithgareddau eraill yn cael eu trefnu ar gyfer yr Haf, a bydd tomen o lefydd y gall trigolion lleol ddewis ymweld â nhw er mwyn ymlacio ar ddiwedd wythnos hir, neu greu atgofion yn ystod y gwyliau yn un o atyniadau, bariau, bwytai a phrofiadau ffitrwydd Hamdden Sir Ddinbych.

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Roedd hi’n wych gweld cymaint o bobl yn mwynhau eu hunain dros y penwythnos. Mae’n braf cael ychydig o normalrwydd unwaith eto ac rydym yn edrych ymlaen yn fawr at groesawu pawb yn ôl i’n hatyniadau gan fod y tywydd yn dechrau cynhesu. Bydd hwn yn sicr yn Haf i’w gofio ar Arfordir Sir Ddinbych, cadwch lygad allan am fwy o wybodaeth!”

Mae ardal chwarae antur newydd sbon i blant ar thema môr-ladron yn agor yn Nova Prestatyn y penwythnos hwn.

Mae’r ardal chwarae benigamp yn fwy, yn dalach ac yn llawn dop, yn fwy na’r strwythur chwarae blaenorol yn Nova, ac mae’n cynnwys ffatri hufen iâ newydd a chaffi chwarae antur i ymlacio ac ail-lenwi ar ôl chwarae.

Mae’r chwarae antur ar thema môr-ladron yn cynnwys dwy sleid, nodweddion dringo, chwarae meddal, nifer o rwystrau hwyliog ac ardal chwarae benodol i blant bach, sy’n briodol ar gyfer pob plentyn hyd at 1.48m o daldra.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf: “Mae Nova yn dod yn ddewis blaenorol ar arfordir Gogledd Cymru i bobl ymarfer corff, bwyta a nawr chwarae hefyd! Mae’r ardal chwarae antur newydd hon wedi ei dylunio i greu profiad chwarae arbennig heb ei ail. Dyma enghraifft arall o ymrwymiad parhaus Hamdden Sir Ddinbych i ddarparu atyniadau o’r safon uchaf.

“Nawr gall y teulu cyfan fwynhau Nova, wrth ymarfer yng Nghlwb Nova, sydd yn cynnwys bar i aelodau gyda diodydd a byrbrydau iach, nofio yn ein pwll 25m, mwynhau pryd o fwyd wrth ymlacio gyda’r teulu yng Nghwt y Traeth, neu ymlacio ar ôl wythnos galed gydag un o’n coctels bendigedig ym Mojitos. Nawr gall y plant fwynhau Nova hefyd, gyda’r caffi chwarae antur a’r ffatri Hufen Iâ, nid yw’n ganolfan chwarae arferol.

“Allwn ni ddim aros i bawb ddod i fwynhau’r profiad newydd hwn, ond byddwch yn amyneddgar gyda ni gan fod gennym ni rai nodweddion bach olaf i’w rhoi at ei gilydd, gan gynnwys dodrefn newydd a thema rydym yn gobeithio bydd yn eu lle ar gyfer yr haf!”

Bydd yr ardal chwarae antur newydd yn agor ddydd Sadwrn yma, 2 Ebrill, gyda rhywfaint o waith yn parhau am yr ychydig wythnosau nesaf, gan gynnwys themâu newydd a dodrefn yn cyrraedd cyn yr haf.

I archebu eich sesiwn ffoniwch wasanaethau gwesteion Nova ar 01824 712323.

Aelodau hamdden ar draws y cwmni fydd y rhai cyntaf i ddefnyddio’r ap ffitrwydd newydd rhagorol sy’n cael ei lansio gan Hamdden Sir Ddinbych Cyf.

Bydd cwsmeriaid yn gallu sganio cod QR ar y safle a chael mynediad cyflym i’r ystafell ffitrwydd neu ddosbarthiadau ymarfer corff.

Bydd yr ap newydd, a fydd yn gweithio fel cerdyn aelodaeth ddigidol, yn rhedeg ochr yn ochr â system rheoli newydd a fydd yn mynd yn fyw ddiwedd mis Mawrth.

Bydd y dechnoleg newydd yn moderneiddio taith y cwsmer, yn adeiladu profiad mwy integredig i aelodau a hefyd yn gwneud y broses ymuno ar-lein yn ddi-bapur.

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Rydym yn edrych ymlaen at ddod â’r dechnoleg hon i’n safleoedd hamdden a ffitrwydd. Am y tro cyntaf gall cwsmeriaid archebu aelodaeth ar-lein a newid eu manylion yn rhwydd ar yr ap.

“Mae Hamdden Sir Ddinbych Cyf yn falch o fod ar y blaen o ran technoleg arloesol yn y rhanbarth, gan roi profiad digidol heb ei ail i’n cwsmeriaid.”

Bydd cwsmeriaid ac aelodau Hamdden Sir Ddinbych yn cael eu cysylltu yn y cyfamser ynglŷn â chyflwyno’r systemau newydd.

I gael rhagor o wybodaeth, ewch i: https://www.denbighshireleisure.co.uk/digitalinnovation

Ers sawl blwyddyn, mae Theatr y Pafiliwn, y Rhyl, wedi bod yn ffodus iawn o fwynhau cefnogaeth ac ymrwymiad Cyfeillion Theatr y Pafiliwn, cymdeithas wirfoddol, sy’n cynnwys pobl o bob math o gefndiroedd, sydd wedi dod at ei gilydd trwy angerdd dros theatr a’r celfyddydau. 

Trwy eu gweithgareddau codi arian, sydd wedi cynnwys nifer o ddigwyddiadau cymdeithasol fel boreau coffi a chwisys, mae’r Cyfeillion wedi gallu cefnogi Theatr y Pafiliwn gyda sawl agwedd ar eu gweithrediadau – hyrwyddo, rheoli llwyfan, materion technegol ac arlwyo, gan enwi dim ond rhai ohonynt. 

Dros y blynyddoedd, mae’r Cyfeillion wedi noddi amrywiaeth o bethau ymarferol, fel hysbysfyrddau a chadeiriau olwyn, ac wedi ariannu eitemau mwy fel goleuadau deallus a llenni llwyfan.  Mae’r theatr hefyd wedi elwa o’u cyfraniad at brosiectau ailaddurno yn yr awditoriwm a’r ystafelloedd gwisgo.  Nid dim ond cefnogaeth ariannol maen nhw wedi’i darparu fodd  bynnag, ac ar nifer o achlysuron, mae aelodau’r grŵp wedi gwirfoddoli i ddarparu cymorth ymarferol mewn meysydd fel gwerthu rhaglenni neu roi taflenni mewn amlenni ac ati.  Ers iddynt ddechrau, mae’r Cyfeillion wedi gwneud popeth a allant i hyrwyddo Theatr y Pafiliwn.

Yn ddiweddar, cyhoeddodd y grŵp Cyfeillion eu penderfyniad i ddod â’r Gymdeithas i ben ym mis Rhagfyr 2021.  Er bod hyn yn newyddion trist iawn mewn sawl ffordd, hoffai tîm Theatr y Pafiliwn fynegi eu diolch am flynyddoedd lawer o deyrngarwch gwych a ddangoswyd gan y Cyfeillion.  Mae’r tîm hefyd yn falch bod nifer o’r gwirfoddolwyr sydd wedi bod yn rhan o’r grŵp Cyfeillion wedi penderfynu parhau yn eu rolau gyda’r Theatr, a byddant yn parhau i ddarparu’r gefnogaeth hollbwysig.

Dywedodd Jamie Groves, Rheolwr Gyfarwyddwr Hamdden Sir Ddinbych Cyf, “Hoffai Hamdden Sir Ddinbych Cyfyngedig, ac yn benodol ein tîm yn Theatr y Pafiliwn, y Rhyl, ddiolch i holl aelodau’r grŵp Cyfeillion, rhai’r gorffennol a rhai presennol, am yr ymrwymiad gwych a’r gwaith caled maen nhw wedi’i ddangos dros y blynyddoedd.  Nid oes amheuaeth bod y grŵp wedi chwarae rhan fawr wrth feithrin enw da rhagorol y Pafiliwn ym myd y Celfyddydau, a byddwn ni’n hiraethu’n fawr am eu presenoldeb y tu ôl i’r llenni.”

Dywedodd Dave Simmons, cyn Gadeirydd y grŵp Cyfeillion, “Ar ôl gwneud y penderfyniad anodd i ddod â grŵp Cyfeillion Theatr y Pafiliwn i ben, rydym yn edrych yn ôl ar ein cyflawniadau ar ran y theatr gyda balchder mawr.  Fel ased pwysig iawn i’r Rhyl a’r gymuned Celfyddydau ehangach, rydym wrth ein bodd bod ein gwaith gyda Theatr y Pafiliwn wedi helpu i ddod â mwynhad i gynifer o bobl, a helpu i gynnal y safonau uchel mae wedi dod yn adnabyddus amdanynt.”

Mae gan Theatr y Pafiliwn gymuned weithgar iawn o wirfoddolwyr, ac mae Hamdden Sir Ddinbych Cyfyngedig yn bwriadu parhau â hyn.  Mae nifer o rolau gwirfoddolwyr ar gael gennym, a gall unrhyw un sydd â diddordeb mewn cymryd rhan gysylltu â ni trwy ein tudalen i wirfoddolwyr ar y wefan denbighshireleisure.co.uk/cy/gwirfoddoli/

Ahoi! Bydd môr-ladron yn meddiannu’r ardal Chwarae Antur yn Nova dros yr wythnosau nesaf i drawsnewid ardal Chwarae Nova a’r Caffi fewn i ynys llawn trysor ac anturiaethau.

Lle Chwarae Nova yw un o’r canolfannau Chwarae Antur fwyaf yng ngogledd Cymru ac mae’n mynd o nerth i nerth.

Roedd y difrod ar y to wedi’i greu gan Storm Eunice wedi achosi i Chwarae Antur Nova gau’r wythnos diwethaf, felly tra bod y cyfleuster ar gau i’w atgyweirio, mae Hamdden Sir Ddinbych Cyf wedi cymryd y cyfle i wella’r ardal chwarae a’r caffi, ac ailagor gyda gwedd newydd gyffrous.

Wedi llwyddiant y Lle Chwarae Antur yn SC2 a’r tyrfaoedd a fu’n heidio i Gwt y Traeth yn yr Haf, mae’r lle chwarae’n cael ei ailwampio’n llwyr gan roi stamp Hamdden Sir Ddinbych arno go iawn. Bydd y strwythur chwarae yn dyblu mewn maint ac yn cael ei drawsnewid gydag addurniadau newydd ar thema môr-ladron.

Meddai Jamie Groves, Rheolwr Gyfarwyddwr Hamdden Sir Ddinbych Cyf: “Tra bod gwaith atgyweirio ar y to yn cael ei wneud, rydym wedi penderfynu dod â’r rhaglen yr oeddem wedi’i chynllunio i wella’r profiad chwarae yn Nova ymlaen. Rydyn ni eisiau gwneud yn siŵr bod ymwelwyr a chwsmeriaid yn dychwelyd i’r profiad cwsmer o safon y maen nhw wedi dod i’w ddisgwyl gan Hamdden Sir Ddinbych, ac o safbwynt busnes mae hyn nawr yn golygu nad oes rhaid i ni gau i wella’r ardal chwarae. Bydd cymryd y cyfle hwn yn rhoi profiad newydd i’n cwsmeriaid edrych ymlaen ato.

“Lle Chwarae Nova yw’r un mwyaf poblogaidd yn y rhanbarth ac mae cwsmeriaid yn trafeilio o bell ac agos i chwarae ar y strwythur unigryw sydd yma. Mae Cwt y Traeth, Nova wedi bod yn llwyddiant ysgubol ers iddo agor, ac wedi lansio Clwb Nova, ein profiad ffitrwydd blaenllaw gyda bar clwb unigryw, iawn o beth oedd inni fuddsoddi yn ein lle chwarae hefyd fel ei fod cystal â phob dim arall sydd gennym i’w gynnig yn Nova. Mae hyn yn cadarnhau ein henw da fel y gyrchfan hamdden orau yng ngogledd Cymru.”

Bydd y gwaith yn dechrau ar 28.2.22 a disgwylir ei gwblhau ymhen pedair wythnos.

Ychwanegodd Jamie: “P’un a ydych chi’n edrych i ymlacio gyda choctel ger Cwt y Traeth, mwynhau cinio dydd Sul bendigedig, hyfforddi fel athletwr o fri yng Nghlwb Nova neu adael i’r plant redeg yn rhydd yn y lle chwarae, mae rhywbeth at ddant pawb yn Nova.”